ଆପଣ ଅନେକ ଗୁମ୍ଫା ଦେଖିଥିବେ ମାତ୍ର ବିଶ୍ୱର ସବୁଠୁ ବଡ଼ ଗୁମ୍ଫା କେଉଁଟା ଏବଂ କେଉଁଠି ଅଛି ଜାଣନ୍ତି କି? ଆଜ୍ଞା ହଁ ଏପରି ଗୁମ୍ଫା ଭିଏତନାମାର ଏକ ଜଙ୍ଗଲ ମଧ୍ୟରେ ଅଛି। ଏହି ଗୁମ୍ଫା ଏତେ ବଡ଼ ଯେ, ଏଠାରେ ୪୦ ମହଲା ବିଶିଷ୍ଟ ଗଗନଶ୍ଚୁମ୍ବୀ କୋଠା ତିଆରି ହୋଇପାରିବ। ଭିଏତନାମାର ମଧ୍ୟଭାଗରେ ସୋନ ଡୋଙ୍ଗ ଗୁମ୍ଫା ହେଉଛି ବିଶ୍ୱର ସବୁଠୁ ବଡ଼ ଗୁମ୍ଫା। ୮ ବର୍ଷ ପୂର୍ବରୁ ଏହି ଗୁମ୍ଫା ଖୋଜା ଯାଇଥିଲା। ଏବେ ଏହା ଲୋକଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି।
ଏହି ଗୁମ୍ଫାର ଲମ୍ବ ୯ କିଲୋମିଟର। ଏଥିରେ ପ୍ରାୟ ୧୫୦ଟି ଛୋଟବଡ଼ ଗୁମ୍ଫା ରହିଛି। ଘଞ୍ଚ ଜଙ୍ଗଲ ଏବଂ ନଦୀ ନିକଟରେ ଏହି ଗୁମ୍ଫା ରହିଛି। ଯାହା ଏହାର ସୌନ୍ଦର୍ଯ୍ୟକୁ ଆହୁରି ବଢ଼ାଇ ଦେଇଛି। ୨୦୧୩ରେ ଖୁବ୍ କମ୍ ସଂଖ୍ୟକଙ୍କ ପର୍ଯ୍ୟଟକଙ୍କ ପାଇଁ ଏହା ଖୋଲା ଯାଇଥିଲା। ମାତ୍ର ଏହା ପରଠାରୁ ଏଠାକୁ ପର୍ଯ୍ୟଟକଙ୍କ ସୁଅ ଛୁଟୁଛି।
