ଛତ୍ରପୁର/ପାରଳାଖେମୁଣ୍ଡି (ଡି.ଏନ୍.ଏ.)/ ଫୁଲବାଣୀ ଅଫିସ୍, ୧୪ା୩: ଗଞ୍ଜାମ ଜିଲା ପରିଷଦ ସଭାପତି ଭାବେ ଅଞ୍ଜଳି ସ୍ବାଇଁ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଅଞ୍ଜଳି ଧରାକୋଟ ବ୍ଲକର ୩୧ ନମ୍ବର ଜୋନ୍ରୁ ଜିଲା ପରିଷଦ ସଭ୍ୟା ନିର୍ବାଚିତ ହୋଇଛନ୍ତି। ଜିଲା ପରିଷଦ ସଭାପତି ନିର୍ବାଚନରେ ପ୍ରସ୍ତାବକ ଭାବେ ୩ନଂ ଜୋନ୍ର ବିଜେଡି ଜିଲା ପରିଷଦ ସଭ୍ୟା ବି. ମନୋଜ ଦୋରା ଓ ସମର୍ଥକ ଭାବେ ୪୪ନଂ. ଜୋନର ଜିଲା ପରିଷଦ ସଭ୍ୟ କଲ୍ୟାଣୀ ପାତ୍ରଙ୍କ ସହ ଅଞ୍ଜଳି ସ୍ବାଇଁ ଜିଲା ପରିଷଦ ସଭାପତି ପଦବୀ ନିମନ୍ତେ ନାମାଙ୍କନ ପତ୍ର ଦାଖଲ କରିଥିଲେ। ଜଣେ ମାତ୍ର ପ୍ରାର୍ଥୀ ହୋଇଥିବାରୁ ଅଞ୍ଜଳି ସ୍ବାଇଁଙ୍କୁ ନିର୍ବାଚନ ଅଧିକାରୀ ବିଜୟୀ ଘୋଷଣା କରିଥିଲେ।
ମନ୍ତ୍ରୀ ବିକ୍ରମ କେଶରୀ ଆରୁଖ, ମୁଖ୍ୟମନ୍ତ୍ରୀଙ୍କ ରାଜନୈତିକ ସଚିବ ଡ. ଗୋପବନ୍ଧୁ ଦାଶ, ଚିକିଟି ବିଧାୟିକା ଉଷା ଦେବୀ, ପୋଲସରା ବିଧାୟକ ଶ୍ରୀକାନ୍ତ ସାହୁ, ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା, କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ, ଖଲ୍ଲିକୋଟ ବିଧାୟିକା ସୂର୍ଯ୍ୟମଣି ବୈଦ୍ୟ, ଆସିକା ବିଧାୟିକା ମଞ୍ଜୁଳା ସ୍ବାଇଁ, ସୋରଡ଼ା ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ, ପୂର୍ବତନ ସାନଖେମୁଣ୍ଡି ବିଧାୟିକା ନନ୍ଦିନୀ ଦେବୀ ପ୍ରମୁଖ ସ୍ବାଇଁଙ୍କୁ ପୁଷ୍ପଗୁଛ ଦେଇ ଅଭିନନ୍ଦନ ଜଣାଇଥିଲେ।
ଜିଲା ପରିଷଦ ସଭାପତି ଭାବେ ବିଜେଡିର ଜି. ତିରୁପତି ରାଓ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଜିଲା ପରିଷଦ ସଭା ଗୃହରେ ଶାନ୍ତି ଶୃଙ୍ଖଳାରେ ନିର୍ବାଚନ ସରିଛି। ନିର୍ବାଚନରେ ଜିଲାର ସମସ୍ତ ୧୪ଜଣ ନବ ନିର୍ବାଚିତ ଜିଲା ପରିଷଦ ସଭ୍ୟ ଭାଗ ନେଇଥିଲେ। ସେମାନଙ୍କ ମଧ୍ୟରୁ ୧୧ଜଣ ବିଜେଡିର ହୋଇଥିବା ବେଳେ ୨ ଜଣ କଂଗ୍ରେସ ଓ ଜଣେ ଭାଜପାରୁ ଜିଲା ପରିଷଦ ହୋଇଛନ୍ତି। ତେବେ ବହୁ ମତ ପାଇଥିବା ଜି. ତିରୁପତି ରାଓ ଜିଲା ପରିଷଦ ସଭାପତି ନିର୍ବାଚିତ ହୋଇଛନ୍ତି। ଏହି ବିଜୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କରିସ୍ମା। ଆଗକୁ ଦଳର ନିତି ଆଦର୍ଶ ମାନି ଜିଲାର ବିକାଶ ଧାରାକୁ ଆଗେଇ ନେବେ ବୋଲି ନବ ନିର୍ବାଚିତ ଜିଲା ପରିଷଦ ସଭାପତି କହିଛନ୍ତି ।
କନ୍ଧମାଳ ଜିଲା ବାଲିଗୁଡା ୧୫ ନଂ ଜୋନ ବିଜେଡି ପ୍ରାର୍ଥି ନନ୍ଦିନୀ ମଳିକ ଜିଲା ପରିଷଦ ସଭାପତି ହୋଇଛନ୍ତି। ଆଗରୁ ଏହି ପଦବୀ ଲାଗି ଦାବିଦାର କୁହାଯାଉଥିବା ଜୟଶ୍ରୀ କହଁରଙ୍କୁ ନିରାଶ ହେବାକୁ ପଡିଛି ା ଜିଲାର ମୋଟ ୧୮ ଜିଲା ପରିଷଦ ଜୋନରେ ବିଜେଡି ଏକାକୀ ୧୩ଟି ଅକ୍ତିଆର କରିଥିଲା। ତେଣୁ ଦଳ ଏକାକୀ ଜିଲା ପରିଷଦ ଗଠନ କରିବା ସ୍ପଷ୍ଟ ହୋଇଥିଲା। ହେଲେ କିଏ ସଭପତି ହେବେ ତାହାକୁ ନେଇ ଜିଲାରେ ଆଲୋଚନା ଜୋର ଧରିଥିଲା। ବିଜେଡି ପକ୍ଷରୁ ନନ୍ଦିନୀ ମଳିକ, କଂଗ୍ରେସରୁ ଦୀପିକା ମାଝି ଜିଲା ପରିଷଦ ସଭାପତି ଲାଗି ନାମାଙ୍କନପତ୍ର ଦାଖଲ କରିଥିଲେ ା ନନ୍ଦିନୀଙ୍କୁ ୧୩ଟି ଭୋଟ ମିଳିଥିବା ବେଳେ ଦୀପିକା ୪ଟି ଭୋଟ ପାଇଥିଲେ ା ଗୋଟିଏ ନାକଚ ହୋଇଥିଲା ା ଶେଷରେ ନନ୍ଦିନୀ ଏହି ପଦବୀ ଲାଗି ନିର୍ବାଚିତ ହୋଇଥିଲେ ା
