ବାଙ୍ଗଲୋର,୦୧।୧୨- କର୍ନାଟକ ପ୍ରିମିୟର ଲିଗ୍ (କେପିଏଲ)ରେ ବେଟିଂ ଓ ମ୍ୟାଚ୍ ଫିକ୍ସିଂ ସ୍କାଣ୍ଡାଲର ତଦନ୍ତ କରୁଥିବା ବେଙ୍ଗାଲୁରୁ ପୋଲିସକୁ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ସମସ୍ତ ପ୍ରକାର ସହଯୋଗ କରିବା ଲାଗି ପ୍ରତିଶ୍ରୁତି ଦେଇଛି। ଆଇସିସି ପକ୍ଷରୁ ମେଲ ଜରିଆରେ ଆମ ତଦନ୍ତ ପ୍ରକ୍ରିୟାରେ ଖୁସି ପ୍ରକଟ କରିଛନ୍ତି ଆଇସିସି ଅଫିସିଆଲ। ତଦନ୍ତ ଜାରି ରଖିଛୁ। ଏହି ମେଲ ଆମ ଧୈର୍ଯ୍ୟକୁ ଦ୍ୱିଗୁଣିତ କରିଛି ବୋଲି ପୋଲିସ କମିଶନର ଭାଷ୍କର ରାଓ କହିଛନ୍ତି। ଜଣେ ସିନିୟର ପୋଲିସ ଅଫିସର କହିଛନ୍ତି, ଆଇସିସି ସହ ଯୋଗାଯୋଗ ହେବା ଦ୍ୱାରା ଆମ କାମ ସହଜ ହୋଇଯାଇଛି। କାରଣ ତଦନ୍ତ ପ୍ରକ୍ରୟାରେ ଆମକୁ ଜାତୀୟ ସ୍ତରୀୟ ଖେଳାଳିଙ୍କୁ ପଚରାଉଚରା କରିବାକୁ ପଡ଼ିବ। ଏଥିନେଇ ବିସିସିଆଇର ଅନୁମତି ଦରକାର। ଏଠାରୁ ଆମେ ସିଧା ଅନୁମତି ପାଇବାକୁ ହେଲେ ବହୁତ ଫର୍ମାଲିଟି ପୂରଣ କରିବାକୁ ପଡ଼ିଥାନ୍ତା। ୨୦୦୦ରେ ଆଇସିସି ଆଣ୍ଟି କରପଶନ ୟୁନିଟ (ଏସିୟୁ)ର ଗଠନ କରିଥିଲା। ଏହା କାର୍ଯ୍ୟ ଖେଳାଳି, ସପୋର୍ଟ ଷ୍ଟାଫ, ବୋର୍ଡ ସଦସ୍ୟଙ୍କ ସହ ବେଟିଂ ଓ ଦୁର୍ନୀତି ଉପରେ କାର୍ଯ୍ୟ କରେ। ଉଲ୍ଲେଖଥାଉ କି, ସେଣ୍ଟ୍ରାଲ କ୍ରାଇମ ବ୍ରାଞ୍ଚ (ସିସିବି) କେପିଏଲ ମ୍ୟାଚ୍ ଫ୍ୟାକ୍ସିଂ ସହ ଜଡ଼ିତ ଖେଳାଳି, ସପୋର୍ଟ ଷ୍ଟାଫ ଓ ମାଲିକଙ୍କ ସମେତ ୮ ଜଣଙ୍କୁ ଗିରଫ କରାଯାଇଛି।
