ଧୂପକାଠି ଫ୍ୟାକ୍ଟ୍ରି ନାଁରେ ୩ ଲକ୍ଷ ଠକେଇ
7:27 amSeptember 20, 2019 / 21

ଦିଗପହଣ୍ଡି,୨୦ା୯(ଡି.ଏନ.ଏ.)- ଦିଗପହଣ୍ଡି ବ୍ଲକ ବମକେଇ ଗଁାରେ ଧୂପକାଠି ଫ୍ୟାକ୍ଟ୍ରି ପ୍ରତିଷ୍ଠା କରାଇ ଦେବା ନଁାରେ ଜଗନ୍ନାଥ ପ୍ରଧାନଙ୍କଠାରୁ ବ୍ରହ୍ମପୁର ସହରର ଜଣେ ବ୍ୟକ୍ତି ପ୍ରାୟ ୩ ଲକ୍ଷ ଟଙ୍କା ଠକି ନେଇଥିବା ଅଭିଯୋଗ ହୋଇଛି। ବମକେଇ ଗଁାର ଜଗନ୍ନାଥ ଏନେଇ କେ.ନୂଆଗଁା ଥାନାରେ ଏତଲା ଦେବା ପରେ ଆଇଆଇସି ମାଧବାନନ୍ଦ ନାୟକ ଘଟଣାର ତଦନ୍ତ କରି ମାମଲା ନଂ.୧୭୮/୧୯ ଦଫା ୪୨୦/୫୦୬ ଅନୁଯାୟୀ ଅଭିଯୁକ୍ତଙ୍କ ନାଁରେ ମକଦ୍ଦମା ରୁଜୁ କରିଛନ୍ତି। ଗତ ପ୍ରାୟ ୨ ବର୍ଷ ପୂର୍ବେ ଜଗନ୍ନାଥ ଓ ତାଙ୍କ ଅନ୍ୟ ଜଣେ ସାଙ୍ଗଙ୍କ ସରଳତାର ସୁଯୋଗ ନେଇ ବ୍ରହ୍ମପୁରର ଜଣେ ବ୍ୟକ୍ତି ଧୂପକାଠି ମେଶିନ ପ୍ରସ୍ତୁତି ସାମଗ୍ରୀ ବାବଦକୁ ପ୍ରାୟ ୩ ଲକ୍ଷ ଟଙ୍କା ଠକି ନେଇଥିଲେ। କିଛିଦିନ ପରେ ମେଶିନ ଖରାପ ହୋଇଯାଇଥିଲା। ଜଗନ୍ନାଥ ଏନେଇ ତାଙ୍କ ସହ ବାରମ୍ବାର ଯୋଗାଯୋଗ କରିଥିଲେ ମଧ୍ୟ ସେ ଆଉ ତାଙ୍କୁ ଧରାଛୁଆଁଁ ଦେଉ ନ ଥିଲେ। ପରେ ଅର୍ଥ ଫେରସ୍ତ ମାଗିବାରୁ ସେ ତାଙ୍କୁ ଧମକ ଦେଉଥିବା ଏତଲାରେ ଉଲ୍ଲେଖ ରହିଛି।