କ’ଣ ହେବ ମିଶନ ଶକ୍ତି ମହିଳାଙ୍କ ଭାଗ୍ୟ

ବାରିପଦା,୭ା୬(ନୀଳାଦ୍ରି ବିହାରୀ ଦଣ୍ଡପାଟ):ଓଡ଼ିଶାରେ ଭାରତୀୟ ଜନତା ପାର୍ଟି ବହୁମତ ପାଇ ନୂଆ ସରକାର ଗଠନ କରିବାକୁ ପ୍ରସ୍ତୁତି ଜାରି ରଖିଛି। ନୂଆ ସରକାରରେ ନୂଆ ମୁଖ୍ୟମନ୍ତ୍ରୀଙ୍କ ଶାସନକୁ ନେଇ ରାଜ୍ୟବାସୀଙ୍କ ମଧ୍ୟରେ ଉକତ୍ଣ୍ଠା ଦେଖାଦେଉଛି। ବିଜେଡି ସରକାରରେ ଚାଲିଥିବା ଯୋଜନାଗୁଡ଼ିକ ବନ୍ଦ ହେବ ନା ଜାରି ରହିବ ତାହାକୁ ନେଇ ମଧ୍ୟ ଦ୍ୱନ୍ଦ୍ୱରେ ଜିଲାବାସୀ ରହିଛନ୍ତି। ଏପରିକି ଭାଜପାର ମିଶନ ସଫଳ ହେବା ପରେ ଜିଲାରେ ମିଶନ ଶକ୍ତିକୁ ନେଇ ଗ୍ରୁପର ସଦସ୍ୟାମାନେ ଚିନ୍ତାରେ ପଡ଼ିଛନ୍ତି। ୨୪ ବର୍ଷ ସରକାରରେ ମହିଳାମାନଙ୍କୁ ସ୍ବାବଲମ୍ବୀ କରିବା ପାଇଁ ନିଆଯାଇଥିବା ପଦକ୍ଷେପକୁ ତ୍ୱରାନ୍ବିତ କରାଯିବ କି ନୂଆ ଉପାୟ ଅବଲମ୍ବନ କରାଯିବ ତାହାକୁ ନେଇ ବିଚାର ବିମର୍ଷ ହେଉଛି।
ମୟୂରଭଞ୍ଜ ଜିଲାରେ ସବାଇଘାସ, ଶାଳପତ୍ର, ଜଙ୍ଗଲଜାତ ଦ୍ରବ୍ୟ, ମାଣ୍ଡିଆ, ଗୃହପାଳିତ ପ୍ରାଣୀ ପାଳନ ଭଳି ଅନେକ ବ୍ୟବସାୟ ଜରିଆରେ ମିଶନ ଶକ୍ତିର ମହିଳାମାନେ ସ୍ବାବଲମ୍ବୀ ହୋଇପାରିଛନ୍ତି। ଜିଲାରେ ମୋଟ ୪୭ ହଜାର ୧୭୫ ଗ୍ରୁପ ରହିଥିବା ବେଳେ ସଦସ୍ୟାଙ୍କ ସଂଖ୍ୟା ୪ ଲକ୍ଷ ୭୧ ହଜାର ୭୫୦ ରହିଛି। ବଡ଼ସାହି ବ୍ଲକ୍‌ରେ ୨୯୦୯, ବହଳଦାରେ ୧୧୮୦, ବାଙ୍ଗରିପୋଷିରେ ୧୭୦୮, ବାରିପଦାରେ ୧୯୫୦, ବେତନଟୀରେ ୨୦୭୫, ବିଜାତଳା ୧୦୧୪, ବିଶୋଇ ୧୧୦୫, ଜିବି ନଗର ୧୩୨୧, ଜାମଦାରେ ୯୦୯, ଯଶିପୁର ୧୪୪୨, କପ୍ତିପଦାରେ ୨୩୨୮, କରଞ୍ଜିଆରେ ୧୯୨୪, ଖୁଣ୍ଟାରେ ୧୨୦୭, କୁଳିଅଣାରେ ୧୪୮୯, କୁସୁମୀରେ ୧୨୬୮, ମୋରଡ଼ାରେ ୨୧୬୧, ରାସଗୋବିନ୍ଦପୁରରେ ୧୪୪୫, ରାଇରଙ୍ଗପୁର ୧୦୯୩, ରରୁଆଁରେ ୧୨୩୮, ସାରସକଣାରେ ୧୪୨୨, ଶାମାଖୁଣ୍ଟାରେ ୧୪୩୬, ଶୁକୃଳୀରେ ୧୦୦୨, ଶୁଳିଆପଦାରେ ୧୬୯୩, ଠାକୁରମୁଣ୍ଡାରେ ୧୬୭୯, ତିରିଂରେ ୮୫୫ ଓ ଉଦଳାରେ ୧୩୬୮ ଗ୍ରୁପ ରହିଛି। ଏହାକୁ ଅଧିକ ଶକ୍ତିଶାଳୀ ଓ ରୋଜଗାରକ୍ଷମ କରିବା ପାଇଁ ଜିଲାରେ ଡିଏଲଏଫ୍‌, ବିଏଲଏଫ୍‌, ଜିଏଲଏଫ୍‌ ଓ ବ୍ୟାଙ୍କ ମିତ୍ର ଭଳି ପଦବୀ ସୃଷ୍ଟି କରାଯାଇଥିଲା। ପାରିଶ୍ରମିକ ଭାବେ ସ୍ବଳ୍ପ ଅର୍ଥ ପ୍ରଦାନ କରାଯାଉଥିଲା। ମିଶନ ଶକ୍ତିର ମହିଳାମାନଙ୍କୁ ପେନ୍‌ସନ୍‌ ଭତ୍ତା ଲାଗୁ କରିବାକୁ ବିଜେଡି ସରକାର ଘୋଷଣା କରିଥିଲା। ମାତ୍ର ଗ୍ରୁପକୁ ଠିକ୍‌ ଭାବେ ପରିଚାଳନା କରାଯାଉଥିବା ବେଳେ ସଭାପତି ଓ ସମ୍ପାଦକଙ୍କୁ ନେଇ ରାଜନୀତି କରିବା ଦଳ ପ୍ରତି ମହଙ୍ଗା ପଡିଲା ା ଫଳରେ ମିଶନ ଶକ୍ତି ବୋଲାଉଥିବା ମହିଳାଙ୍କ ଆଶୀର୍ବାଦ ଭାଜପା ପ୍ରତି ଲେଉଟି ଯାଇଥିଲା। ନୂଆ ସରକାର ଗଠନ ହେଲେ ମିଶନ ଶକ୍ତି ପାଇଁ ନିୟୋଜିତ କର୍ମଚାରୀ ସୁରକ୍ଷିତ ରହିବେ ନା ନୂଆ ମୋଡ଼ ନେବ ତାହା ଏବେ ସନ୍ଦେହ ଘେରରେ ରହିଛି। ସେହିପରି ଆହାର, ଲକ୍ଷ୍ମୀ ବସ୍‌ ଯୋଜନା, ଛାତ୍ର ବୃତି, ବିଏସ୍‌କେୱାଇ ଯୋଜନା ସବୁ ବନ୍ଦ ହେଲେ ନିୟୋଜିତ କର୍ମଚାରୀମାନେ ବେରୋଜଗାରକ୍ଷମ ହୋଇପଡିବେ ବୋଲି ମତ ପ୍ରକାଶ ପାଉଛି। ଅନ୍ୟପକ୍ଷରେ ଭାଜପାର ଲକ୍ଷପତି ଦିଦି ସୃଷ୍ଟି କରିବାର ପ୍ରତିଶ୍ରୁତିକୁ ନେଇ ପ୍ରତି ମହିଳାଙ୍କୁ ୫୦ହଜାର ଟଙ୍କାର ଭାଉଚର ପ୍ରଦାନ କରାଯିବ ବୋଲି ଜଣାପଡିଛି। ତେବେ ମିଶନ ଶକ୍ତିକୁ ଆହୁରି ସୁଦୃଢ କରାଯିବ ନା ବିକଳ୍ପ ଉପାୟ ଅବଲମ୍ବନ କରାଯିବ ତାହାକୁ ନେଇ ଅଲୋଚନା ହେଇଛି।


Enter your email to get our daily news in your inbox.

All Right Reserved By Dharitri.Com

ବାଲେଶ୍ୱରରେ କର୍ଫ୍ୟୁ କୋହଳ, ସ୍ଥିତିରେ ଆସୁଛି ସୁଧାର

ବାଲେଶ୍ୱର,୨୦ା୬(ମାନସ ବିଶ୍ୱାଳ): ବାଲେଶ୍ବର ସହରର ଭୁଜାଖିଆପିରସ୍ଥିତ ଏକ ସରକାରୀ ପାଣି ନାଳରେ ନାଲି ରଙ୍ଗପାଣି ପ୍ରବାହ ପ୍ରସଙ୍ଗକୁ ନେଇ ଗତ ସୋମବାର ସୃଷ୍ଟି ହୋଇଥିବା ଗୋଷ୍ଠୀ...

ଓଏମ୍‌ବିଏଡିସିରେ ସ୍ବାସ୍ଥ୍ୟସେବା ଦିଗହରା

ଯାଜପୁର,୨୦ା୬(ହର୍ଷବର୍ଦ୍ଧନ ବେହେରା):ଯାଜପୁର ଜିଲାର ସ୍ବାସ୍ଥ୍ୟସେବା କ୍ଷେତ୍ରର ବିକାଶ ଦିଗରେ ଓଡ଼ିଶା ମିନେରାଲ ବିୟରିଂ ଏରିଆ ଡେଭଲପମେଣ୍ଟ କର୍ପୋରେଶନ(ଓଏମ୍‌ବିଏଡିସି) ପାଣ୍ଠିର ବିନିଯୋଗ ଅତି ନୈରାଶ୍ୟଜନକ ରହିଛି। ଫଳରେ...

୮୯ ପ୍ରତିଶତ ଜମି ପଡ଼ିଆ ପଡ଼ିଛି

ନୟାଗଡ,୨୦।୬(ଲୋକନାଥ ମିଶ୍ର)ଆକାଶରେ ଘଡ଼ଘଡ଼ି ମାରୁଛି ଓ ବିଜୁଳି ଦେଖା ଦେଉଛି । ହେଲେ ବର୍ଷା ହେଉନି । ମୌସୁମୀ ଆଗମନରେ ବିଳମ୍ବ କାରଣରୁ ରଜ ଯିବା...

ଚୁଡ଼ାରେ ରଙ୍ଗ: ମାଲଗୋଦାମରେ ଚଢ଼ାଉ

କଟକ,୨୦ା୬ (କାର୍ତ୍ତିକ ସାହୁ)ସାଧାରଣ ଲୋକଠୁ ଆରମ୍ଭ କରି ସବୁବର୍ଗର ଲୋକଙ୍କ ଦ୍ୱାରା ଚୁଡ଼ା ଏକ ସହଜ, ସରଳ ତଥା ଗ୍ରହଣୀୟ ଖାଦ୍ୟ। ମାତ୍ର ସେହି ଚୁଡ଼ାରେ...

ଆହାର କେନ୍ଦ୍ର ଆଗରେ ଲମ୍ବା ଧାଡି

କଟକ,୨୦।୬(ଶିଳ୍ପା ପ୍ରିୟଦର୍ଶିନୀ)ଏସ୍‌ସିବି ମେଡିକାଲରେ ଯୋଜନାରେ ସୀମିତ ରହିଛି ଦ୍ୱିତୀୟ ଆହାର କେନ୍ଦ୍ର। ମେଡିକାଲ ପରିସରରେ ଥିବା ଗୋଟିଏ ଆହାର କେନ୍ଦ୍ର ରୋଗୀ ଓ ସେମାନଙ୍କ ସମ୍ପର୍କୀୟଙ୍କ...

ବାଲେଶ୍ୱରରେ କୋହଳ ହେଲା କର୍ଫ୍ୟୁ

ବାଲେଶ୍ୱର,୨୦ା୬(ମାନସ ବିଶ୍ବାଳ)ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟଣା ପରେ ବାଲେଶ୍ୱର ସହରର ଅଣାୟତ୍ତ ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ପ୍ରଶାସନ ପକ୍ଷରୁ ସୋମବାର ବିଳମ୍ବିତ ରାତିରୁ...

ସାଙ୍ଗଙ୍କ ସହ ଗାଧୋଇବାକୁ ଯାଇ ସମୁଦ୍ରରେ ଭାସିଗଲେ ଯୁବକ

ଛତ୍ରପୁର,୧୯ା୬(ଦିଲ୍ଲୀପ ସାମଲ): ଗଞ୍ଜାମ ଜିଲା ଆର୍ଯ୍ୟପଲ୍ଲୀ ସମୁଦ୍ରରେ ବୁଡ଼ି ଜଣେ ଯୁବକ ନିଖୋଜ ହୋଇଯାଇଛନ୍ତି। ନିଖୋଜ ଯୁବକ ଜଣକ ହେଲେ କେ. ଆର୍ଯ୍ୟପଲ୍ଲୀ ଗ୍ରାମର ହେମନସେନ...

ନିର୍ମାଣାଧୀନ କୋଠାରୁ ୨ ଟନ୍‌ ଲୁହା ସାମଗ୍ରୀ ଚୋରି

ଗୋପାଳପୁର,୧୯ା୬(ନବୀନ ରାଜ ଆଚାରୀ): ଗଞ୍ଜାମ ଜିଲା ଗୋଳନ୍ଥରା ଥାନା ଅନ୍ତର୍ଗତ ପିତାତଳି ପେଟ୍ରୋଲ ପମ୍ପ ଅଞ୍ଚଳରୁ ଏକ ନିର୍ମାଣାଧୀନ କୋଠା ପରିସରରୁ ୨ ଟନ୍‌ ବିଭିନ୍ନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri