ବୌଦ୍ଧ,୨୮ା୨: ବରଯାତ୍ରୀଙ୍କ ମଧ୍ୟରୁ କେତେଜଣ ଯୁବକଙ୍କ ଦୁର୍ବ୍ୟବହାର ପାଇଁ ଶେଷରେ ବନ୍ଧକ ରହିଲେ ବର। ଏଭଳି ଅଭିଯୋଗ ପାଇ ବୌଦ୍ଧ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚତ୍ ବରକୁ ଉଦ୍ଧାର କରିବା ଘଟଣା ଚର୍ଚ୍ଚାର ବିଷୟ ହୋଇଛି ।
ପୋଲିସ ସୂଚନା ଅନୁଯାୟୀ, ରବିବାର ବୌଦ୍ଧ ବ୍ଲକ ଅଧୀନ ବରଝୁଲି ଅଞ୍ଚଳର ଜଣେ ଯୁବକ ବିବାହ ପାଇଁ ବରଯାତ୍ରୀ ଗହଣରେ ହରଭଙ୍ଗା ବ୍ଲକର ମହିବାହାଲ ଗାଁକୁ ଯାଇଥିଲେ। ବିବାହ ଶୋଭାଯାତ୍ରା ସମୟରେ ବରଯାତ୍ରୀ ଦଳର କେତେଜଣ ଯୁବକ କନ୍ୟାଘର ଗାଁର କେତେଜଣ ଯୁବକଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଫଳରେ କନ୍ୟାଘର ଗାଁର ଯୁବକମାନେ ବରଯାତ୍ରୀ ଦଳର ସେହି ଯୁବକଙ୍କୁ ଖୋଜାଖୋଜି କରିଥିଲେ। ହେଲେ ସେମାନେ ଫେରାର ହୋଇଯାଇଥିବାରୁ ଯୁବକମାନେ ବରକୁ ବନ୍ଧକ ରଖିଥିଲେ। ବିବାହ ଶେଷ ହେବା ପରେ ମଧ୍ୟ ଯିବାକୁ ଦେଇ ନ ଥିଲେ। କନ୍ୟାଘର ପକ୍ଷରୁ ଅଭିଯୋଗ ପାଇ ବୌଦ୍ଧ ପୋଲିସ ଘଟଣାସ୍ଥଳରେ ପହଞ୍ଚତ୍ ବରକୁ ଉଦ୍ଧାର କରିଥିବା ଥାନା ଅଧିକାରୀ ତପସ୍ବିନୀ କହଁର ପ୍ରକାଶ କରିଛନ୍ତି ।
