ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ବର୍ତ୍ତମାନ ଜଣେ ଯୁବକ ହାତୀ ମୁହଁରୁ ଅଳ୍ପକେ ବର୍ତ୍ତିଥିବା ଭିଡିଓ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ନିଛାଟିଆ ରାସ୍ତାରେ ଜଣେ ଯୁବକ ସାଇକେଲ ଯୋଗେ ଯାଉଥିବାବେଳେ ଏକ ହାତୀ ହାବୁଡରେ ପଡିଛନ୍ତି। ପରେ ହାତୀଟି ଯୁବକଙ୍କୁ ଶୁଣ୍ଢରେ ପେଲି ଦେଉଛି। ଫଳରେ ଯୁବକ ଜଣକ ରାସ୍ତାରେ ପଡିଯାଉଛନ୍ତି। କିଛି ସମୟ ପରେ କୌଶଳକ୍ରମେ ଯୁବକ ଜଣକ ସେଠାରୁ ଖସି ପଳାଇ ଆସୁଛନ୍ତି। ଏହାପରେ ଯୁବକଙ୍କ ସାଇକେଲକୁ ହାତୀଟି ଶୁଣ୍ଢରେ କିଛିବାଟ ଟେକି ନେଇ କଚାଡି ଦେଉଛି। ଏହି ଭିଡିଓକୁ ଆଇଏଫଏସ ସୁଶାନ୍ତ ନନ୍ଦ ରି-ଟୁଇଟ କରି ଶେୟାର କରିଛନ୍ତି। ଏହି ଭିଡିଓକୁ ଅନେକ ଲୋକ ଲାଇକ୍ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।
Amazing escape !! Lucky chap. pic.twitter.com/gYaOVQe9Nw
— Digvijay Singh Khati (@DigvijayKhati) September 2, 2020
