ରୋମ,୧୯।୫(ଏଏଫ୍ପି)-ଏଠାରେ ଚାଲିଥିବା ଇଟାଲିଆନ ଓପନ୍ ଟେନିସ ଟୁର୍ନାମେଣ୍ଟର ପୁରୁଷ ସିଙ୍ଗଲ୍ସ ଫାଇନାଲ ମୁକାବିଲା ସ୍ପଷ୍ଟ ହୋଇଛି। ଟାଇଟଲ ପାଇଁ ଫାଇନାଲ ମ୍ୟାଚ୍ରେ ସର୍ବିଆର ନୋଭାକ ଜୋକୋଭିଚ୍ ଓ ସ୍ପେନ୍ର ରାଫେଲ ନାଡ଼ାଲ ପରସ୍ପରକୁ ଭେଟିବେ। ଏଥିସହ ନାଡ଼ାଲ ଓ ଜୋକୋଭିଚ୍ ୫୪ଥର ପରସ୍ପରକୁ ଭେଟିବାକୁ ଯାଉଛନ୍ତି। ଜୋକୋଭିଚ୍ ସେମିଫାଇନାଲରେ ଆର୍ଜେଣ୍ଟିନାର ଡିଏଗୋ ସ୍ବାର୍ଜମ୍ୟାନଙ୍କୁ ୬-୩,୬-୭, ୬-୩ ସେଟରେ ପରାସ୍ତ କରି ଫାଇନାଲକୁ ଉଠିଛନ୍ତି। ସେହିପରି ନାଡ଼ାଲ ଗ୍ରୀସ୍ର ଷ୍ଟିଫାନୋ ସିଟସିପାସଙ୍କୁ ୬-୩, ୬-୪ ସେଟରେ ହରାଇ କ୍ୟାରିୟର ୫୦ତମ ମାଷ୍ଟର୍ସ ଫାଇନାଲରେ ପ୍ରବେଶ କରିଚନ୍ତି। ଗତ ସପ୍ତାହରେ ଜୋକୋଭିଚ୍ ମାଡ୍ରିଡ ଓପନ୍ ଟାଇଟଲ ହାସଲ କରିଥିଲେ। ୨୪ତମ ର଼୍ୟାଙ୍କର ସ୍ବାର୍ଜମ୍ୟାନଙ୍କୁ ହରାଇବା ପାଇଁ ୩୧ ବର୍ଷୀୟ ଜୋକୋଭିଚ୍ଙ୍କୁ ୨ ଘଣ୍ଟା ୩୧ ମିନିଟ ସମୟ ଆବଶ୍ୟକ ହୋଇଥିଲା। ସେହିପରି ସେମିଫାଇନାଲରେ ବିଜୟୀ ହେବା ପାର୍ଇ ୩୨ ବର୍ଷୀୟ ନାଡ଼ାଲଙ୍କୁ ବେଶି କଷ୍ଟ କରିବାକୁ ପଡି ନ ଥିଲା।
