କୋଲକାତା,୨୪।୧୧- ଦେଶର ପ୍ରଥମ ଭାରତୀୟ ଅଧିନାୟକ ଭାବେ ବିରାଟ କୋହଲି ରବିବାର କ୍ରମାଗତ ୭ ଟେଷ୍ଟ ଜିତି ରେକର୍ଡ କରିଛନ୍ତି। ବାଂଲାଦେଶ ବିପକ୍ଷ ଦ୍ୱିତୀୟ ତଥା ଦିବାରାତ୍ର ଟେଷ୍ଟକୁ ଭାରତ ଏକ ଇନିଂସ ଓ ୪୬ ରନ୍ରେ ମ୍ୟାଚ୍ ଜିତି ନେଇଛି। ଏହା କୋହଲିଙ୍କ ନେତୃତ୍ୱରେ ଟିମ୍ ଇଣ୍ିଆର କ୍ରମାଗତ ୭ ଟେଷ୍ଟ ବିଜୟ। ଏଥିସହ କୋହଲି ପୂର୍ବତନ ମହେନ୍ଦ୍ର ସିଂ ଧୋନୀଙ୍କ ରେକର୍ଡକୁ ଅତିକ୍ରମ କରିଛନ୍ତି। ୨୦୧୩ରେ ଧୋନୀଙ୍କ ନେତୃତ୍ୱରେ ଭାରତ ଲମ୍ବା ଫର୍ମାଟରେ କ୍ରମାଗତ ୬ ମ୍ୟାଚ୍ ଜିତିଥିଲା। ଏତଦ୍ ବ୍ୟତୀତ ପିଙ୍କ ବଲ ଟେଷ୍ଟ ବିଜୟ ଭାରତ ପାଇଁ ଏକ ସ୍ବତନ୍ତ୍ର ରେକର୍ଡ ଅଧିକାରୀ ହୋଇଛି। ଟିମ୍ ଇଣ୍ଡିଆ କ୍ରମାଗତ ୪ ମ୍ୟାଚ୍କୁ ଇନିଂସ ବ୍ୟବଧାନରେ ଜିିତି ରେକର୍ଡ କରିଛି। ପ୍ରଥମ ଦଳ ଭାବେ ଏପରି କରିପାରିଛି। ଦିବାରାତ୍ର ଟେଷ୍ଟରେ ଭରତୀୟ ସ୍ପିନରମାନେ ଗୋଟିଏ ହେଲେ ଉଇକେଟ ନେଇ ପାରି ନ ଥିଲେ। ଏହା ବିଶ୍ୱ କ୍ରିକେଟରେ ଦ୍ୱିତୀୟ ଘଟଣା। ପ୍ରଥମ ଥର ପାଇଁ ୨୦୧୮ରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟରେ ଘଟିଥିଲା।
