ନୂଆଦିଲ୍ଲୀ,୧୨।୪ (ପି.ଟି.): କୋଭିଡ-୧୯ କାରଣରୁ ସାରା ବିଶ୍ୱରେ ବିଭିନ୍ନ କ୍ରୀଡ଼ ଓ ଇଭେଣ୍ଟଗୁଡିକ ଠପ୍ ହୋଇଛି। ଏପରିସ୍ଥଳେ ଅନ୍ତର୍ଜାତୀୟ କ୍ରିକେଟ କ୍ୟାଲେଣ୍ଡରରେ ପରିବର୍ତ୍ତନ କରିବାର ଜରୁରୀ ହୋଇପଡିଛି ବୋଲି ପୂର୍ବତନ ଭାରତୀୟ ଅଧିନାୟକ ମହମ୍ମଦ ଆଝାରିଦ୍ଦିନ କହିଛନ୍ତି। ବିଶ୍ୱର ସବୁ ଦେଶର କ୍ରିକେଟ ବୋର୍ଡ ବୈଠକରେ ବସି ଏ ସଂକ୍ରାନ୍ତରେ ଆଲେଚନା କରି କ୍ୟାଲେଣ୍ଡର ପରିବର୍ତ୍ତନ ନେଇ ପ୍ରୟାସ କରିବା ଉଚିତ ବୋଲି ସେ କହିଛନ୍ତି।
କେବଳ ସେତିକି ନୁହଁ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର କାର୍ଯ୍ୟସୂଚୀ ସ୍ଥିର କରିବାକୁ ହେଲେ ଫ୍ୟୁଚର ଟୁର ପ୍ରୋଗ୍ରାମ (ଏଫଟିପି)ରେ ମଧ୍ୟ ପରିବର୍ତ୍ତନ କରିବାର ଜରୁରୀ ହୋଇପଡିଛି ବୋଲି ହାଇଦ୍ରାବାଦ କ୍ରିକେଟ ଆସୋସିଏଶନ (ଏଚ୍ସିଏ) ଅଧ୍ୟକ୍ଷ ଆଝାରୁଦ୍ଦିନ କହିଛନ୍ତି। ଉଭୟ ଘରୋଇ ଓ ବିଦେଶୀ ଖେଳାଳିଙ୍କ ପାଇଁ ଆଇପିଏଲ ବେଶ୍ ଗୁରୁତ୍ୱବହନ କରୁଥିବାରୁ ଏପରି କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି।
ଭୋଭିଡ-୧୯ ସାରା ବିଶ୍ୱରେ ମହାମାରୀର ରୂପ ନେଇଥିବାରୁ ଅନିଶ୍ଚିତତା ସୃଷ୍ଟି ହୋଇଛି। ଏଭଳି ସ୍ଥିତିର ମୁକାବିଲା କରିବାକୁ ହେଲେ ଆଗମୀ ଦୁଇ ବର୍ଷର ଏଫ୍ଟିପିରେ ପରିବର୍ତ୍ତନ ଆଣି ଏହାକୁ ନୂଆ କରି ଧାର୍ଯ୍ୟ କରାଯିବାକୁ ପ୍ରୟାସ କରାଯିବା ଉଚିତ ବୋଲି ସେ କହିଛନ୍ତି। ଖରାପ୍ ସମୟର ମୁକାବିଲା ପାଇଁ ପ୍ରସ୍ତୁତ୍ ରହିବା ଆବଶ୍ୟକ ହେବାଲି ୫୭ ବର୍ଷୀୟ ଆଝାରୁଦ୍ଦିନ କହିଛନ୍ତି। ଥରେ ପରସ୍ଥିତି ସ୍ବାଭାବିକ ହେଲେ ଅନ୍ୟ ସଭ୍ୟ ଦେଶ ସହ ଆଲୋଚନା କରିବାରେ କୌଣସି ଅସୁବିଧା ନାହିଁ ବୋଲି ସେ କହିଛନ୍ତି। ଆଇପିଏଲ ଗତ ମାର୍ଚ୍ଚ ୨୯ରୁ ଆରମ୍ଭ ହୋଇ ମେ ୨୪ ପର୍ଯ୍ୟନ୍ତ ଚାଲିବାର କାର୍ଯ୍ୟକ୍ରମ ଥିଲା। ତେବେ କରୋନା ଭାଇରସ ସଂକ୍ରମଣ କାରଣରୁ ସାରା ଦେଶରେ ଲକ୍ଡାଉନ ଜାରି ରହିଥିବାରୁ ଅନିର୍ଦ୍ଦିଷ୍ଟକାଳ ପାଇଁ ଆଇପିଏଲ୍ ସ୍ଥଗିତ ରହିଛି।
ଆଇପିଏଲ କାର୍ଯ୍ୟସୂଚୀ ସ୍ଥିର କରିବାକୁ ହେଲେ ସମ୍ପୂର୍ଣ୍ଣ ଏଫ୍ଟିପିରେ ପରିର୍ତ୍ତନର ଆବଶ୍ୟକତା ରହିଛି। ନହେଲେ ଚଳିତ ଏଫ୍ଟିପି ଅନୁସାରେ ଆଇପିଏଲ ଆୟୋଜନ ହେବା ନିଶ୍ଚିତ ଭାବେ କଷ୍ଟକର ହେବ। ଆଇପିଏଲ୍କୁ କୌଣସି ଦେଶରେ ବୋର୍ଡ ବିରୋଧ କରିବେ ନାହିଁ। ଏପରିକି ବିଦେଶୀ ଖେଳାଳିମାନେ ମଧ୍ୟ ନୁହଁ। ଜୋସ୍ ବଟଲର, ପ୍ୟାଟ କୁମିନ୍ସଙ୍କ ଭଳି ଖେଳାଳି ଆଇପିଏଲ ଖେଳିବାକୁ ଇଚ୍ଛା ଜାହିର କରିଛନ୍ତି ବୋଲି ସେ କହିଛନ୍ତି। ସେହିପରି ଅକ୍ଟୋବର- ନଭେମ୍ବରରେ ଆୟୋଜନ ହେବାକୁ ଥିବା ଟି୨୦ ବିଶ୍ୱକପ୍ ମଧ୍ୟ ବାତିଲ ହେବା ଉଚିତ ନୁହଁ ବୋଲି ସେ ମତ ଦେଇଛନ୍ତି। ଅଝାରୁଦ୍ଦିନ ୯୯ ଟେଷ୍ଟ ଓ ୩୩୪ଟି ଦିନିକିଆ ମ୍ୟାଚ୍ ଖେଳିଛନ୍ତି ଓ ୩ଟି ଦିନିକିଆ ବିଶ୍ୱକପ୍ରେ ଭାରତର ନେତୃତ୍ୱ ନେଇଛନ୍ତି।
