ନୂଆଦିଲ୍ଲୀ,୨୯।୧୦: ଇଂଲଣ୍ଡ ପକ୍ଷରୁ ୨୦୨୫ରେ ଆୟୋଜିତ ହେବାକୁ ଥିବା ଆଇସିସି ଚାମ୍ପିଅନ୍ସ ଟ୍ରଫିରେ ଆୟୋଜକ ଦଳ ପାକିସ୍ତାନ ସହିତ କ୍ରିକେଟ ବିଶ୍ୱକପ ୨୦୨୩ର ଶ୍ରେଷ୍ଠ ୭ ଦଳ ଯୋଗ୍ୟତା ଅର୍ଜନ କରିବେ ବୋଲି ଅନ୍ତର୍ଜାତୀୟ କ୍ରିକେଟ ପରିଷଦ ଯଥା ଆଇସିସି ନିଶ୍ଚିତ କରିଛି। ୨୦୨୫ରେ ପାକିସ୍ତାନରେ ଆଇସିସି ଚାମ୍ପିଅନ୍ସ ଟ୍ରଫି ଆୟୋଜିତ ହେବ।
ଆଇସିସି ବର୍ତ୍ତମାନ ନିଶ୍ଚିତ କରିଛି ଯେ, ବିଶ୍ୱକପ ୨୦୨୩ର ଟପ -୭ ଦଳ ଆୟୋଜକ ପାକିସ୍ତାନ ଦଳ ସହିତ ଏହି ଆଇସିସି ଟୁର୍ନାମେଣ୍ଟରେ ଖେଳିବ। ଆଇସିସି ମୁଖପାତ୍ର କହିଛନ୍ତି, ଆଇସିସି ପୁରୁଷ ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଆୟୋଜକ (ପାକିସ୍ତାନ) ଏବଂ ଆଇସିସି ପୁରୁଷ କ୍ରିକେଟ ବିଶ୍ୱକପ ୨୦୨୩ ଶେଷରେ ଟପ-୭ ଦଳ ଯୋଗ୍ୟତା ହାସଲ କରିବେ।
