ନୂଆଦିଲ୍ଲୀ,୮ା୨: ସୋସିଆଲ ମିଡିଆରେ ଏବେ ଏକ ଅଜବ ତଥା ମଜାଦାର ଭିଡିଓ ବେଶ୍ ଭାଇରାଲ ହେବାରେ ଲାଗିଛି। ଜଣେ ମା’ ନିଜ ପୁଅକୁ ତାଙ୍କ ପ୍ରେମିକାଙ୍କ ସହ ମେଟ୍ରୋ ଷ୍ଟେସନରେ ଦେଖିବା ପରେ, ରାଗିବା ପରିବର୍ତ୍ତେ ସେଠାରେ ହିଁ ଉଭୟଙ୍କର ‘ରୋକା’ ବା ନିର୍ବନ୍ଧ ସମ୍ପନ୍ନ କରିଛନ୍ତି।
ଭାଇରାଲ ଭିଡିଓ ଅନୁଯାୟୀ, ମେଟ୍ରୋ ଷ୍ଟେସନର ଏକ ବେଞ୍ଚରେ ପୁଅ ଓ ତାଙ୍କ ପ୍ରେମିକା ବସିଥିବା ବେଳେ ହଠାତ୍ ମା’ ସେଠାରେ ପହଞ୍ଚି ଯାଇଥିଲେ। ପୁଅକୁ ଏପରି ଅବସ୍ଥାରେ ଦେଖି ମା’ ସେଠାରେ ହିଁ ନିର୍ବନ୍ଧର ରୀତିନୀତି ଆରମ୍ଭ କରିଦେଇଥିଲେ।
ମା’ ଜଣକ ସାଙ୍ଗରେ ଆଣିଥିବା ମିଠା ଓ ଫଳ ଯୁବତୀଙ୍କ ହାତକୁ ବଢ଼ାଇ ଦେବା ସହ ଉଭୟଙ୍କୁ ମିଠା ଖୁଆଇଥିଲେ। ମା’ ଜଣକ ପାଖରେ ଥିବା ବ୍ୟକ୍ତିଙ୍କୁ ଭିଡିଓଟିକୁ ସଠିକ୍ ଭାବେ ସୁଟ୍ କରିବାକୁ ମଧ୍ୟ ନିର୍ଦ୍ଦେଶ ଦେଉଥିବା ଦେଖାଯାଇଛି। ସେ କହୁଛନ୍ତି, “ଭଲ ଭାବରେ ଭିଡିଓ ବନା।”
🚨 Mother caught her son with his girlfriend at a metro station.
She immediately arranged his engagement on spot 😂
Intelligent Mom settled the issue in one go, ending the need for excuses or secret meetings. pic.twitter.com/xyk3lYdgqu
— News Algebra (@NewsAlgebraIND) February 7, 2026
ତେବେ ଏଭଳି ସ୍ଥିତିରେ ପୁଅ ଜଣକ ଲଜ୍ଜାରେ ବାରମ୍ବାର ମା’ଙ୍କୁ ଅଟକାଇବାକୁ ଚେଷ୍ଟା କରୁଥିଲେ ମଧ୍ୟ ମା’ ଶୁଣିନଥିଲେ। ସେ କହିଥିଲେ, “ମୋର ଯେଉଁ ଅପମାନ ହେଲା ତାର କ’ଣ?” ଶେଷରେ ସେ ଉଭୟଙ୍କୁ “ଖୁସିରେ ରୁହ” ବୋଲି କହି ଆଶୀର୍ବାଦ ମଧ୍ୟ ଦେଇଥିଲେ।
ଏହି ଭିଡିଓଟି ସାମ୍ନାକୁ ଆସିବା ପରେ ୟୁଜର୍ସମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି। ଅନେକ ଲୋକ ଏହାକୁ ‘ସ୍କ୍ରିପ୍ଟେଡ୍’ ବା ପୂର୍ବ ପ୍ରସ୍ତୁତ ବୋଲି କହୁଛନ୍ତି। ଜଣେ ବ୍ୟକ୍ତି ଲେଖିଛନ୍ତି, “ଏହା ନିଶ୍ଚୟ ସ୍କ୍ରିପ୍ଟେଡ୍, ସତ ହୋଇନପାରେ।” ଅନ୍ୟ ଜଣେ ପ୍ରଶ୍ନ କରିଛନ୍ତି, “ଝିଅର ପରିବାର ଲୋକଙ୍କ ସମ୍ମତି ନିଆଯାଇଛି କି ନାହିଁ?”
ଭିଡିଓଟି କେଉଁ ସହରର ଏବଂ କେବେକାର, ସେ ନେଇ କୌଣସି ସଠିକ୍ ସୂଚନା ମିଳିନାହିଁ। ତେବେ ମା’ଙ୍କର ଏହି ନିଆରା ଅନ୍ଦାଜ ଏବେ ଇଣ୍ଟରନେଟ୍ରେ ଧୂମ ମଚାଉଛି।
