ଅମରାବତୀ,୨୫ା୫: ଓ୍ବାଇଏସ୍ଆର୍ କଂଗ୍ରେସ ସଭାପତି (YSRCP) ୱାଇଏସ୍ ଜଗନ ମୋହନ ରେଡ୍ଡୀ ଶନିବାର ସର୍ବସମ୍ମତିକ୍ରମେ ଆନ୍ଧ୍ରପ୍ରଦେଶ ବିଧାୟକ ଦଳର ନେତା ଭାବେ ନିର୍ବାଚିତ ହୋଇଛନ୍ତି। ତାଡ଼େପଲ୍ଲୀସ୍ଥିତ ଦଳୀୟ ରାଜ୍ୟ ଶାଖା କାର୍ଯ୍ୟାଳୟରେ ଅନୁଷ୍ଠିତ ଏକ ବୈଠକରେ ଦଳର ବରିଷ୍ଠ ନେତା ବୋତ୍ସା ସତ୍ୟନାରାୟଣ ବିଧାୟକ ଦଳର ନେତା ଭାବେ ଜଗନମୋହନ ରେଡ୍ଡୀଙ୍କ ନାମ ପ୍ରସ୍ତାବ ଦେଇଥିଲେ। ତେବେ ସର୍ବସମ୍ମତି କ୍ରମେ ଦଳର ନବ ନିର୍ବାଚିତ ସମସ୍ତ ବିଧାୟକ ତାଙ୍କୁ ନେତା ଭାବେ ନିର୍ବାଚିତ କରିଛନ୍ତି। ଆନ୍ଧ୍ରପ୍ରଦେଶ ବିିଧାନସଭା ନିର୍ବାଚନରେ ୧୭୫ ସିଟ୍ରୁ ଜଗନମୋହନଙ୍କ ଦଳ ୧୫୧ଟି ସିଟ୍ ଦଖଲ କରିଛି। ଦଳର ବିଧାୟକମାନଙ୍କ ତାଲିକା ଦାଖଲ ପରେ ସରକାର ଗଠନ ପାଇଁ ସେ ଦାବି ଉପସ୍ଥାପନ କରିବେ। ପ୍ରକାଶ ଯେ, ଓ୍ବାଇଏସ୍ଆର କଂଗ୍ରେସ ଅଧ୍ୟକ୍ଷ ଓ୍ବାଇଏସ୍ ଜଗନମୋହନ ରେଡ୍ଡୀ ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଓ୍ବାଇଏସ୍ ରାଜଶେଖର ରେଡ୍ଡୀଙ୍କ ପୁଅ।
