ଲଣ୍ଡନ, ୨ା୭ (ଏଏଫ୍ପି)- ମାତ୍ର ୧୫ ବର୍ଷ ବୟସରେ ସର୍ବ କନିଷ୍ଠ ଖେଳାଳି ହିସାବରେ ଓ୍ବିମ୍ବେଲଡନ ପାଇଁ ଯୋଗ୍ୟତା ହାସଲ କରିଥିବା ଆମେରିକାର କୋରି ଗଫ୍ଙ୍କ ଲକ୍ଷ୍ୟ ହେଉଛି ଏଠାରେ ଟାଇଟଲ ହାସଲ କରିବା। ସୋମବାର ମହିଳା ସିଙ୍ଗଲ୍ସ ପ୍ରଥମ ରାଉଣ୍ଡରେ ସେ ୫ଥର ଚାମ୍ପିୟନ ଭେନସ ଓ୍ବିଲିୟମ୍ସଙ୍କ ବିପକ୍ଷରେ ଏହି ସ୍ବଳ୍ପ ବୟସ୍କା ଖେଳାଳି ୬-୪, ୬-୪ ସେଟ୍ରେ ଚମକପ୍ରଦ ବିଜୟ ହାସଲ କରିଛନ୍ତି। ଗଫ୍ ଓ ଭେନସ୍ଙ୍କ ମଧ୍ୟରେ ବୟସ ବ୍ୟବଧାନ ହେଉଛି ୨୪ ବର୍ଷ। ଗଫ୍ ଯେତେବେଳେ ଜନ୍ମ ହୋଇ ନ ଥିଲେ ଓ୍ବିଲିୟମ୍ସ ସେତେବେଳକୁ ଦୁଇଥର ଓ୍ବିମ୍ବେଲେଡନ ସିଙ୍ଗଲ୍ସ ଟାଇଟଲ ଜିତିସାରିଥିଲେ। ହେଲେ ଏହି ଭେଟେରାନ ଖେଳାଳିଙ୍କ ବିପକ୍ଷରେ ଗଫ୍ ନିର୍ଭୟ ସହକାରେ ଖେଳୁଥିବା ଲକ୍ଷ୍ୟ କରାଯାଇଥିଲା। ଭବିଷ୍ୟତରେ ଜଣେ ମହାନ ଟେନିସ ଖେଳାଳି ହେବା ଲାଗି ପିଲାଦିନରୁ ତାଙ୍କର ଅଭିଳାଷ ଥିବା ସେ କହିଛନ୍ତି।
