ଅମରପାଲି,୧୨ା୧୧(ଡି.ଏନ.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ଅଞ୍ଚଳରେ ଜଣେ ବିବାହିତା ମହିଳାଙ୍କୁ ବଳାତ୍କାର କରାଯାଇଥିବା ଥାନାରେ ଅଭିଯୋଗ ହୋଇଛି। ଏହି ଘଟଣାରେ କୁମରକେଲି ଅଞ୍ଚଳର ଜଣେ ୧୯ ବର୍ଷୀୟ ଯୁବକଙ୍କୁ ଗିରଫ କରାଯାଇଛି। ଜାମିନ ନାମଞ୍ଜୁର ହେବାରୁ ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
ଅଭିଯୋଗ ମୁତାବକ, ପୀଡିତା ଜଣକ କାଠ ସଂଗ୍ରହ କରିବା ପାଇଁ ପଳାସବୁରି ଜଙ୍ଗଲକୁ ଯାଇଥିଲେ। ସେତିକିବେଳେ ଯୁବକ ଜଣକ ଏକୁଟିଆ ଦେଖି ମହିଳାଙ୍କୁ ବଳାତ୍କାର କରିଥିଲେ। ଏନେଇ ବୀରମହାରାଜପୁର ଥାନାରେ ଏକ ବଳାତ୍କାର ମାମଲା(ନଂ.୨୩୪/୧୧/୨୧) ରୁଜୁ ହୋଇଛି। ବୀରମହାରାଜପୁର ଥାନା ଅଧିକାରିଣୀ ଅଞ୍ଜଳି କୁମ୍ଭାର ଘଟଣାର ତଦନ୍ତ କରୁଛନ୍ତି ।
