ଯୋଗ କରିବା ଦ୍ୱାରା ଶରୀରର ଓଜନ କମାଇପାରିବେ। ଏଥିସହ ଆପଣ ହେଲ୍ଦୀ ଡାଏଟ୍ ନିଅନ୍ତୁ। ଏହା ଆପଣଙ୍କ ଓଜନ କମାଇବା, ମସ୍ତିଷ୍କ ଓ ଶରୀର ସୁସ୍ଥ ରଖିବାରେ ସାହାଯ୍ୟ କରିଥାଏ। ଆପଣ ଯଦି ଓଜନ କମାଇବାକୁ ଚାହୁଁଛନ୍ତି ତେବେ ନିମ୍ନରେ
ଦିଆହୋଇଥିବା କେତୋଟି ଟିପ୍ସ ଆପଣାନ୍ତୁ …
ଚତୁରଙ୍ଗ ଦଣ୍ଡାସନ:
ଚତୁରଙ୍ଗ ଦଣ୍ଡାସନ ଆପଣଙ୍କ ପେଟକୁ ମଜଭୁତ କରିଥାଏ। ଏହି ଆସନ ଦେଖିବାକୁ ଯେତେ ସହଜ ଲାଗେ, ତା’ର ଫାଇଦା ସେତେ ଅଧିକ। ଆପଣ ଯେତେବେଳେ ଏହି ମୁଦ୍ରାରେ ଥାନ୍ତି, ସେତେବେଳେ ଆପଣ ନିଜ ପେଟ ମାଂସପେଶୀର ତୀବ୍ରତା ଅନୁଭୂତ ହୋଇଥାଏ।
ବୀରଭଦ୍ରାସନ: ଯଦି ଆପଣ ଜଙ୍ଘ ଏବଂ କାନ୍ଧକୁ ଷ୍ଟ୍ରଙ୍ଗ୍ କରିବାକୁ ଚାହାନ୍ତି ତେବେ ଏହି ଆସନ ଆପଣଙ୍କୁ ସାହାଯ୍ୟ କରିପାରେ। ବୀରଭଦ୍ରାସନ କରିବାର କିଛି ସମୟ ପରେ ମାଂସପେଶୀ ଟାଇଟ୍ ହେଲା ପରି ଲାଗିବ। ଏହି ଯୋଗାସନ ଆପଣଙ୍କ ପିଠିର ଶେଷଭାଗ, ପାଦ ଏବଂ ବାହୁକୁ ଆରାମ ଦେଇଥାଏ। ଏହି ଆସନ ଆପଣଙ୍କ ପେଟ କମାଇବାରେ ସାହାଯ୍ୟ କରେ।
ତ୍ରିକୋଣାସନ: ତ୍ରିକୋଣାସନ ପାଚନ କ୍ରିୟାକୁ ସହଜ କରିବା ସହିତ ପେଟ ଏବଂ ଅଣ୍ଟାରେ ଜମା ହୋଇଥିବା ଚର୍ବିକୁ କମ୍ କରିବାରେ ସାହାଯ୍ୟ କରିଥାଏ। ଏହା ପୂରା ଶରୀରରେ ବ୍ଲଡ୍ ସର୍କୁଲେଶନ କରିଥାଏ। ଏହି ଆସନ କରିବା ଦ୍ୱାରା ଏକଗ୍ରତା ବଢ଼ିଥାଏ।
ଅଧାମୁଖ ଶ୍ୱନାସନ: ଏହି ଆସନ କରିବା ଦ୍ୱାରା ପେଟର ତଳ ମାଂସପେଶୀ ମଜଭୁତ ହୋଇଥାଏ। ଉକ୍ତ ଆସନ ମଝି ହାଡ଼କୁ ସପୋର୍ଟ ଦେଇଥାଏ। ଏହି ଆସନ କରିବା ଦ୍ୱାରା ମନର ଏକାଗ୍ରତା ଓ ବ୍ଲଡ୍ ସର୍କୁଲେସନ ଠିକ୍ ରୁହେ।
ସର୍ବାଙ୍ଗାସନ: ଏହି ଆସନ କରିବା ଦ୍ୱାରା ହଜମ ଭଲ ହୁଏ ଓ ଶରୀରକୁ ଶକ୍ତି ମିଳେ। ଉକ୍ତ ଆସନ ଶରୀରର ମେଟାବୋଲିଜମ୍ ଓ ଥାଇରଏଡ୍ ଲେଭଲ ସନ୍ତୁଳନ ରକ୍ଷା କରିଥାଏ।
