ସୁନ୍ଦରଗଡ,୩୧।୩(ଜୟ ନାରାୟଣ ମେଣ୍ଡୁଳି): ସୁନ୍ଦରଗଡ ସଦର ଥାନା ଅନ୍ତର୍ଗତ ସାନ ପତ୍ରା ପାଲି କେନ୍ଦାମାଲରେ ଅଭାବନୀୟ ଘଟଣା । ମଙ୍ଗଳବାର ଦିନ ଡାହାଣୀ ସନ୍ଦେହରେ ଜଣଙ୍କୁ ସଙ୍ଘବଦ୍ଧ ଭାବେ ହତ୍ୟା କରାଯାଇଛି । ହତ୍ୟାର ଶୀକାର ହୋଇଥିବା ବ୍ୟକ୍ତିଙ୍କ ନାମ ହେଉଛି ମହାଦେବ ପ୍ରଧାନ।
ସଦର ପୋଲିସ ଏ ନେଇ ପୂର୍ବାହ୍ନ ୧୧.୧୫ ପାଖାପାଖି ସମୟରେ ସୂଚନା ପାଇ ଘଟଣାସ୍ଥଳରେ ପହଞ୍ଚିବା ସହ ଏହି ଜଘନ୍ୟ ହତ୍ୟାକାଣ୍ଡରେ ସଂପୃକ୍ତି ଥିବା ସନ୍ଦେହରେ ପୋଲିସ ଚାରି ଜଣଙ୍କ ଥାନାରେ ଆଣି ଅଟକ ରଖିଛି । ତେବେ ଘଟଣା ସ୍ଥଳରେ ସଦର ଏସଡିପିଓ ନିର୍ମଳ ମହାପାତ୍ର ନିଜେ ତଦନ୍ତ କରୁଛନ୍ତି । ହତ୍ୟାକାରୀମାନେ ନିଆଁ ଫୁଙ୍କନଳା, ଲାଠି ଓ ଛୁରୀ ସାହାଯ୍ୟରେ ଏହି ହତ୍ୟା କାଣ୍ଡ ଘଟାଇଛନ୍ତି । ତେବେ କେଉଁ କାରଣ ପାଇଁ ଏହି ହତ୍ୟାକାଣ୍ଡ ହେଲା ତାହା ଜଣାପଡିନଥିବା ବେଳେ ତଦନ୍ତ ଜାରି ରହିଛି ।
