ଭାରତୀୟ କ୍ରିକେଟ ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ଗତ ବର୍ଷ ଡିସେମ୍ବର ୨୨ରେ କୋରିଓଗ୍ରାଫର ଧନଶ୍ରୀ ବର୍ମାଙ୍କୁ ବିବାହ କରିଥିଲେ। ଏହି ଦମ୍ପତି ଗୁରୁଗ୍ରାମରେ ବିବାହ କରିଥିଲେ। ଚହଲ ଏବଂ ଧନଶ୍ରୀ ଏହି ଫଟୋକୁ ଇନଷ୍ଟାଗ୍ରାମରେ ଶେୟାର କରି ଖୁସି ଖବର ପ୍ରଶଂସକଙ୍କ ସହ ଶେୟାର କରିଛନ୍ତି। ଏହା ପରେ ଏହି ଦମ୍ପତି ସୋସିଆଲ ମିଡିଆରେ ମେହେନ୍ଦି, ସଙ୍ଗୀତ ଏବଂ ହଳଦୀ ରୀତିନୀତିର ଫଟୋ ଶେୟାର କରିଥିଲେ। ଏବେ ଏହି ଦମ୍ପତି ନିଜ ଫିଲ୍ମର ଟିଜର ରିଲିଜ କରି ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି।
ପ୍ରକୃତ କଥା ହେଉଛି ୟୁଜବେନ୍ଦ୍ର ଚହଲ ଏବଂ ଧନଶ୍ରୀ ବର୍ମା ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ବିବାହର ଏକ ଭିଡିଓ ପୋଷ୍ଟ କରିଛନ୍ତି। ସେ ତାଙ୍କ ବିବାହର ଏହି ଭିଡିଓକୁ ଟିଜର ଭାବରେ ନାମିତ କରିଛନ୍ତି। ଏହି ଟିଜରରେ ଚହଲ ଏବଂ ଧନଶ୍ରୀଙ୍କ ମେହେନ୍ଦି, ହଳଦୀ, ସଙ୍ଗୀତ ଏବଂ ବିବାହ ଫଟୋ ଏବଂ କିଛି ଛୋଟ କ୍ଲିପ ମଧ୍ୟ ଅଛି। ଏହି ଟିଜର ବହୁତ ସୁନ୍ଦର ହୋଇଛି। ଏହାସହ ଓ୍ବେଡିଂ ଫିଲ୍ମ ଆସନ୍ତା ୨୭ରେ ରିଲିଜ୍ ହେବ ବୋଲି ଉଭୟ ସୋସିଆଲ ମିଡିଆରେ ସୂଚନା ଦେଇଛନ୍ତି।
View this post on Instagram
