ଆଦାୟ ହେଉଛି ରାଜସ୍ବ, ସୁଧୁରୁନି ହାଟର ଅବସ୍ଥା

ରସୁଲପୁର,୩୧-୧(ଡିଏନଏ):ସାପ୍ତାହିକ ହାଟ ଗ୍ରାମାଞ୍ଚଳ ଲୋକଙ୍କ ବିକାକିଣାର ମାଧ୍ୟମ ହୋଇଆସୁଛି। ଚାଷୀ, ବ୍ୟବସାୟୀ, ଖାଉଟି ସଭିଏଁ ଗାଁ ହାଟରେ ଏକାଠି ହୁଅନ୍ତି। ନିଜ ଆବଶ୍ୟକତା ମୁତାବକ ଜିନିଷ କାରବାର କରି ଫେରିଯାଆନ୍ତି। ଏକଦା ସାପ୍ତାହିକ ହାଟକୁ କାରବାର ପାଇଁ ଲୋକଙ୍କୁ ଅନେକ ବାଟ ଯିବାକୁ ପଡୁଥିଲା। ହାଟ ଗୋଟିଏ ସ୍ଥାନ ଯେଉଁଠି ସବୁପ୍ରକାର ମନପସନ୍ଦର ଜିନିଷ ମିଳିବାର ସୁଯୋଗ ସୃଷ୍ଟି କରୁଥିଲା। ଅତ୍ୟାଧୁନିକ ଯୁଗରେ ଗମନାଗମନର ସୁବିଧା ଯୋଗୁଁ ଗାଁ ଗଣ୍ଡାରେ ଛକ ବଜାରରେ ଲୋକଙ୍କ ଆବଶ୍ୟକତା ପୂରଣ ହୋଇଯାଉଛି। ଆଉ ହାଟକୁ ଅପେକ୍ଷା କରିବାକୁ ପଡୁନାହିଁ। ବ୍ୟବସାୟୀମାନେ ଗାଡ଼ି ଧରି ଚାଷୀଙ୍କ କ୍ଷେତରେ ପହଞ୍ଚତ୍ ଯାଉଛନ୍ତି। ତଥାପି ହାଟର ଆବଶ୍ୟକତା ଯେ ରହିଛି ତାହାକୁ ଅସ୍ବୀକାର କରିହେବ ନାହିଁ। ହାଟର ବାର ଅନୁସାରେ ଲୋକେ କାରବାର ପାଇଁ ହାଟ ସ୍ଥଳରେ ଏକାଠି ହେଉଛନ୍ତି। ପ୍ରତିବର୍ଷ ହାଟଗୁଡିକୁ ନିଲାମ କରାଯାଉଛି। ଏ ବାବଦରେ ପଞ୍ଚାୟତଗୁଡିକ ରାଜସ୍ବ ଆଦାୟ କରୁଛନ୍ତି। ଏହାଛଡା ପଞ୍ଚାୟତଗୁଡିକର ଆୟ ବଢାଇବା ପାଇଁ ସରକାରୀ ଅନୁଦାନ ବି ଆସୁଛି। ଏ ସବୁ ସତ୍ତ୍ୱେ ପୁରୁଣା ସାପ୍ତାହିକ ହାଟର ଅବସ୍ଥା ସୁଧୁରିବା ବଦଳରେ ଭୁଶୁଡିବାରେ ଲାଗିଛି। ଏଭଳି ଚିତ୍ର ରସୁଲପୁର ବ୍ଲକ ଅଞ୍ଚଳରେ ଥିବା ୯ଟି ନିଲାମ ହାଟର ସ୍ଥିତି ପରଖିବାରୁ ସ୍ପଷ୍ଟ ହୋଇଯାଇଛି।
ପଞ୍ଚାୟତର ଭିତ୍ତିଭୂମି ବିକାଶ ପାଇଁ କୋଟିକୋଟି ଟଙ୍କା ବ୍ୟୟ କରୁଛନ୍ତି। ତେବେ ଉଭୟ କେନ୍ଦ୍ର ଓ ରାଜ୍ୟ ସରକାର ପଞ୍ଚାୟତକୁ ପଞ୍ଚବର୍ଷିୟ ଯୋଜନାରେ ପଞ୍ଚାୟତଗୁଡିକୁ ଆସୁଥିବା ଅର୍ଥକୁ ମନଇଚ୍ଛା ଖର୍ଚ୍ଚ ନ କରିବାକୁ ନିର୍ଦ୍ଦେଶ ଦେଇଛନ୍ତି। ପଞ୍ଚାୟତର ନିଜସ୍ବ ରାଜସ୍ବ ବୃଦ୍ଧି କରିବା ଦିଗରେ ପ୍ରାଧାନ୍ୟ ଦିଆଯାଇ ପ୍ରକଳ୍ପ ଚୟନ କରାଯିବ। ଉକ୍ତ ପ୍ରକଳ୍ପଗୁଡିକରୁ ରାଜସ୍ବ ଆଦାୟ ହେବ। ଉକ୍ତ ଅର୍ଥରେ ପଞ୍ଚାୟତର ଭିତ୍ତିଭୂମି ବିକାଶ କରାଯିବ ବୋଲି ଲକ୍ଷ୍ୟ ରହିଛି। ତେବେ ସରକାରଙ୍କ ଉଦେଶ୍ୟ ପଞ୍ଚାୟତଗୁଡିକରେ ଠିକ୍‌ ଭାବରେ ପାଳନ ହେଉ ନ ଥିବା ଜଣାପଡିଛି। ଏହିକ୍ରମରେ ଗ୍ରାମାଞ୍ଚଳ ସାପ୍ତାହିକ ହାଟଗୁଡିକର ସ୍ଥିତି ହିଁ ବାସ୍ତବ ଚିତ୍ର ବୟାନ କରୁଛି। ଏହି ବ୍ଲକର ନଠୁଆବର ପଞ୍ଚାୟତରେ ନଠୁଆବର ସାପ୍ତାହିକ ହାଟ, ବଡ କଇଁଚି ପଞ୍ଚାୟତରେ ମଧୁବନ ହାଟ, ସାମନ୍ତରାପୁରର ହାଟ, ରାଉତରାପୁର ପଞ୍ଚାୟତ ହାଟ, ଲକ୍ଷ୍ମୀନଗର ପଞ୍ଚାୟତର ତରାପୁର ହାଟ, ବାରବାଟୀ ପଞ୍ଚାୟତର ବାଙ୍କ ବିହାରୀ କୃଷକ ବଜାର, ବନ୍ଧଡିହ ହାଟ, ନରସିଂହପୁର ପଞ୍ଚାୟତର ହରିପୁର ହାଟ, କଲଣ ପଞ୍ଚାୟତ ହାଟ ପ୍ରମୁଖ ପଞ୍ଚାୟତ ଅଧୀନରେ ରହିଛି। ଏହି ହାଟଗୁଡିକରୁ ବର୍ଷକୁ ଲକ୍ଷାଧିକ ଟଙ୍କାର ରାଜସ୍ବ ଆଦାୟ ହେଉଛି। ସେଥିରୁ ଅଧିକାଂଶ ହାଟରେ ଭଙ୍ଗା ଚାଳିଆ, ଗଳିକନ୍ଦି ରାସ୍ତା, ଅଳିଆ ଆବର୍ଜନାକୁ ଠିକ୍‌ ଭାବେ ପରିଚାଳନା ନ କରିବା ଭଳି ସ୍ଥତି ଦେଖାଯାଉଛି। ପକ୍କା ପିଣ୍ଡି ଓ ଛାମୁଣ୍ଡିଆ ନ ଥିବାରୁ ବ୍ୟବସାୟୀମାନେ ଖରାବର୍ଷାରେ ବ୍ୟବସାୟ କରିବାରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ହାଟ ମଧ୍ୟରେ ପକ୍କା ରାସ୍ତା ନ ଥିବାରୁ ଗ୍ରାହକମାନେ ବର୍ଷାଦିନରେ ନାନା ହଇରାଣ ହେଉଛନ୍ତି। ଏହାଛଡା ପ୍ରତ୍ୟେକ ପାଳିରେ ହାଟରୁ ବାହାରୁଥିବା ଅଳିଆଆବର୍ଜନାକୁ ଠିକ୍‌ ଭାବେ ପରିଚାଳନା କରାଯାଉ ନାହିଁ। ଫଳରେ ଅସ୍ବାସ୍ଥ୍ୟକର ପରିବେଶ ସୃଷ୍ଟି କରୁଛି। ଏ ସବୁ ସ୍ଥାନରେ ହାଟର ଭିତ୍ତିଭୂମୀ ସଜାଡିବା ଦିଗରେ ଗୁରୁତ୍ୱ ଦେବାକୁ ସାଧାରଣରେ ଦାବି ହେଉଛି। ଏହାଛଡା ବାରବାଟୀ ଗଣେଶ ବଜାରରେ ଥିବା ଆଞ୍ଚଳିକ କୃଷକ ବଜାର, ବ୍ରହ୍ମବରଦା ସାପ୍ତାହିକ ହାଟ, କୁଆଖିଆ ବଜାରର ଦୈନିକ ପରିବା ହାଟ, ଗୋପାଳପୁର ଗାଁ ବଜାରରେ ବସୁଥିବା ହାଟଗୁଡିକ ପଞ୍ଚାୟତ ଓ ବ୍ଲକ ଅଧିନରେ ନାହିଁ। ତେବେ ଏହି ହାଟଗୁଡିକର ତତ୍ୱାବଧାରକ କିଏ ଓ ସେଥିରୁ ଆଦାୟ ହେଉଥିବା ଲକ୍ଷ ଲକ୍ଷ ଟଙ୍କାର ରାଜସ୍ବ କେଉଁଆଡେ ଯାଉଛି; ସେଥିପ୍ରତି କାହାରି ନଜର ନାହିଁ। ଖୋଲାମେଲାରେ ଏ ସବୁ କାର୍ଯ୍ୟ ଚାଲୁଥିବାବେଳେ ପ୍ରଶାସନ ପକ୍ଷରୁ କାହିଁକି ଆବଶ୍ୟକ ପଦକ୍ଷେପ ନିଆଯାଉ ନାହିଁ ସେ ନେଇ ସାଧାରଣରେ ସନ୍ଦେହ ପ୍ରକଟ ହୋଇଛି। ଦେଶରେ ମାନ୍ଦାବସ୍ଥା ଚାଲିଥିବାବେଳେ ଗରିବ ଚାଷୀ ଓ କ୍ଷୁଦ୍ର ବ୍ୟବସାୟୀଙ୍କଠାରୁ ମାହାସୁଲ ଆଦାୟ ହେଉଛି। ହେଲେ ତାହା ସର୍ବସାଧାରଣଙ୍କ ହିତରେ ଲାଗିପାରୁ ନାହିଁ। ଏଭଳି କାର୍ଯ୍ୟକୁ ବିଭିନ୍ନ ମହଲରେ ନିନ୍ଦା କରାଯିବା ସହ ଅର୍ଥ ଆଦାୟ କରୁଥିବା ଅନୁଷ୍ଠାନଗୁଡିକର ବୈଧତାକୁ ପରଖିବା ସହ ଆୟବ୍ୟୟର ହିସାବ ସମୀକ୍ଷା କରିବାକୁ ସାଧାରଣରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?