ବେଙ୍ଗାଲୁରୁ,୧୫।୩: କର୍ନାଟକର ହାଭେରୀରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଏହି ଘଟଣା ପୁଣିଥରେ ରାଜ୍ୟରେ ଲଭ ଜିହାଦର ପ୍ରସଙ୍ଗ ଉଠାଇଛି। ମସୁର ଗାଁର ୨୩ ବର୍ଷୀୟା ସ୍ବାତୀ ରମେଶ ବ୍ୟାଡାଗୀଙ୍କୁ ତାଙ୍କ ମୁସଲମାନ ପ୍ରେମିକ ନୟାଜ ଏବଂ ତାଙ୍କ ଦୁଇ ବନ୍ଧୁ ହତ୍ୟା କରିଛନ୍ତି। ସମ୍ପୂର୍ଣ୍ଣ ଖବରଟି ଜାଣିଲେ ଛାତି ଥରିଉଠିବ।
ପୋଲିସର କହିବା ଅନୁଯାୟୀ, ସ୍ବାତୀଙ୍କ ନାୟାଜଙ୍କ ସହ ସମ୍ପର୍କ ଥିଲା, କିନ୍ତୁ ଗତ କିଛି ଦିନ ଧରି ସ୍ବାତୀ ତାଙ୍କଠାରୁ ଦୂରତା ବଜାୟ ରଖୁଥିଲେ। ଏଥିରେ ରାଗିଯାଇ, ନାୟାଜ ତାଙ୍କ ବନ୍ଧୁ ବିନୟ ଏବଂ ଦୁର୍ଗାଚାରୀଙ୍କ ସହିତ ମିଶି ସ୍ବାତୀଙ୍କୁ ଗାଡ଼ିରେ ଡାକି ରାଣେବେନୁରକୁ ନେଇଯାଇଥିଲେ। ସେଠାରେ ତିନିଜଣ ସ୍ବାତୀଙ୍କୁ ନାୟାଜଙ୍କୁ ଭେଟିବାକୁ ଧମକ ଦେଇଥିଲେ।
ଏହା ପରେ, ଯେତେବେଳେ ସ୍ବାତୀ ମନା କରିଦେଲେ, ତିନିଜଣ ତାଙ୍କୁ ଗଳା କାଟି ହତ୍ୟା କରି ତାଙ୍କ ମୃତଦେହକୁ ତୁଙ୍ଗଭଦ୍ରା ନଦୀରେ ଫିଙ୍ଗି ଦେଇଥିଲେ। ସ୍ବାତୀଙ୍କ ମାଆ ଶଶିକଳା ଏକ ନିଖୋଜ ରିପୋର୍ଟ ଦାଖଲ କରିଥିଲେ। ତୁଙ୍ଗଭଦ୍ରା ନଦୀରୁ ମିଳିଥିବା ଏକ ଅଜଣା ମୃତଦେହକୁ ପୋଲିସ ସ୍ବାତୀ ବୋଲି ଚିହ୍ନଟ କରିଛି। ପୋଲିସ ନାୟାଜକୁ ଗିରଫ କରିଛି, ଅନ୍ୟପଟେ ବିନୟ ଏବଂ ଦୁର୍ଗାଚାରି ଫେରାର ଅଛନ୍ତି।
ସ୍ବାତୀଙ୍କ ମାଆ ଶଶିକଳାଙ୍କ କହିବାନୁଯାୟୀ, ସେ ନୟାଜଙ୍କ ବିଷୟରେ ଅଧିକ ଜାଣି ନଥିଲେ ଏବଂ ସେ ଭାବୁଥିଲେ ଯେ ସେ କେବଳ ସ୍ବାତୀଙ୍କ ବନ୍ଧୁ। ଘଟଣାର ତଦନ୍ତ କରୁଥିବା ହାଭେରୀ ଏସପି ଅଂଶୁକୁମାର କହିଛନ୍ତି ଯେ ତିନି ଅଭିଯୁକ୍ତଙ୍କୁ ଚିହ୍ନଟ କରାଯାଇଛି ଏବଂ ଖୁବ ଶୀଘ୍ର ସେମାନଙ୍କୁ ଗିରଫ କରାଯିବ।
