ପରିବେଶ ପ୍ରଦୂଷଣ ବହୁ ପରିମାଣରେ ବଢ଼ିଗଲାଣି। ମୁଁ ଯଦି ସଚେତନ ନ ହେବି, ମୁଁ ମରିବି, ମୋ ଆଖପାଖ ଲୋକମାନେ ମଧ୍ୟ ମରିବେ। ଏବେ ଡରିବାର ସମୟ ଆସିଗଲାଣି। ପରିବେଶ ପ୍ରଦୂଷଣ ପାଇଁ ଆମକୁ ପ୍ରତିବର୍ଷ ବନ୍ୟା, ବାତ୍ୟା ଭଳି ସମସ୍ୟାର ସମ୍ମୁଖୀନ ହେବାକୁ ପଡ଼ୁଛି। ଲୋକେ ଡରିଲେ ହିଁ ସଚେତନ ହେବେ। ଆମକୁ ଜେନ୍-ଜି ନୁହେଁ, ଜେନ୍-ସି (ଜେନେରେଶନ କ୍ଲାଇମେଟ୍) ହେବାକୁ ପଡ଼ିବ। ପରିବେଶର ଗୁରୁତ୍ୱ, ସୁରକ୍ଷା ପ୍ରତି ଧ୍ୟାନ ଦେବାକୁ ହେବ। ଉଲ୍ଲଂଘନକାରୀଙ୍କୁ ସ୍ବତନ୍ତ୍ର ଦଣ୍ଡ ଦିଆଗଲେ, ପରିବେଶ ସୁରକ୍ଷା ପାଇଁ ସଚେତନ ରହି କାର୍ଯ୍ୟ କରିବେ।
କୁନା ତ୍ରିପାଠୀ, ଅଭିନେତା
ଟ୍ରାଫିକ ପୋଷ୍ଟରେ ଗାଡ଼ି ବନ୍ଦ କରନ୍ତୁ
ଛୋଟ ଛୁଆଙ୍କଠାରୁ ପରିବେଶ ସୁରକ୍ଷାର ବାର୍ତ୍ତା ଆରମ୍ଭ କରିବା। ବ୍ୟବହାର କରୁଥିବା ଜରିକୁ ଏଣେତେଣେ ନ ପକାଇ ଡଷ୍ଟବିନ ବ୍ୟବହାର କରନ୍ତୁ। ଗାଡ଼ିରୁ ବାହାରୁ ଥିବା ଧୂଆଁ ପରିବେଶକୁ ବେଶି ପ୍ରଦୂଷିତ କରୁଛି। ତେଣୁ ବିଶେଷକରି ଟ୍ରାଫିକ ପୋଷ୍ଟରେ ଗାଡିକୁ ଷ୍ଟାର୍ଟରେ ନ ରଖି ବନ୍ଦ କରିଦିଅନ୍ତୁ। ଏବେଠାରୁ ଛୋଟ ପିଲାଙ୍କୁ ପରିବେଶ ପ୍ରତି ସଚେତନ କରନ୍ତୁ। ବହୁ ଲୋକ ପରିବେଶ ପ୍ରଦୂଷଣ ଓ ଏଥିଜନିତ ବିପଦ ସମ୍ପର୍କରେ ବେଶିକିଛି ଜାଣିନାହାନ୍ତି। ସେମାନଙ୍କୁ ସଚେତନ କରିବା ଜରୁରୀ।
ଐଶ୍ୱର୍ଯ୍ୟା ବେହେରା, ଅଭିନେତ୍ରୀ
୧୦ ବର୍ଷ ପରେ ପୃଥିବୀ ଆହୁରି ସବୁଜମୟ ହେବ
ବର୍ତ୍ତମାନ ଆମେ ଟେକ୍ନୋଲୋଜି ଉପରେ ବହୁ ନିର୍ଭରଶୀଳ ହୋଇଯାଇଛୁ। ଗାଡି ଚଲେଇବାଠାରୁ ଆରମ୍ଭ କରି ଏଆଇ ପର୍ଯ୍ୟନ୍ତ, ସବୁକିଛି ଆମ ପାଇଁ ଗୁରୁତ୍ୱପୂର୍ଣ୍ଣ ହୋଇପଡିଛି। ଫଳରେ ଧୂଅଁା ଛାଡିବା, ଖଣି ଖୋଳିବା, ଅଳିଆ ଏଣେତେଣେ ପକାଇବା ଦ୍ୱାରା ପ୍ରଦୂଷଣ ବଢ଼ୁଛି। ଏହାସତ୍ତ୍ୱେ ଏବେ ଲୋକେ ସଚେତନ ହେଲେଣି। ପରିବେଶ ସୁରକ୍ଷା ପାଇଁ ଯୁବପିଢ଼ିମାନେ ଚିନ୍ତା କଲେଣି। ମାଟି ମାଆ ଓ ପରିବେଶର ସୁରକ୍ଷା ବାର୍ତ୍ତା ଲୋକଙ୍କ ପାଖରେ ପହଞ୍ଚତ୍ବା ଆରମ୍ଭ ହେଲାଣି। ଲୋକେ ସଚେତନ ହୋଇ କାମ କଲେ ୧୦ ବର୍ଷ ପରେ ଆମ ପୃଥିବୀ ଆହୁରି ସବୁଜମୟ ହେବ ବୋଲି ଆଶା ରହିଛି।
ଶୁଭମ ବେହେରା, ଆଙ୍କର
ପରିବେଶ ସୁରକ୍ଷା ପାଇଁ ସମସ୍ତଙ୍କ ପ୍ରୟାସ ଜରୁରୀ
ପରିବେଶ ପ୍ରଦୂଷଣ ରୋକିବାକୁ ହେଲେ ସମସ୍ତ ପ୍ରୟାସ ଜରୁରୀ। ଏଥିପାଇଁ ନିଜକୁ ପରିବର୍ତ୍ତନ କରିବା ଦରକାର। କେବଳ ସରକାର ଚାହିଁଲେ ହେବନି, ଆମ ସମସ୍ତଙ୍କୁ ସହଯୋଗ କରିବାକୁ ପଡ଼ିବ। ଛୋଟ ଛୋଟ ଚେଷ୍ଟା ହିଁ ପରିବେଶକୁ ସୁରକ୍ଷା ଦେବ। ଗଛ ଲଗାଇବା, କୃତ୍ରିମ ଜଙ୍ଗଲ ତିଆରି କରିବା ସହିତ ତା’ର ଯତ୍ନ ନେବା। ରାଜ୍ୟରେ ପ୍ରଦୂଷଣ ହାର ବଢ଼ିବାରେ ଲାଗିଛି। ସମସ୍ତଙ୍କ ଚେଷ୍ଟା ଓ ପ୍ରୟାସ ରହିଲେ ହିଁ ପରିବେଶ ପ୍ରଦୂଷଣ ରୋକିପାରିବା। ଆମର ଭବିଷ୍ୟତ ପିଢ଼ି ସୁରକ୍ଷିତ ରହିପାରିବେ।
ଦେବ ମହାନ୍ତି, ଅଭିନେତା
Dharitri – Odisha’s No.1 Odia Daily
