ବୋଲଗଡ଼,୨୧ା୫(ଡି.ଏନ.ଏ.)-ବୋଲଗଡ଼ ବ୍ଲକ ଅସରଳା ଗ୍ରାମରେ ସୋମବାର ୨୧ତମ ବାର୍ଷିକ ଶ୍ରୀରାମଚରିତ ମାନସ ନବାହ୍ନ ପାରାୟଣ ଓ ଜ୍ଞାନଯଜ୍ଞ କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ସନ୍ଥ ତୁଳସୀ ଦାସଙ୍କ ରଚିତ ରାମଚରିତ ମାନସ ପ୍ରବଚନ ନିମନ୍ତେ ପ୍ରତି ସନ୍ଧ୍ୟାରେ ପଣ୍ଡିତ ପ୍ରବଚକମାନେ ଯୋଗଦେବେ। ଚଳିତ ମାସ ୨୯ ତାରିଖରେ ଏହି ଜ୍ଞାନଯଜ୍ଞର ପୂର୍ଣ୍ଣାହୁତି ହେବ। ଏହି ଅବସରରେ ଶ୍ରଦ୍ଧାଳୁମାନେ କଳସ ଯାତ୍ରାରେ ଜଳ କୁମ୍ଭ ଆଣି ପାରାୟଣ ସ୍ଥଳରେ ସ୍ଥାପନ କରିଛନ୍ତିି। ପ୍ରତ୍ୟହ ସକାଳ ୬ ଟାରୁ ସୂର୍ଯ୍ୟପୂଜା ଓ ଗୋପୂଜା, ପୂର୍ବାହ୍ନ ୯ଟାରୁ ୧୨ ପର୍ଯ୍ୟନ୍ତ ପାରାୟଣ ଏବଂ ରାତି ୮ଟାରୁ ୧୧ଟା ପର୍ଯ୍ୟନ୍ତ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହେଉଛି। କାର୍ଯ୍ୟକ୍ରମରେ ପଣ୍ଡିତ କୈଳାସ ଚନ୍ଦ୍ର କର ବ୍ୟାସ ଆସନ ଅଧିଷ୍ଠିତ ଥିବାବେଳେ ରମେଶ ଚନ୍ଦ୍ର କର ପରିଚାଳନା କରୁଛନ୍ତି।
