ବଲିଉଡ ଅଭିନେତା ଅର୍ଜୁନ ରାମପାଲ ଆଜିକାଲି ଚର୍ଚ୍ଚାରେ ଅଛନ୍ତି। ସେ ତ ଦମଦାର ଅଭିନୟ କରନ୍ତି କିନ୍ତୁ ‘ଧୂରନ୍ଧର-୨’ରେ ତାଙ୍କର ଖଳନାୟକ ଭୂମିକା ବେଶ୍ ପ୍ରଶଂସନୀୟ। ଏହି କାରଣରୁ ସମସ୍ତେ ତାଙ୍କୁ ଏବେ ପ୍ରତିପକ୍ଷ ଭୂମିକାରେ ଦେଖିବାକୁ ଚାହାଁନ୍ତି। ଏହି ଚର୍ଚ୍ଚା ମଧ୍ୟରେ ଅର୍ଜୁନ ରାମପାଲ ଆଗାମୀ ଚଳଚ୍ଚିତ୍ର ‘ଅର୍ଜୁନ ନାଗା’ ପାଇଁ ନିର୍ମାତା ଅନିଲ ଶର୍ମାଙ୍କ ସହ ହାତ ମିଳାଇଛନ୍ତି।
ଅନିଲ ଏମିତି ଜଣେ ଅଭିନେତା ଖୋଜୁଥିଲେ ଯିଏ ଖଳନାୟକ ଭୂମିକାରେ ଜବରଦସ୍ତ ଅଭିନୟ କରିପାରିବେ। ଏଥିପାଇଁ ସେ ଅର୍ଜୁନ ରାମପାଲଙ୍କ ନାଁ ଚୂଡ଼ାନ୍ତ କରିଛନ୍ତି। ଏହି ଭୂମିକା ଅର୍ଜୁନଙ୍କ କ୍ୟାରିଅରରେ ଆଉ ଏକ ସ୍ମରଣୀୟ ମାଇଲଖୁଣ୍ଟ ପ୍ରମାଣିତ ହେବ। ଅର୍ଜୁନ ମଧ୍ୟ ଫିଲ୍ମରେ ତାଙ୍କ ଭୂମିକାରେ ସମ୍ପୂର୍ଣ୍ଣ ପ୍ରଭାବିତ ହୋଇଥିଲେ। ତେଣୁ ଏହି ପ୍ରୋଜେକ୍ଟରେ ଯୋଗଦେବା ପାଇଁ ତୁରନ୍ତ ସମ୍ମତି ଦେଇଥିଲେ। ଏକ ସୂତ୍ର ଅନୁଯାୟୀ, ‘ଧୂରନ୍ଧର-୨’ରେ ସଫଳତା ପରେ ଅର୍ଜୁନ ତାଙ୍କର ଫିସ୍ ବୃଦ୍ଧି କରିଛନ୍ତି। ଫଳସ୍ବରୂପ, ତାଙ୍କୁ ‘ଅର୍ଜୁନ ନାଗା’ ପାଇଁ ୬ କୋଟି ପ୍ରଦାନ କରାଯାଇଛି।
Dharitri – Odisha’s No.1 Odia Daily
