ଉଦଳା,୩୧ା୧(ଡ଼ି.ଏନ୍.ଏ.)- ଉଦଳାଠାରେ ଥିବା ମା’ ସରସ୍ବତୀଙ୍କ ମନ୍ଦିରରେ ଗୁରୁବାର ବାଗଦେବୀଙ୍କ ପୂଜାର୍ଚ୍ଚନା ଅନୁଷ୍ଠିତ ହୋଇଯାଇଛି। ଶ୍ରଦ୍ଧାଳୁମାନେ ଲମ୍ବାଧାଡିରେ ଆସି ମା’ଙ୍କ ପୂଜା କରିଥିଲେ। ଭୋର ୫ଟାରେ ମନ୍ଦିର ଦ୍ୱାର ଫିିଟା ଯିବା ପରେ ସାଢେ ୫ ଟାରେ ମନ୍ଦିର ମାର୍ଜନା, ନେତ୍ରବନ୍ଧନ, ସୂର୍ଯ୍ୟପୂଜା, ଦ୍ୱାରପାଳ ପୂଜା, ଅର୍ଘ୍ୟ ପ୍ରଦାନ ପରେ ମହାସ୍ନାନ ଜନିତ ଉପଚାର, ରାଜରାଜେଶ୍ୱରୀ ବେଶ, ମଙ୍ଗଳ ଆଳତୀ ପରେ ସକାଳ ୭ ଟାରୁ ଶ୍ରଦ୍ଧାଳୁମାନେ ପୂଜାର୍ଚ୍ଚନା ଆରମ୍ଭ କରିଥିଲେ। ଅପରାହ୍ନ ୧ଟାରେ ଅବକାଶ ନୀତି କରାଯାଇଥିଲା। ସାଢେ ଗୋଟାଏ ସମୟରେ ସ୍ଥାନୀୟ ସର୍ବପୁରାତନ ମଣିନାଗେଶ୍ୱର ମନ୍ଦିର ନିକଟରୁ ଘଟୋ ଉତ୍ତୋଳନ କରାଯାଇ ନଗର ପରିକ୍ରମା କରିବା ପରେ ମନ୍ଦିରରେ ପହଞ୍ଚତ୍ଥିଲା ା ଏହା ପରେ ଘଟ ସ୍ଥାପନ ପୂର୍ବକ ବାଗଦେବୀଙ୍କର ମହାପୂଜନ ଆରମ୍ଭ ସହିତ ବିଧିମତ୍ତେ ଉପଚାର, ହୋମ କାର୍ଯ୍ୟ ହୋଇଥିଲା ା ସନ୍ଧ୍ୟାରେ ମା’ଙ୍କ ସନ୍ଧ୍ୟା ଆଳତୀ, ମହାମାୟାଙ୍କ ହବନ, ପୂର୍ଣ୍ଣାହୁତି ପ୍ରଦାନ, କବଚ ଧାରଣ, ଆଶ୍ରି ଗ୍ରହଣ, ପ୍ରସାଦ ଅର୍ପଣ କରାଯାଇଥିଲା। ଏହି ଅବସରରେ ନୂତନ ଭାବେ ବିଦ୍ୟା ଅଧ୍ୟୟନ ଆରମ୍ଭ କରୁଥିବା ଶିଶୁମାନଙ୍କର ଏଠାରେ ଖଡିଛୁଅଁା ମଧ୍ୟ କରାଯାଇଥିଲା। ୩୦ରୁ ଅଧିକ କୋମଳମତି ଶିଶୁ ଖଡିଛୁଇଁ ବିଦ୍ୟା ଆରମ୍ଭ କରିଥିଲେ ା ଗୁରୁବାରଠାରୁ ୫ ତାରିଖ ପର୍ଯ୍ୟନ୍ତ ମନ୍ଦିର ପରିସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜିତ ହେବ ବୋଲି ମନ୍ଦିର ପରିଚାଳନା କମିଟିର ସଭାପତି ସନ୍ତୋଷ କୁମାର ବେହେରା ସୂଚନା ଦେଇଛନ୍ତି ା ଶାନ୍ତିଶୃଙ୍ଖଳା ରକ୍ଷା ନିମନ୍ତେ ପରିଚାଳନା କମିଟିର ସମ୍ପାଦକ ରବୀନ୍ଦ୍ର କୁମାର ପରିଡା, ଉପସଭାପତି କ୍ଷୀରୋଦ ରଞ୍ଜନ ମହାନ୍ତି, ସହ ସମ୍ପାଦକ ଦାତାକର୍ଣ୍ଣ ସ୍ବାଇଁ, କୋଷାଧ୍ୟକ୍ଷ ରନତ୍ାକର ପ୍ରଧାନଙ୍କ ସମେତ ସମସ୍ତ କମିଟି ସଦସ୍ୟ ସହଯୋଗ କରିଥିଲେ ା
