ଦାରିଙ୍ଗବାଡି,୩୧।୮(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗିବାଡ଼ି ବ୍ଲକ ବ୍ରାହ୍ମଣୀଗାଁ ଋଷିମାଳ ଡିଗ୍ରୀ କଲେଜରେ ସୋମବାର ସୁପୋଷିତ ଓଡ଼ିଶା ମିଶନ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରକୁ କଲେଜର ଜାତୀୟ ସେବାଯୋଜନା (ଏନଏସଏସ) ଓ ସମନ୍ବିତ ଶିଶୁ ବିକାଶ ଯୋଜନା ପକ୍ଷରୁ ମିଳିତ ଆୟୋଜନ କରାଯାଇଥିଲା।
ଦାରିଙ୍ଗିବାଡ଼ି ଶିଶୁ ବିକାଶ ପ୍ରକଳ୍ପର ବ୍ଲକ ସୁପର ଭାଇଜର ତଥା ବାସନ୍ତୀ ଜେନା ଏବଂ ପ୍ରଭାତୀ ମଞ୍ଜରୀ ଦାସଙ୍କ ସମେତ ପୋଷଣ ସଂଯୋଜକ ଶଶୀ ଭୂଷଣ ନାୟକ ମୁଖ୍ୟ ପ୍ରଶିକ୍ଷକ ଭାବେ ଯୋଗଦେଇ ଛାତ୍ରୀମାନଙ୍କୁ ଶିଶୁଙ୍କ ଓଜନ ଓ ଉଚ୍ଚତା ମାପିବା ପ୍ରଣାଳୀ, ସଠିକ ପୋଷଣ ଏବଂ ବୟସ ଅନୁଯାୟୀ ପୋଷଣ ସମ୍ପର୍କିତ ତଥ୍ୟ ସଂଗ୍ରହ ବିଷୟରେ ପ୍ରଶିକ୍ଷଣ ଦେଇଥିଲେ। ଏଥିସହ ଇନଫଣ୍ଟମ ମିଟର ଓ ଷ୍ଟାଡ଼ି ମିଟର ଉପକରଣ ଜରିଆରେ ଜଣେ ଶିଶୁଙ୍କ ଓଜନ ଓ ଉଚ୍ଚତା ମାପିବାର ପ୍ରାୟୋଗିକ ଶିକ୍ଷI ପ୍ରଦର୍ଶନ କରାଯାଇଥିଲା।
ମହାବିଦ୍ୟାଳୟ ଅଧ୍ୟକ୍ଷ ଡାକ୍ତର ଭାସ୍କର ଚରଣ ନାୟକ ଓ ଏନଏସଏସ କାର୍ଯ୍ୟକ୍ରମ ଅଧିକାରୀ ଅକ୍ଷୟ କୁମାର ବେହେରାଦଳାଇ ,ଅଧ୍ୟାପକ ଇତିହାସ ବିଭାଗ ସମେତ ସମସ୍ତ ଅଧ୍ୟାପିକାଓ ଅଧ୍ୟାପକ ଉପସ୍ଥିତ ରହି ସହଯୋଗ କରିଥିଲେ। ପ୍ରଶିକ୍ଷଣ ଛାତ୍ରୀମାନଙ୍କ ମଧ୍ୟରେ ଶିଶୁ ପୋଷଣ ଓ ସ୍ବାସ୍ଥ୍ୟ ସମ୍ପର୍କରେ ସଚେତନତା ସହ ଏଲଇଡି ଟିଭି ମାଧ୍ୟମରେ ସୁପୋଷିତ ଆପ୍ଲିକେସନ ଜରିଆରେ ବିଭିନ୍ନ ଜାତୀୟ ସେବା ଯୋଜନାର ସ୍ବେଚ୍ଛାସେବୀ ମାନଙ୍କୁ ଶିଶୁର ବୟସ ଅନୁଯାୟୀ ସାର୍ଥକ ମାପ ପ୍ରଣାଳୀ ଏବଂ ପାଞ୍ଚ ଗୋଟି ମୂଲ୍ୟାଙ୍କନ ବିଷୟରେ ପ୍ରୟୋଗାତ୍ମକ ଶିକ୍ଷ୍ୟା ପ୍ରଦାନ କରାଯାଇଥିଲା।
Dharitri – Odisha’s No.1 Odia Daily
