ନୂଆଦିଲ୍ଲୀ,୧୯।୮: ଟିମ ଇଣ୍ଡିଆର ତାରକା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ତାଙ୍କ ପତ୍ନୀ ନତାଶା ଷ୍ଟାନକୋଭିକଙ୍କ ଛାଡପତ୍ର ହୋଇଯାଇଛି। ଏନେଇ ଦୁହେଁ ଗୁରୁବାର ସୋସିଆଲ ମିଡିଆରେ ଶେୟାର କରି ବିବାହ ବିଚ୍ଛେଦ ଖବରକୁ ସ୍ପଷ୍ଟ କରିଥିଲେ।
୨୦୨୦ରେ ହାର୍ଦ୍ଦିକ ପାଣ୍ଡ୍ୟା ଏବଂ ନତାଶାଙ୍କ ବିବାହ ହୋଇଥିଲା। ହେଲେ ସହ ଦୀର୍ଘ ସମୟ ଧରି ଏକାଠି ରହୁ ନଥିଲେ। କୋଭିଡ ସମୟରେ ହାର୍ଦ୍ଦିକ ଏବଂ ନତାଶା ବିବାହ କରିଥିଲେ। କିନ୍ତୁ ସେହି ସମୟରେ ଲକଡାଉନ ଯୋଗୁ ସେବାନେ ଧୁମ୍ଧାମରେ ବିବହା କରିପାରିନଥିଲେ। ଏଭଳି ପରିସ୍ଥିତିରେ ସେମାନେ ୧୪ ଫେବୃଆରୀ ୨୦୨୩ରେ ପୁନର୍ବାର ବିବାହ କରିବାକୁ ନିଷ୍ପତ୍ତି ନେଇଥିଲେ। ଦ୍ୱିତୀୟ ବିବାହ ପରେ କିଛି ଦିନ ପାଇଁ ସବୁକିଛି ଠିକ ରହିଲା, କିନ୍ତୁ ଏହା ପରେ ଧୀରେ ଧୀରେ ସେମାନଙ୍କ ସମ୍ପର୍କ ଖରାପ ହେବାକୁ ଲାଗିଲା। ତେବେ ଆସନ୍ତୁ ଜାଣିବା ସେମାନଙ୍କ ପୃଥକ ହେବାର କାରଣ କ’ଣ ହୋଇପାରେ।
୨୦୧୯ରେ ହାର୍ଦ୍ଦିକ ଏବଂ ନତାଶା ଏକ ପାର୍ଟୀରେ ଦୁହେଁ ଦୁହିଁଙ୍କୁ ଭେଟିଥିଲେ। କେତେବେଳେ ବନ୍ଧୁତା ପ୍ରେମରେ ପରିଣତ ହେଲା ସେତେବେଳେ ଉଭୟ ଜାଣି ନ ଥିଲେ। ଯାହା ପରେ ନତାଶା ଏବଂ ହାର୍ଦ୍ଦିକ ୨୦୨୦ରେ ଲକଡାଉନ ସମୟରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ବିବାହର ଦୁଇମାସ ପରେ ନତାଶା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ ଏବଂ ଏହିପରି ଭାବେ ନତାଶାଙ୍କ କ୍ୟାରିୟର ବନ୍ଦ ହୋଇଯାଇଥିଲା। ବୋଧହୁଏ ଗୋଟିଏ କାରଣ ଏହା ବି ହୋଇପାରେ ଯେ ନତାଶା ଯେଉଁ କାମ ପୂରଣ କରିବାକୁ ଭାରତକୁ ଆସିଥିଲେ, ବିବାହ ପରେ ତାହା ହୋଇପାରିନାହିଁ ଯାହା ସେମାନଙ୍କ ଛାଡପତ୍ରର କାରଣ ହୋଇଗଲା ।
ଟି -୨୦ ବିଶ୍ୱକପ ପୂର୍ବରୁ ହାର୍ଦ୍ଦିକ ପାଣ୍ଡ୍ୟା ତାଙ୍କ କ୍ୟାରିୟରର ଏକ ଖରାପ ପର୍ଯ୍ୟାୟ ଦେଇ ଗତି କରୁଥିଲେ। ଦିନିକିଆ ବିଶ୍ୱକପ ଆଘାତ ଯୋଗୁ ସେ ମଧ୍ୟଭାଗରୁ ଟୁର୍ନାମେଣ୍ଟରୁ ବାହାରିଥିଲେ। ଏହା ପରେ ସେ ଆଇପିଏଲକୁ ଫେରିଥିଲେ। ସେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହୋଇଥିଲେ। ଯଦିଓ ସେ ଅଧିନାୟକ ହୋଇଥିଲେ ମଧ୍ୟ ତାଙ୍କୁ ବହୁତ ଟ୍ରୋଲ କରାଯାଇଥିଲା। ଏସବୁ ମଧ୍ୟରେ ପଡ଼ିଆରେ ଥିବା ଖେଳ ମଧ୍ୟ ପ୍ରଭାବଶାଳୀ ଦେଖାଯାଉ ନଥିଲା । ଏଭଳି ପରିସ୍ଥିତିରେ କୁହାଯାଇଥିଲା ଯେ ହାର୍ଦ୍ଦିକଙ୍କ କ୍ୟାରିୟର ଶେଷ ହେବାକୁ ଯାଉଛି, କିନ୍ତୁ ସେ ଟି -୨୦ ବିଶ୍ୱକପରେ ଦୃଢ ପ୍ରତ୍ୟାବର୍ତ୍ତନ କରି ନିଜର ବୁଡ଼ି ଯାଉଥିବା କ୍ୟାରିୟରକୁ ବଞ୍ଚାଇ ଦେଇଥଲେ, କିନ୍ତୁ ବୋଧହୁଏ ସେତେବେଳକୁ ବିଳମ୍ବ ହୋଇଯାଇଥିଲା। ହାର୍ଦ୍ଦିକଙ୍କ ହ୍ରାସ ପାଇଥିବା ଷ୍ଟାରଡମ ହୁଏତ ନତାଶାଙ୍କ ସହିତ ତାଙ୍କର ମତଭେଦ ସୃଷ୍ଟି କରିଥାଇପାରେ ଯାହା ସେମାନଙ୍କ ଛାଡପତ୍ରକୁ ନେଇ ଆସିଥିଲା।
