ତୁମୁଡିବନ୍ଧ,୩୦ା୧୧(ଡି.ଏନ୍.ଏ.): ଜଣେ ନାବାଳିକା(୧୪)ଙ୍କୁ ବଳାତ୍କାର କରାଯାଇଥିବା ନେଇ ତୁମୁଡ଼ିବନ୍ଧ ଥାନାରେ ପରିବାର ପକ୍ଷରୁ ଅଭିଯୋଗ ହୋଇଛି। ପୋଲିସ ନଂ.୮୫/୧୯ରେ ମାମଲା ରୁଜୁକରି ନାବାଳିକାଙ୍କ ପଡୋଶୀ ଶମ୍ଭୁ ମହାରଣାଙ୍କୁ ଗିରଫ କରିଛି। ଗତ ଗୁରୁବାର ସନ୍ଧ୍ୟାରେ ଶମ୍ଭୁ ସମ୍ପୃକ୍ତ ନାବାଳିକାଙ୍କୁ ମୋବାଇଲ ଦେଖାଇବା ବାହାନାରେ ଏକ ଅନ୍ଧାରିଆ ସ୍ଥାନକୁ ଡାକିନେଇ ବଳାତ୍କାର କରିଥିଲେ। ଘଟଣା ସମ୍ପର୍କରେ ନାବାଳିକାଙ୍କ ମା’ ଜାଣିବାପରେ ଗୁରୁବାର ରାତିରେ ତୁମୁଡ଼ିବନ୍ଧ ଥାନାରେ ଏତଲା ଦେଇଥିଲେ। ଶୁକ୍ରବାର ପୋଲିସ ଶମ୍ଭୁଙ୍କୁ ଗିରଫ କରିଥିଲା। ଉଭୟଙ୍କ ଡାକ୍ତରୀମାଇନା ପରେ ପୀଡିତାଙ୍କ ବୟାନ ରେକର୍ଡ ପାଇଁ ଫୁଲବାଣୀ ମାଜିଷ୍ଟ୍ରେଟଙ୍କ ନିକଟକୁ ପଠାଯାଇଥିବା ତଦନ୍ତକାରୀ ଅଫିସର ଜୟନ୍ତ କୁମାର ସେଠୀ କହିଛନ୍ତି।
