ଖୋର୍ଦ୍ଧା ଅଫିସ,୨୬।୫: ଖୋର୍ଦ୍ଧା ଟାଉନ ଅଧୀନ ତରତୁଆ ନିକଟତବର୍ତ୍ତୀ ଚିଙ୍ଗୁଡ଼ି ଝରଠାରେ ଦୁଇଟି ଟ୍ରକ୍ ମୁହାଁମୁହିଁ ଧକ୍କା ହୋଇଛି। ଏଥିରେ ଦୁଇଟି ଗାଡିର ଡ୍ରାଇଭର ଗୁରୁତର ହୋଇଥିବା ସହ ୧୦ ଗୋରୁଙ୍କ ମୃତ୍ୟୁ ଘଟିଥିବା ଜଣାପଡିଛିl
ସୂଚନା ଅନୁଯାୟୀ ରବିବାର ଭୋର ୪ଟା ସମୟରେ ବାଘମାରୀ ଆଡୁ ଦ୍ରୁତଗତିରେ ଏକ ଗୋରୁବୋଝଇ ଟ୍ରକ୍ ଖୋର୍ଦ୍ଧା ଅଭିମୁଖେ ଆସୁଥିବା ବେଳେ ନୟାଗଡ଼ ଅଭିମୁଖେ ଯାଉଥିବା ଏକ ମାଲ୍ ବୋଝଇ ଟ୍ରକ୍ ସହିତ ମୁହାଁମୁହିଁ ଧକ୍କା ହୋଇଥିଲା l ଏଥିରେ ଉଭୟ ଡ୍ରାଇଭର ଗୁରୁତର ହେବାସହ ଘଟଣାସ୍ଥଳରେ ୧୦ ଗୋରୁଙ୍କ ମୃତ୍ୟୁ ଘଟିଥିଲା। ଘଟଣା ପ୍ରଘଟ ହୋଇଯିବା ଭୟରେ ତରବରିଆ ହୋଇ ମୃତ ଏବଂ ଜୀବିତ ଗୋରୁଙ୍କୁ ଏକ ପିକ୍ଅପ୍ ଭ୍ୟାନରେ ଅନ୍ୟତ୍ର ନିଆଯାଉଥିବା ଦେଖିବାକୁ ମିଳିଥିଲ। ତେବେ ଏଯାବତ୍ ଘଟଣାସ୍ଥଳରେ ପୋଲିସ ପହଞ୍ଚି ନାହିଁ।
