କରୋନା ଭାଇରସ ଏବେ ସାରା ବିଶ୍ୱରେ ଆତଙ୍କ ଖେଳାଇ ଦେଇଛି। ଚାଇନାରୁ ଆରମ୍ଭ ହୋଇଥିବା କରୋନା ଏବେ ପ୍ରାୟ ୧୪୫ ଦେଶକୁ ବ୍ୟାପି ସାରିଲାଣି। ଏବେ ଇଟାଲିରେ ସର୍ବାଧିକ କରୋନା ସଂକ୍ରମିତଙ୍କ ମୃତ୍ୟୁ ଘଟିଥିବା ଜଣାପଡିଛି। ଏପରିସ୍ଥଳେ ରୋମରୁ ଆସିଥିବା ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡ଼ିଓରେ ଦେଖିବାକୁ ମିଳିଛି ଜଣେ ବ୍ୟକ୍ତି ଏକ ଖୋଳ ଭିତରେ ପଶି ବାହାରେ ବୁଲୁଛିନ୍ତି। ତାଙ୍କର କହିବା କଥା ହେଲା କରୋନା ଭାଇରସ ଏବେ ଦ୍ରୁତ ଗତିରେ ବ୍ୟାପୁଥିବାରୁ ତାଙ୍କୁ ଯେପରି କେହି ଛୁଇଁ ନ ପାରନ୍ତି ସେଥିପାଇଁ ସେ ଏହି ଖୋଳ ଭିତରେ ପଶି ଭ୍ରମଣ କରୁଛନ୍ତି। ଏହି ଭିଡିଓଟି ଲୋକଙ୍କୁ ବେଶ୍ ପସନ୍ଦ ଆସୁଛି। ଇଟାଲିରେ ଏବେ ଗୋଟିଏ ଦିନରେ ଶହ ଶହ ଲୋକ କରୋନା ଭାଇରସରେ ସଂକ୍ରମିତ ହେଉଥିବା ଖବର ଆସୁଛି।
