ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଅନେକ ସମୟରେ ଲୋକେ ଗୃହ ପାଳିତ ପଶୁଙ୍କୁ ଖୋଲା ଛାଡ଼ି ଦେଇଥାନ୍ତି । ଯେଉଁଥିପାଇଁ ରାସ୍ତାରେ ଯାଉଥିବା ଅନେକ ଲୋକଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ବେଳେବେଳେ ଏହି ପଶୁମାନେ ହଠାତ୍ ରାସ୍ତାରେ ଯାଉଥିବା ଲୋକଙ୍କୁ ଆକ୍ରମଣ କରନ୍ତି । ଯେତେବେଳେ କି ରାସ୍ତା ଦେଇ ଯାଉଥିବା ଲୋକେ ପଶୁଙ୍କୁ କୌଣସି କ୍ଷତି ପହଞ୍ଚାଇ ନ ଥାନ୍ତି। ତଥାପି ଏହି ପଶୁମାନେ ବେଳେବେଳେ ମଣିଷ ପାଇଁ ଭୟଙ୍କର ହୋଇଯାନ୍ତି । ଭିଡିଓରେ ଜଣେ ମହିଳାଙ୍କୁ ଦେଖିବାକୁ ମିଳୁଛି। ସେ ଘରୁ ବାହାରି ରାସ୍ତାକୁ ଆସିବା କ୍ଷଣି ରାସ୍ତାରେ ବୁଲୁଥିବା ଗୋରୁ ତାଙ୍କୁ ଆକ୍ରମଣ କରିଥିଲେ। ପରେ ତାଙ୍କୁ ଉଦ୍ଧାର କରାଯାଇଥିଲା। ଏଭଳି ଘଟଣା ଘଟିଛି ରାଜସ୍ଥାନ ଯୋଧପୁରରେ।
ଭିଡିଓକୁ ଇଆର୍ ମହମ୍ମଦ ଅସଲମ ଆଲିଗ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଭାଇରାଲ ହେବାରେ ଲାଗିଛି।
