ଷ୍ଟକହୋମ,୯ ।୧୦: ବିଶ୍ୱ ଖାଦ୍ୟ କାର୍ଯ୍ୟକ୍ରମ ବା ୱାର୍ଲଡ ଫୁଡ୍ ପ୍ରୋଗ୍ରାମ(ଡପ୍ଲୁଏଫ୍ପି)କୁ ୨୦୨୦ ବର୍ଷ ପାଇଁ ନୋବେଲ ଶାନ୍ତି ପୁରସ୍କାର ଦେବାକୁ ଘୋଷଣା କରାଯାଇଛି । ନୋବେଲ ପୁରସ୍କାର ସମିତି ଦ୍ୱାରା ଶୁକ୍ରବାର ଏହି ଘୋଷଣା କରାଯାଇଛି । ନୋବେଲ କମିଟି କହିଛି କ୍ଷୁଧାର ମୁକାବିଲା କରିବା ଓ ସଂଘର୍ଷପୂର୍ଣ୍ଣ ଅଞ୍ଚଳରେ ଶାନ୍ତିର ସ୍ଥିତିରେ ସୁଧାର ଆଣିବା ଲାଗି ବିଶ୍ୱ ଖାଦ୍ୟ କାର୍ଯ୍ୟକ୍ରମକୁ ଏହି ଶାନ୍ତି ପୁରସ୍କାର ପ୍ରଦାନ କରାଯାଉଛି । ସୂଚନାଯୋଗ୍ୟ, ଚଳିତ ଥର ନୋବେଲ ଶାନ୍ତି ପୁରସ୍କାର ଦୌଡରେ ବିଶ୍ୱ ସ୍ୱାସ୍ଥ୍ୟ ସଂଗଠନ(ଢବ୍ଲୁଏଚ୍ଓ)ର ନାମ ସବୁଠାରୁ ଆଗରେ ଥିଲା । ଏହା ବ୍ୟତୀତ ପରିବେଶ ସମସ୍ୟା ତଥା ଗଣମାଧ୍ୟମର ସ୍ୱାଧିନତାକୁ ସମର୍ଥନ କରୁଥିବା ଗ୍ରେଟା ଥନବର୍ଗଙ୍କୁ ମଧ୍ୟ ପ୍ରତିଦ୍ୱନ୍ଦ୍ୱୀ ଘୋଷିତ କରାଯାଇଥିଲା । ହେଲେ ଶେଷରେ ବିଶ୍ୱ ଖାଦ୍ୟ କାର୍ଯ୍ୟକ୍ରମକୁ ଏହି ପୁରସ୍କାର ଦିଆଯାଇଛି । ଚଳିତ ବର୍ଷ ନୋବେଲ ଶାନ୍ତି ପୁରସ୍କାର ସମ୍ମାନ ପାଇଁ ୩ଶହରୁ ଅଧିକ ବ୍ୟକ୍ତି ଓ ସଂସ୍ଥା ନାମାଙ୍କନ କରିଥିଲେ । ଚତୁର୍ଥଥର ଭାବେ ଏତେ ସଂଖ୍ୟକ ନାମାଙ୍କନ ହୋଇଥିବା କୁହାଯାଏ ।
