ମୁମ୍ବାଇ,୨୫।୬(ପିଟି)- ଓ୍ବେଷ୍ଟଇଣ୍ଡିଜ ଦଳର ପୂର୍ବତନ ଅଧିନାୟକ ବ୍ରାଏନ ଲାରା ମଙ୍ଗଳବାର ମେଡିକଲାରେ ଭର୍ତ୍ତି ହୋଇଛନ୍ତି। କିନ୍ତୁ ସେ ଏବେ ସୁସ୍ଥ ଅଛନ୍ତି ଓ ତାଙ୍କୁ ତୁରନ୍ତ ଡିସଚାର୍ଜ କରାଯିବା ନେଇ ଜଣାପଡ଼ିଛି। ନିଜ ସମୟର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ଛାତିରେ ଯନ୍ତ୍ରଣା ଅନୁଭବ କରିବା ପରେ ପାରେଲସ୍ଥିତ ଗ୍ଲୋବାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଅଧିକ ଚିନ୍ତା କରିବା ଯୋଗୁ ୫୦ ବର୍ଷୀୟ କ୍ରିକେଟରଙ୍କ ଛାତିରେ ଯନ୍ତ୍ରଣା ହେଉଥିଲା। ସେ ଦୁଇ ବର୍ଷ ତଳେ ଏଞ୍ଜିୟୋପ୍ଲାଷ୍ଟି କରାଇଥିଲେ। ଏଥିରେ ଛାତିରେ ଯନ୍ତ୍ରଣା ହେବାର ଡର ଥାଏ ବୋଲି ସୂତ୍ରରୁ ଜଣାପଡ଼ିଛି। ୫୦ ବର୍ଷୀୟ କ୍ରିକେଟର ଚଳିତ ବିଶ୍ୱକପ୍ର ପ୍ରସାରଣକାରୀ ଚ୍ୟାନେଲର ଆନଲିସିଷ୍ଟ ଦାୟିତ୍ୱରେ ଅଛନ୍ତି। ଲାରା ୧୩୧ ଟେଷ୍ଟରୁ ୫୨.୮୯ ଆଭରେଜରେ ୧୧,୯୫୩ ରନ୍ କରିଥିବାବେଳେ ୨୯୯ ଦିନିକିଆରେ ୪୦.୧୭ ହାରରେ ୧୦,୪୦୫ ରନ୍ କରିଛନ୍ତି। ଏହି କିମ୍ବଦନ୍ତୀ ବାମହାତୀ ଖେଳାଳି ୨୦୦୪ରେ ଏକ ଟେଷ୍ଟ ମ୍ୟାଚ୍ରେ ୪୦୦ ରନ୍ର ଅପରାଜିତ ଇନିଂସ ଖେଳିଥିଲେ, ଯାହାକି ଏବେ ମଧ୍ୟ ଟେଷ୍ଟ ଫର୍ମାଟରେ ସର୍ବାଧିକ ବ୍ୟକ୍ତିଗତ ସ୍କୋର।
