ନୂଆଦିଲ୍ଲୀ,୧୪ ।୭: ରାଷ୍ଟ୍ରପତି ନିର୍ବାଚନର ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଶିବସେନା ସମର୍ଥନ ଦେବା ଘୋଷଣା କରିବା ପରେ ବିରୋଧି ପ୍ରାର୍ଥୀ ଯଶୱନ୍ତ ସିହ୍ନାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ଏହି ପ୍ରତିକ୍ରିୟାରେ ସେ ଭାରତୀୟ ଜନତା ପାର୍ଟି(ଭାଜପା) ଉପରେ ବର୍ଷିଛନ୍ତି । ସେ କହିଛନ୍ତି ଉଦ୍ଧବ ଠାକରେ ଚାପରେ ପଡି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରୁଛନ୍ତି । ଉଦ୍ଧବଙ୍କୁ ବାଧ୍ୟ କରାଯାଇଛି ଦ୍ରୌପଦୀଙ୍କୁ ସମର୍ଥନ କରିବାକୁ । ଗୁଆହାଟିରେ ଏକ ପ୍ରେସ କନଫରେନ୍ସରେ ସିହ୍ନା ଏହା କହିଛନ୍ତି ।
ସୂଚନାଯୋଗ୍ୟ, କିଛିଦିନ ପୂର୍ବରୁ ଶିବସେନାର ଉଦ୍ଧବ ଠାକରେ ଘୋଷଣା କରିଥିଲେ କି ସେ ରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ । ଶିବସେନାର ଏକନାଥ ଶିନ୍ଦେ ଓ ଭାରତୀୟ ଜନତା ପାର୍ଟି(ଭାଜପା) ହାତରେ ଶାସନ ହରାଇବା ପରେ ଉଦ୍ଧବ ଠାକରେ କହିଥିଲେ ତାଙ୍କର ଚିନ୍ତାଧାରା ଏତେ ଛୋଟ ନୁହେଁ, ଏହାର ସଙ୍କେତ ଦେଉଛି ଶିବସେନା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ ଦେବା । ସୂଚନାଯୋଗ୍ୟ, ରାଷ୍ଟ୍ରପତି ପଦ ପାଇଁ ଆସନ୍ତା ୧୮ ତାରିଖରେ ଭୋଟିଂ ହେବ ।
