ବେଙ୍ଗାଲୁରୁ,୧୮।୭: ପୂର୍ବତନ ପ୍ରଧାନମନ୍ତ୍ରୀ ଏଚ୍.ଡି. ଦେବଗୌଡାଙ୍କ ପତ୍ନୀ ଚେନ୍ନମ୍ମାଙ୍କ ଶନିବାର ସନ୍ଧ୍ୟାରେ ବେଙ୍ଗାଲୁରୁର ସ୍ଥିତ ଏକ ଘରୋଇ ହସ୍ପିଟାଲରେ ପରଲୋକ ହୋଇଯାଇଛି। ଅପରାହ୍ନ ୪ଟାରେ ତାଙ୍କର ହୃଦଘାତରେ ପରଲୋକ ହୋଇଥିବା ସୂଚନା ମିଳିଛି।
ବୁଧବାର(୧୬ ଜୁଲାଇ) ସେ ନିଶ୍ୱାସ ନେବାରେ ଅସୁବିଧା ହୋଇଥିଲା। ଏହା ବ୍ୟତୀତ, ଛାତି ଯନ୍ତ୍ରଣା ଏବଂ ବୟସ ସମ୍ପର୍କିତ ଅନ୍ୟାନ୍ୟ ସ୍ବାସ୍ଥ୍ୟ ସମସ୍ୟାରେ ପୀଡିତ ଥିଲେ। ତାଙ୍କୁ ବେଙ୍ଗାଲୁରୁର ମଣିପାଲ ହସ୍ପିଟାଲରେ ଭର୍ତ୍ତି କରାଯାଇଥିଲା।
ହସ୍ପିଟାଲ ପକ୍ଷରୁ ଜାରି ଏକ ବିବୃତ୍ତିରେ ଘୋଷଣା କରାଯାଇଛି ଯେ, ଚେନ୍ନାମାଙ୍କ ଅବସ୍ଥାରେ ପ୍ରାରମ୍ଭିକ ଉନ୍ନତିର ଲକ୍ଷଣ ଦେଖାଯାଇଥିଲା, ଆଜି ଅପରାହ୍ନ ୪ଟାରେ ହଠାତ୍ ତାଙ୍କର ହୃଦଘାତ ହୋଇଥିଲା। ହସ୍ପିଟାଲରେ ଦେବଗୌଡାଙ୍କ ସହ ତାଙ୍କ ପୁଅ ଏବଂ ପରିବାରର ଅନ୍ୟ ସଦସ୍ୟମାନେ ଉପସ୍ଥିତ ଥିଲେ। ଚେନ୍ନାମା ୧୯୫୪ରେ ଏଚ୍.ଡି. ଦେବଗୌଡାଙ୍କୁ ବିବାହ କରିଥିଲେ।
