ହର୍ଷ ଗୋୟେଙ୍କା ସୋସିଆଲ ମିଡିଆରେ ବେଳେବେଳେ ଏମିତି ଭିଡିଓ ଶେୟାର କରନ୍ତି, ଯାହା ଦେଖିଲେ ଆପଣ ହସିହସି ଗଡ଼ିବେ। ଏବେ ଏକ ଭିଡିଓ ଶେୟାର କରିଛନ୍ତି, ଏଥିରେ ଜଣେ ବ୍ୟକ୍ତି ଭଗବାନ ଶ୍ରୀକୃଷ୍ଣଙ୍କ ମୂର୍ତ୍ତି ନିକଟରେ ମନ ଦୁଃଖରେ ବସି ପ୍ରାର୍ଥନା କରୁଛନ୍ତି। ଏହା ପରେ ଉପରୁ ଏମିତି ଶବ୍ଦ ଆସୁଛି ଯାହା ଶୁଣି ସେ ଭୟରେ ଦୌଡ଼ି ପଳାଉଛନ୍ତି।
If you have a lot going wrong for you… pic.twitter.com/mFHbMcYhRq
— Harsh Goenka (@hvgoenka) March 21, 2021
ହର୍ଷ ଶେୟାର କରିଥିବା ଭିଡିଓରେ ବ୍ୟକ୍ତି ଜଣକ ଭଗବାନ ଶ୍ରୀକୃଷ୍ଣଙ୍କ ମୂର୍ତ୍ତି ନିକଟରେ ବସି ହାତ ଯୋଡ଼ି କହୁଛନ୍ତି, ହେ ପ୍ରଭୁ, ବିମୁଦ୍ରୀକରଣରେ ବହୁ କ୍ଷତି ହେଲା, ଜିଏସ୍ଟିରେ ବହୁତ ଅସୁବିଧା, ପେଟ୍ରୋଲ ଦର ବି ବଢ଼ିଚାଲିଛି, ଶେୟାର ମାର୍କେଟ କ୍ଷତିରେ ଚାଲିଛି, ବିଦ୍ୟୁତ କର୍ମଚାରୀ ହଇରାଣ କରୁଛନ୍ତି, ଏବେ ପୁଣି ଲକ୍ଡାଉନ ଆରମ୍ଭ ହେଲାଣି ଏହି ସମୟରେ ସ୍ତ୍ରୀ ଘରେ ଝଗଡ଼ା କରୁଛନ୍ତି। ମୁଁ କ’ଣ କରିବି ପ୍ରଭୁ? ଏହି ସମୟରେ ଉପରୁ ଶୁଣାଗଲା ଦେଖ ଭାଇ, ଏବେ କରୋନା ଚାଲିଛି, ଆସିବାର ଅଛି ତ ଉପରକୁ ଚାଲିଆ। ଏହା ଶୁଣି ବ୍ୟକ୍ତି ଜଣକ ଭୟରେ ଦୌଡ଼ି ପଳାଉଛନ୍ତି।
ଭିଡିଓଟିକୁ ହର୍ଷ ମାର୍ଚ୍ଚ ୨୧ରେ ଶେୟାର କରିଥିଲେ। ବର୍ତ୍ତମାନ ସୁଦ୍ଧା ୧୫୦୦୦ ଲୋକ ଏହାକୁ ଦେଖିସାରିଲେଣି। ଏଥିସହ ଲାଇକ୍ କମେଣ୍ଟ ବି ବଢ଼ି ଚାଲିଛି। ୧୦୦ରୁ ଊର୍ଦ୍ଧ୍ୱ ୟୁଜର ରିଟୁଇଟ୍ ବି କରିଛନ୍ତି।
