ପୂର୍ବତନ ଅଲରାଉଣ୍ଡର ଯୁବରାଜ ସିଂ ପୁଣି କ୍ରିକେଟ ମୈଦାକୁ ଫେରୁଛନ୍ତି। ୩୯ ବର୍ଷୀୟ ଏହି କ୍ରିକେଟରଙ୍କୁ ସୟଦ ମୁସ୍ତାକ ଅଲି ଟ୍ରଫି ପାଇଁ ପଞ୍ଜାବର ସମ୍ଭାବ୍ୟ ଦଳରେ ସାମିଲ କରାଯାଇଛି। ପଞ୍ଜାବ ପାଇଁ ଖେଳିବେ କି ନାହିଁ ତାହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। ନିକଟରେ ପଞ୍ଜାବ କ୍ରିକେଟ ଆସୋସିଏସନ ସଚିବ ପୁନିତ ବାଲି ୩୯ ବର୍ଷିୟ ଯୁବରାଜ ସିଂଙ୍କୁ କ୍ରିକେଟକୁ ଫେରିବାକୁ କହିଥିଲେ। ଯୁବରାଜ ସିଂ ବିସିସିଆଇ ସଭାପତି ସୌରଭ ଗାଙ୍ଗୁଲି ଏବଂ ଜୟ ଶାହାଙ୍କୁ ତାଙ୍କ ଅବସର ନିଷ୍ପତ୍ତି ପ୍ରତ୍ୟାହାର କରିବାକୁ ଲେଖିଥିବା ଚର୍ଚ୍ଚା ହେଉଛି। ଯୁବରାଜ କହିଛନ୍ତି, କ’ଣ ହେବ ମୁଁ ଜାଣେ ନାହିଁ, କିନ୍ତୁ ମୁଁ ଘରୋଇ କ୍ରିକେଟ ଖେଳିବାକୁ ଚାହୁଁଛି। ମୁଁ ମଧ୍ୟ ବାଲିଙ୍କ ଅନୁରୋଧକୁ ଅଣଦେଖା କରିପାରିବି ନାହିଁ । ତଥାପି ଏପର୍ଯ୍ୟନ୍ତ କୌଣସି ନିଷ୍ପତ୍ତି ନେଇ ନ ଥିବା ସେ କହିଛନ୍ତି। ସୂଚନାଯୋଗ୍ୟ, ଗତ ବର୍ଷ ଯୁବରାଜ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ତେବେ ସେ କାନାଡାର ଗ୍ଲୋବାଲ ଟି -୨୦ ଲିଗରେ ଖେଳିଥିଲେ। ବିସିସିଆଇ ନିୟମ ଅନୁଯାୟୀ, ସକ୍ରିୟ ଖେଳାଳିମାନେ ବିଦେଶୀ ଲିଗରେ ଖେଳିବାକୁ ଅନୁମତି ଦିଅନ୍ତି ନାହିଁ।
୍ସୟଦ ମୁସ୍ତାକ ଅଲି ଟ୍ରଫି ପାଇଁ ପଞ୍ଜାବର ସମ୍ଭାବ୍ୟ ଦଳ:
ମନଦୀପ ସିଂ, ଯୁବରାଜ ସିଂ, ଅଭିଷେକ ଶର୍ମା, ସଲିଲ ଆରୋରା, ଗୀତାଂଶ ଖେଡା, ରମଣଦୀପ ସିଂ, ସନଭୀର ସିଂ, କରଣ କାଳିଆ, ରାହୁଲ ଶର୍ମା, କୃଷ୍ଣ ଆଲାଙ୍ଗ, ସନ୍ଦୀପ ଶର୍ମା, ଅର୍ଶଦୀପ ସିଂ, ଇକଜୋଟ ସିଂ, ନମନ ଧୀର, ଅଭିଷେକ ଗୁପ୍ତା, ହିମାଂଶୁ ସତ୍ୟୱାନ, ଗୁରୁକିରତ ସିଂ, ଅନମୋଲପ୍ରୀତ ସିଂ, ପ୍ରଭସୀମରନ ସିଂ, ନେହଲ ଭଧେରା, ଅନମୋଲ ମଲହୋତ୍ରା , ଅନୀବ ଶର୍ମା, ହରପ୍ରୀତ ବରାର, ମାୟାନକ ମାର୍କଣ୍ଡେ, ବଲତେଜ ସିଂ, ସିଦ୍ଧାର୍ଥ କୌଲ, ବରିନ୍ଦର ସରାଂ, ଗୁରୁନୁର ସିଂ, ହରଜସ ସିଂ, ଅଭିଜିତ ସିଂ, କୁଅଁର ପାଠକ।
