ଟୋକନ ନ ମିଳିବାରୁ ଖୋଲିନି ମଣ୍ଡି

ଯାଜପୁର ଅଫିସ,୩୧-୧:ଯାଜପୁର ଜିଲାରେ ଧାନ ସଂଗ୍ରହରେ ବିଳମ୍ବ କାରଣରୁ ଚାଷୀ ବହୁଳ ଭାବେ ଅଭାବୀ ବିକ୍ରିର ଶିକାର ହେଉଛନ୍ତି। ପୂର୍ବରୁ ଧାନ ଅମଳ କରି ଚାଷୀ ଅଭାବ ଅନାଟନ ଯୋଗୁ ଦଲାଲ ହାତରେ କୁଇଣ୍ଟାଲ ପିଛା ୫୦୦ରୁ ୬୦୦ ଟଙ୍କା ପର୍ଯ୍ୟନ୍ତ କମ ଦରରେ ବିକ୍ରି କରିଥିବା ଜଣାପଡିଛି। ଏହାବାଦ ବିଳମ୍ବରେ ପ୍ୟାକ୍ସ ଖୋଲିବା ଚାଷୀଙ୍କ ପାଇଁ ବୋଝ ଉପରେ ଲଳିତା ବିଡ଼ା ସଦୃଶ ହୋଇଛି। ଏହିକ୍ରମରେ ଗତ ୨୩ ତାରିଖରେ ଯାଜପୁର ଜିଲାପାଳ ମଣ୍ଡି ଖୋଲି ନ ଥିବା ୨୪ଟି ପ୍ୟାକ୍ସର ସମ୍ପାଦକ ଓ କ୍ରୟ ଅଧିକାରୀଙ୍କ ନାମରେ କାରଣ ଦର୍ଶାଅ ନୋଟିସ ଜାରି କରିଥିଲେ। ଇତିମଧ୍ୟରେ ୨୪ ରୁ ୨୦ ପ୍ୟାକ୍ସରେ ଧାନ ମଣ୍ଡି ଖୋଲି ସାରିଥିବାବେଳେ ଆହୁରି ୪ଟି ପ୍ୟାକ୍ସରେ ମଣ୍ଡି ଖୋଲି ନ ଥିବାରୁ ପଞ୍ଜୀକୃତ ୫୮୫ ଜଣ ଚାଷୀ ନାହିଁ ନ ଥିବା ସମସ୍ୟାରେ ରହିଛନ୍ତି। ତେବେ ଏହି ୪ଟି ପ୍ୟାକ୍ସ ସିଂହପୁର, ନିଜାମପୁର, ତଳିହା ଓ ମହିଶାରାକୁ ଖାଦ୍ୟ ଯୋଗାଣ ବିଭାଗ ପକ୍ଷରୁ ଟୋକନ ଯୋଗାଇ ଦିଆଯାଇ ନ ଥିବାରୁ ମଣ୍ଡି ଖୋଲାଯାଇ ନ ଥିବା ସୂଚନା ମିଳିଛି।
ଜିଲାର ଚାଷୀ ଯେପରି ଠିକ ସମୟରେ ମାର୍କେଟ ୟାର୍ଡରେ ଧାନ ବିକ୍ରି କରି ନିର୍ଦ୍ଧାରିତ ସମୟରେ ନିର୍ଦ୍ଧାରିତ ସହାୟକ ମୂଲ୍ୟ ପାଇବେ ସେଥିପାଇଁ ପ୍ରତିବର୍ଷ ଜିଲା ପ୍ରଶାସନ ପକ୍ଷରୁ ଅନୁଷ୍ଠିତ ଧାନ ସଂଗ୍ରହ କମିଟି ବୈଠକରେ ଗୁରୁତ୍ୱାରୋପ ହେଉଛି। ଏହାସହ ଧାନ ସଂଗ୍ରହ ସମୟରେ ଯେପରି ଚାଷୀ କୌଣସି ଅସୁବିଧାର ସମ୍ମୁଖୀନ ନ ହୁଏ, ଠିକ ସମୟରେ ମଣ୍ଡିରେ ଧାନ ଦେବା, ସହଜଭାବେ ପ୍ରାପ୍ୟ ପାଇବା ଉପରେ ପରାମର୍ଶ ଦିଆଯାଉଛି। କିନ୍ତୁ ପରିବର୍ତ୍ତୀ ସମୟରେ ଏହାର ଅନୁପାଳନ ହେଉଛି କି ନାହିଁ ତାହା ନୀରିକ୍ଷଣ କରାଯାଉ ନାହିଁ। ଗତ ବର୍ଷ ଭଳି ଚଳିତ ବର୍ଷ ଖରିଫ ଋତୁ ଧାନ ସଂଗ୍ରହ କ୍ଷେତ୍ରରେ ପୁଣି ଅବହେଳା ଦେଖାଦେଇଛି। ପୂର୍ବରୁ ଧାନ ମଣ୍ଡି ଖୋଲିବାରେ ବିଳମ୍ବ ଯୋଗୁ ଜିଲାର ଅଧିକାଂଶ ଚାଷୀ ନିର୍ଦ୍ଧାରିତ ମୂଲ୍ୟଠାରୁ ୫୦୦/୬୦୦ ଟଙ୍କା କମ୍‌ରେ କଷ୍ଟୋପାର୍ଜିତ ଧାନକୁ ମଧ୍ୟସ୍ଥି ହାତରେ ବିକ୍ରି କରି ସାରିଛନ୍ତି। ଏବେ ଯେଉଁ ଧାନ ସଂଗ୍ରହ ହେଉଛି ତାହା ଚାଷୀଙ୍କ ଟୋକନ ବଳରେ ମଧ୍ୟସ୍ଥିମାନେ ଧାନ ବିକ୍ରି କରୁଛନ୍ତି। ଚଳିତବର୍ଷ ୮ ଲକ୍ଷ ୫୫୦ କୁଇଣ୍ଟାଲ ଧାନ ସଂଗ୍ରହ ଲକ୍ଷ୍ୟ ରହିଛି। ଚଳିତ ମାସ ୨୮ ତାରିଖ ସୁଦ୍ଧା ୫୧୧୩୩୪.୧୩ କୁଇଣ୍ଟାଲ ଧାନ ସଂଗ୍ରହ ହୋଇଛି। ଏଥିରେ ୧୩୪ଟି ପ୍ୟାକ୍ସ/ସ୍ବୟଂ ସହାୟକ ଗୋଷ୍ଠୀ ଭାଗ ନେଇଥିବାବେଳେ ଏଯାଏ ୪ଟି ପ୍ୟାକ୍ସରେ ଆଦୌ ଧାନ ସଂଗ୍ରହ ହୋଇନାହିଁ। ଏଥିଯୋଗୁ ସିଂହପୁର ପ୍ୟାକ୍ସରେ ପଞ୍ଜୀକୃତ ୨୨୬ ଚାଷୀ, ନିଜାମପୁର ପ୍ୟାକ୍ସରେ ପଞ୍ଜୀକୃତ ୧୩୮ ଚାଷୀ, ତଳିହା ପ୍ୟାକ୍ସରେ ପଞ୍ଜୀକୃତ ୬୨ ଚାଷୀ ଓ ମହିଶରା ପ୍ୟାକ୍ସରେ ପଞ୍ଜୀକୃତ ୧୬୧ ଚାଷୀ ତାଙ୍କ ଧାନ ବିକ୍ରି କରି ପାରିନାହାନ୍ତି। ଏହାବାଦ ରଣପୁର ପ୍ୟାକ୍ସ ବିଳମ୍ବରେ ମଣ୍ଡି ଖୋଲିଥିବାରୁ ନିର୍ଦ୍ଧାରିତ ୨୦୦୦ କୁଇଣ୍ଟାଲ ମଧ୍ୟରୁ ଏଯାଏ ମାତ୍ର ୮୨.୧ କୁଇଣ୍ଟାଲ ଧାନ ସଂଗ୍ରହ ହୋଇପାରିଛି। ସେହିପରି ନରହରିପୁର ପ୍ୟାକ୍ସରେ ନିର୍ଦ୍ଧାରିତ ୪୫୦୦ କୁଇଣ୍ଟାଲ ମଧ୍ୟରୁ ୬୭.୬ କୁଇଣ୍ଟାଲ ଧାନ ସଂଗୃହୀତ ହୋଇଛି। ତେବେ ସପ୍ତାହେ ପୂର୍ବରୁ ଜିଲାପାଳ ରଞ୍ଜନ କୁମାର ଦାସ ଧାନ ମଣ୍ଡି ଖୋଲି ନ ଥିବା ୨୪ଟି ପ୍ୟାକ୍ସ ସମ୍ପାଦକ ଓ କ୍ରୟ ଅଧିକାରୀଙ୍କୁ କାରଣ ଦର୍ଶାଅ ନୋଟିସ ଜାରି କରିଥିବାବେଳେ କେତେକ ଅବ୍ୟବସ୍ଥା ଥିବା ଉତ୍ତରରୁ ସୂଚନା ମିଳିଛି। ଉଦାୟନାଥପୁର ଓ ଖରିଆ ପ୍ୟାକ୍ସକୁ ଧାନ ସଂଗ୍ରହର ଧାର୍ଯ୍ୟଲକ୍ଷ୍ୟ ମଳି ନ ଥିଲା। ରୁଦ୍ରପୁର ପ୍ୟାକ୍ସରେ ମାତ୍ର ୩୬ ଜଣ ଚାଷୀ ପଞ୍ଜୀକୃତ ହୋଇଥିବାରୁ ଏହାକୁ ସୁଜନପୁର ପ୍ୟାକ୍ସ ସହିତ ଟ୍ୟାଗ କରାଗଲା। ନିଜାମପୁର ପ୍ୟାକ୍ସରେ କେବଳ ରବି ଋତୁରେ ଧାନ ସଂଗ୍ରହ ହୋଇଥାଏ। ଏହି କାରଣରୁ ଲକ୍ଷ୍ୟଧାର୍ଯ୍ୟ ଦେବା ବିଳମ୍ବ ହେବା ସହ ଟୋକନ ଯୋଗାଇ ଦିଆଗଲା ନାହିଁ। ଏହିସବୁ ଟୋକନ ଯୋଗାଇ ଦେବାରେ ବିଳମ୍ବ ଯୋଗୁ ଧାନ ସଂଗ୍ରହ ପୂର୍ଣ୍ଣମାତ୍ରାରେ ହୋଇପାରି ନ ଥିବା ସୂଚନା ମିଳିଛି। ଏ ସଂକ୍ରାନ୍ତରେ ଯାଜପୁର ଏଆରସିଏସ୍‌ ଶରତ କୁମାର ମଲ୍ଲିକଙ୍କୁ ପଚାରିବାରେ, ଆସନ୍ତା ଫେବୃୟାରୀ ୧/୨ ତାରିଖ ସୁଦ୍ଧା ସମସ୍ତ ପ୍ୟାକ୍ସରେ ମଣ୍ଡି ଖୋଲିବାକୁ ବ୍ୟବସ୍ଥା କରାଯାଉଛି। ତଳିହା ପ୍ୟାକ୍ସରେ ଶୁକ୍ରବାର ମଣ୍ଡି ଖୋଲୁଛି। ତେବେ ଟୋକନ ଅଭାବରୁ କେତେକ ମଣ୍ଡି ଖୋଲିବାରେ ବିଳମ୍ବ ହୋଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?