ସଙ୍କଟରେ ବୁଣାକାରଙ୍କ ଜୀବିକା

ରସୁଲପୁର,୪ା୫(ଡି.ଏନ.ଏ.): ରସୁଲପୁର ବ୍ଲକ ଅନ୍ତର୍ଗତ ପ୍ରଥମାଖଣ୍ଡ ପଞ୍ଚାୟତ ଗୋପାଳପୁର ଗାଁରେ ୧୭ଟି ସମିତି ଅଧୀନରେ ଥିବା ୧୫୦୦ ବୁଣାକାର ପରିବାରର ଜୀବିକା ସଙ୍କଟ ଭିତରକୁ ଠେଲି ହୋଇଯାଉଛି। ଟସରକୋଷା ଅଭାବରୁ ୩ ହଜାରରୁ ଊର୍ଦ୍ଧ୍ୱ ତନ୍ତଶାଳା ଠପ୍‌ ହୋଇଯାଇଛି। ଟସର ବସ୍ତ୍ର ପାଇଁ ବ୍ୟବହୃତ କଞ୍ଚାମାଲ ଯୋଗାଉଥିବା ରାଜ୍ୟ ଟସର ଓ ରେଶମ ଶିଳ୍ପ ମହାସଂଘ(ସେରିଫେଡ୍‌) ସଂସ୍ଥା ବୁଣାକାରଙ୍କୁ କୋଷା ଯୋଗାଇବାରେ ବିଫଳ ହେଉଛି। ଏଭଳି ସ୍ଥିତି ପ୍ରାୟତଃ ମାସାଧିକ କାଳ ଲାଗି ରହିଛି। ଏଭଳି ସ୍ଥିତି ସମ୍ପର୍କରେ ବୁଣାକାର ସମିତିଗୁଡ଼ିକ ପକ୍ଷରୁ ବୟନଶିଳ୍ପ ନିର୍ଦ୍ଦେଶକଙ୍କୁ ଅବଗତ କରାଯାଇଛି। ମାତ୍ର ବୁଣାକାରଙ୍କ ସମସ୍ୟା ସମାଧାନରେ ବିଭାଗ ଟାଳଟୁଳନୀତି ଅବଲମ୍ବନ କରୁଥିବା ଅଭିଯୋଗ ହେଉଛି। ତେଣୁ ଦୀର୍ଘଦିନ ଅପେକ୍ଷା ପରେ ବିଭିନ୍ନ ଦାବି ନେଇ ବୁଣାକାର ସମିତି, ବୁଣାକାର ସମ୍ପ୍ରଦାୟ ଆନ୍ଦୋଳନକୁ ଓହ୍ଲାଇବାକୁ ସଜବାଜ ହେଉଛନ୍ତି। ପୁଣି ଥରେ ବୁଣାକାରଙ୍କ ଭୁବନେଶ୍ୱର ଚାଲ ଅଭିଯାନ ଆରମ୍ଭ ହେବା ସମ୍ଭାବନାକୁ ଏଡ଼ାଇ ଦିଆଯାଇ ନ ପାରେ ବୋଲି କୁହାଯାଉଛି।
ବୁଣକାର ସମିତି, ସ୍ବୟଂସହାୟିକା ଗୋଷ୍ଠୀ, ମାଷ୍ଟର ବୁଣାକାର ଓ ସର୍ବୋପରି ବୁଣାକାର ସମ୍ମୁଖୀନ ହେଉଥିବା ୭ଦଫା ଦାବି ସମ୍ପର୍କରେ ବୟନଶିଳ୍ପ, ହସ୍ତତନ୍ତ ଓ ହସ୍ତଶିଳ୍ପ ବିଭାଗ ନିର୍ଦ୍ଦେଶକଙ୍କ ନିକଟରେ ଅଭିଯୋଗ ହୋଇଆସୁଛି। ବୁଣାକାର ଓ ବିଭିନ୍ନ ଅନୁଷ୍ଠାନ ପକ୍ଷରୁ କରାଯାଇଥିବା ଦାବି ମୁତାବକ, ୨୦୨୨ରେ ବୁଣାକାରଙ୍କୁ ସେରିଫେଡ୍‌ ପକ୍ଷରୁ ଟସରବସ୍ତ୍ର ପାଇଁ କଞ୍ଚାମାଲ ଭାବେ କୋଷା ପ୍ରଦାନ କରାଯାଇଥିଲା। ଉକ୍ତ କୋଷାଗୁଡ଼ିକ ବୁଣାକାରମାନେ ବର୍ଷ ଶେଷସୁଦ୍ଧା ସାରି ଦେଇଥିଲେ। ଏହାରି ଭିତରେ ୪ ମାସ ବିତିସାରିଲାଣି। ହେଲେ ଏଯାଏ ୨୦୨୩-୨୪ ବର୍ଷ ପାଇଁ ଟସର କୋଷା ଉପଲବ୍ଧ ହୋଇନାହିଁ। ଟସରକୋଷାର ଉପତ୍ାଦନ ହ୍ରାସ ପାଇଥିବାରୁ କଞ୍ଚାମାଲାର ଦର ଅହେତୁକ ବୃଦ୍ଧି ଘଟିଛି। ବର୍ଦ୍ଧିତ ମୂଲ୍ୟକୁ ନିୟନ୍ତ୍ରଣ ଲଗାଇବା ସହ ଟସର ଚାଷୀ ଓ ବୁଣାକରଙ୍କ ସ୍ବାର୍ଥକୁ ଦୃଷ୍ଟିରେ ରଖି କଞ୍ଚାମାଲର ଦର ଧାର୍ଯ୍ୟ କରିବାକୁ ବିଭାଗକୁ ନିବେଦନ କରାଯାଇଛି। କେନ୍ଦ୍ର ସରକାରଙ୍କ ଅନୁଦାନରେ ୨୦୧୮-୧୯ ଆର୍ଥତ୍କ ବର୍ଷରେ ବ୍ଲକସ୍ତରୀୟ କ୍ଲଷ୍ଟରଗୁଡ଼ିକ ଜରିଆରେ ବୁଣାକାର ପରିବାରକୁ ସୌରବତୀ (ସୋଲାର ଲାଇଟ୍‌) ପ୍ରଦାନ କରାଯାଇଥିଲା। ଉକ୍ତ ସୌରବତୀଗୁଡ଼ିକ ଉପରେ ୧ ବର୍ଷ ଗ୍ୟାରେଣ୍ଟି ଦିଆଯାଇଥିଲା। ଏମିତିରେ ୪ବର୍ଷ ମଧ୍ୟରେ ଅଧିକାଂଶ କ୍ଲଷ୍ଟରରେ ସୋଲାର ଲାଇଟ୍‌ଗୁଡ଼ିକ ଅଚଳ ହୋଇଗଲାଣି। ଏସବକୁ ରାଜ୍ୟ ବୟନ ଜ୍ୟୋତି ଯୋଜନାରୁ ବାଦ ଦିଆଯାଇଛି। ତେଣୁ ଉକ୍ତ ନିୟମରେ ପରିବର୍ତ୍ତନ ଅଣାଯାଇ କ୍ଲଷ୍ଟରଗୁଡ଼ିକୁ ରାଜ୍ୟ ସରକାରଙ୍କ ଯୋଜନାରେ ସାମିଲ କରାଯାଇ ସୁବିଧା ପ୍ରଦାନ କରିବା ଦିଗରେ ଗୁରୁତ୍ୱାରୋପ କରାଯିବାକୁ ଦାବି କରାଯାଇଛି।
ରାଜ୍ୟ ସରକାରଙ୍କ ବଳିଆ ଯୋଜନାରେ ବୁଣାକାରଙ୍କୁ ଋଣ ପ୍ରଦାନ ଲକ୍ଷ୍ୟ ଧାର୍ଯ୍ୟ କରାଯାଇଛି। ମାତ୍ର ଋଣ ପ୍ରଦାନ ସର୍ତ୍ତାବଳୀ ଓ ନିୟମାବଳୀଗୁଡ଼ିକ ସରଳୀକରଣ କରିବାକୁ ଦାବି ହୋଇଛି। ବରିଷ୍ଠ ବୁଣାକାର ସହାୟତା ଯୋଜନାରେ ବୁଣାକାରଙ୍କ ପାଇଁ ଉଦ୍ଦିଷ୍ଟ ବୟସସୀମାକୁ କୋହଳ କରାଯାଇ କଳାକାର ଭତ୍ତା ରାଶି ବୁଣାକାର ଭତ୍ତାରାଶିକୁ ସମତୁଲ କରିବା, ବୁଣାକାର କର୍ମଶାଳା ଯୋଜନାକୁ ନେଇ ସ୍ବତନ୍ତ୍ର ବ୍ୟବସ୍ଥା, ଯେଉଁ ବୁଣାକାରଙ୍କ କର୍ମଶାଳା ପାଇଁ ଜମି ଉପଲବ୍ଧ ନ ଥିବ ସେମାନଙ୍କୁ ବାସଗୃହରେ କର୍ମଶାଳା ନିର୍ମାଣ ଅନୁମତି ପ୍ରଦାନ, ସମିତିଗୁଡ଼ିକ ପକ୍ଷରୁ କ୍ରୟ କରାଯାଉ ଥିବା ଲୁଗା ଓ ଟସରବସ୍ତ୍ରର ଦେୟକୁ ୧୫ଦିନ ମଧ୍ୟରେ ପୈଠ, ବୟନିକା ପକ୍ଷରୁ ଏକ ବୃହତ ସୂତା ଓ ବସ୍ତ୍ର ବ୍ୟାଙ୍କ ସ୍ଥାପନ ପାଇଁ ଦାବି କରାଯାଇଛି। ସେହିପରି ଗୋପାଳପୁର ଅଞ୍ଚଳରେ ଏକ ଇଏସ୍‌ଆଇ ହସ୍ପିଟାଲ ସ୍ଥାପନ ଭଳି ଅନେକ ଦାବିକୁ ବୁଣାକାରମାନେ ବିଭାଗର ଦୃଷ୍ଟି ଆକର୍ଷଣ କରିଆସୁଛନ୍ତି। ହେଲେ ଦାବିଗୁଡ଼ିକୁ ବିଭାଗ ପକ୍ଷରୁ ଅଣଦେଖା କରାଯାଉଥିବାରୁ ବୁଣାକାରଙ୍କ ସମସ୍ୟା ସମାଧାନ ହୋଇପାରୁନାହିଁ। ବିଭିନ୍ନ ଚାପରେ ଚେପା ହୋଇ ବୁଣାକାର କୌଳିକ ବୃତ୍ତି ପରିତ୍ୟାଗ କରିବାକୁ ବାଧ୍ୟ ହେଉଛନ୍ତି ବୋଲି ବୁଣାକାର ନେତା ଗୋବିନ୍ଦ ଚନ୍ଦ୍ର ଦାସ, ପ୍ରତିମା ଗୁଇଁ, ନିରୁପମା ଦାସ, ପ୍ରାଣକୃଷ୍ଣ ଦତ୍ତ, ସୁରେନ୍ଦ୍ର ଦାସ, ଅନ୍ତର୍ଯ୍ୟାମୀ ଦତ୍ତ, ଅଶୋକ କୁମାର ଗୁଇଁ ଓ ରମେଶ ଦାସ ପ୍ରମୁଖ ପ୍ରତିକ୍ରିୟାରେ କହିଛନ୍ତି।
ପ୍ରକାଶଥାଉ କି, ଗତ ମାସରେ ସେରିଫେଡ୍‌ ଓ ଉତ୍କଳିକାର ପରିଚାଳନା ନିର୍ଦ୍ଦେଶକ ସରୋଜ କୁମାର ପଟେଲ ଓ କଟକ ବୟନ ମଣ୍ଡଳ ଉପନିର୍ଦ୍ଦେଶକ ଆଶୁତୋଷ ମହାନ୍ତି ଗୋପାଳପୁର ଗାଁକୁ ଆସି ବୁଣାକାରଙ୍କ ସ୍ଥିତି ପରଖିଥିଲେ। ଏହି ସମୟରେ ଟସରକୋଷା ପ୍ରଦାନ ପାଇଁ ପ୍ରତିଶ୍ରୁତି ଦେଇଥିଲେ। ହେଲେ ଏଯାଏ ବୁଣାକାରଙ୍କ ପାଖରେ ଟସରକୋଷା ପହଞ୍ଚତ୍ ପାରିନାହିଁ। ଅନ୍ୟପକ୍ଷରେ ସୁକିନ୍ଦା ଅଞ୍ଚଳରୁ ଉପତ୍ାଦିତ ଟସର କୋଷାକୁ ସେରିଫେଡ ପକ୍ଷରୁ ସଂଗ୍ରହ କରାଯାଇଛି। ତାହାକୁ ଗୋପାଳପୁର ଅଞ୍ଚଳ ବୁଣାକାରଙ୍କୁ ଯୋଗାଇ ଦିଆଯିବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି। ଏବେ ଦେଖିବାକୁ ଅପେକ୍ଷା ବୁଣାକାରଙ୍କୁ କେବେ ଟସର କୋଷା ପ୍ରଦାନ କରାଯାଉଛି।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?