ଦିଗପହଣ୍ଡି,୧୨ା୯(ଡି.ଏନ.ଏ.): ଲଘୁଚାପ ଜନିତ ଲଗାଣ ବର୍ଷାରେ ଦିଗପହଣ୍ଡି ବ୍ଲକ ସି.ଏଚ୍ ଟିକରପଡା ଗ୍ରାମର ଗଣିଆସାହି ବାସିନ୍ଦା ଗତ ତିନିଦିନ ହେଲା ଜଳବନ୍ଦୀରେ କାଳାତିପାତ କରୁଛନ୍ତି। ସାହି ମଝିରେ ତିନିଫୁଟ ଉଚ୍ଚର ପାଣି ଲହଡି ମାରୁଛି। ଜଳ ନିଷ୍କାସନ ପାଇଁ କୌଣସି ବିକଳ୍ପ ବ୍ୟବସ୍ଥା ନଥିବାରୁ ସାହି ଲୋକମାନେ ନାହଁିନଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ଏହା ସହିତ ସାହିର ୭ ପରିବାରଙ୍କ ଗୁହାଳ ଘର ଭୁଶୁଡି ପଡିଛି। ଗଣିଆ ସାହିର ବହୁ ବର୍ଷ ହେଲା ଏଭଳି ଅବସ୍ଥା ଉପୁଜିଛି। ସାମାନ୍ୟ ବର୍ଷା ହେଲେ ଲୋକମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି। ଏ ସମ୍ପର୍କରେ ସରପଞ୍ଚଙ୍କ ଠାରୁ ବିଧାୟକ, ଏମ୍ପିଙ୍କୁ ଘଟଣା ସମ୍ପର୍କରେ ଜଣାଇଥିଲେ କୌଣସି ସୁଫଳ ମିଳୁନାହିଁ। ଫଳରେ ସାମାନ୍ୟ ବର୍ଷା ହେଲେ ଗଣିଆସାହି ଲୋକମାନେ ଅଭିଶପ୍ତ ଜୀବନଯାପନ କରୁଛନ୍ତି ବୋଲି ଅଭିଯୋଗ କରିଛନ୍ତି। ଅଭିଯୋଗ ପାଇ ଦିଗପହଣ୍ଡି ତହସିଲଦାର ସିପକ୍ କୁମାର ପାତ୍ର ଘଟଣା ସ୍ଥଳକୁ ଯାଇ ସାମ୍ପ୍ରତିକ ସ୍ଥିତି ସମ୍ପର୍କରେ ଅନୁଧ୍ୟାନ କରିଥିଲେ। ଏଭଳି ଅବସ୍ଥା ସମ୍ପର୍କରେ ସାହି ଲୋକମାନଙ୍କ ସହିତ ଆଲୋଚନା କରିଥିଲେ। ସାହିର ଜଳ ନିଷ୍କାସନ ପାଇଁ ୧୦ ଲକ୍ଷ ଟଙ୍କାର ଡ୍ରେନେଜ୍ ନିର୍ମାଣ ପାଇଁ ମଞ୍ଜୁର ହୋଇ ରହିଛି, କିନ୍ତୁ କେତେକ ସାହି ବାସିନ୍ଦାଙ୍କ ରହିତ ଜମି ଅଧିଗ୍ରହଣ ପାଇଁ ରାଜି ହୋଇନଥିବାରୁ ଏହାର ସ୍ଥାୟୀ ସମାଧାନ ଦିଗରେ ପ୍ରତିବନ୍ଧକ ସାଜିଛି ବୋଲି ତହସି୍ଲଦାର କହିବା ସହିତ ସ୍ଥାନୀୟ ସରପଞ୍ଚଙ୍କ ସହିତ ଆଲୋଚନା କରି ଏ ଦିଗରେ ବିହିତ ପଦକ୍ଷେପ ନେବାକୁ ତହସି୍ଲଦାର କହିଛନ୍ତି। ଏହି ପଞ୍ଚାୟତର ବଜ୍ରଗୁମ୍ମା ଗଁା ଲୋକ ଅତ୍ୟନ୍ତ ଭୟଭିତ ଆବସ୍ଥାରେ ରହିଛନ୍ତି। ଗଁା ପାର୍ଶ୍ୱ ଦେଇ ବାହୁଦା ନଦୀ ପ୍ରଭାବିତ ହେଉଛି। ଫଳରେ ବଜ୍ରଗୁମ୍ମା ଓ ଜଗଦଳପୁର ଗ୍ରାମକୁ ସଂଯୋଗ ହୋଇଥିବା ରାସ୍ତା ନଦୀ ଗର୍ଭରେ ବିଲିନ ହେବାକୁ ବସିଛି। ବାହୁଦା ନଦୀ ତାର ଗତିପଥ ବଦଳାଇ ବନ୍ୟାଜଳ ପ୍ରଭାବିତ ହୋଇଥିବା ଯୋଗୁ ବଜ୍ରଗୁମ୍ମା ଗ୍ରାମର ଅନେକ ଚାଷୀଙ୍କ ଏକର ଏକର ପନିପରିବା ଫସଲ ନଷ୍ଟ ହୋଇଛି। ଏ ସମ୍ପର୍କିତ ଏକ ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହେଉଛି। ସ୍ଥାନୀୟ ବିଧାୟକ, ଏମ୍ପି, ଜିଲାପାଳ, ତହସି୍ଲଦାର ଘଟଣା ସ୍ଥଳକୁ ଯାଇ ବଜ୍ରଗୁମ୍ମା ଗଁା ଲୋକ କିଭଳି ରହିଛନ୍ତି ସେ ସମ୍ପର୍କରେ ଜାଣିବାକୁ ଗ୍ରାମର ଅନୀଲ୍ କୁମାର ମିଶ୍ର ନିବେଦନ କରିଛନ୍ତି।
