କାର୍ଯ୍ୟାଳୟ ପାଇଁ ସତର୍କ, ଅନ୍ୟ ଅଞ୍ଚଳ ଚିନ୍ତାନାହିଁ

ଅନୁଗୋଳ ଅଫିସ୍‌, ୨୪ା୭
ମହାମାରୀ କରୋନା ଅନୁଗୋଳରେ କାୟା ମେଲାଇ ଚାଲିଛି। ଦିନକୁ ଦିନ ପଜିଟିଭ୍‌ ସଂଖ୍ୟାରେ ବୃଦ୍ଧି ପରିଲକ୍ଷିତ ହେଉଛି। ପୂର୍ବରୁ ପ୍ରବାସୀ ଶ୍ରମିକଙ୍କ ଦେହରେ ଏହି ଭୂତାଣୁ ଚିହ୍ନଟ ହେଉଥିବା ବେଳେ କିଛିଦିନ ହେଲା ଶିଳ୍ପ ସଂସ୍ଥା ଲିଙ୍କ୍‌ ପ୍ରଶାସନ ଓ ଜିଲାବାସୀଙ୍କ ଚିନ୍ତା ବଢ଼ାଇ ଦେଇଛି। ଏପରି ଅବସ୍ଥାରେ ପ୍ରଶାସନର ସାନିଟାଇଜ୍‌ ପ୍ରକ୍ରିୟାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ସରକାରୀ ଅଫିସର କିମ୍ବା କର୍ମଚାରୀ ସଂକ୍ରମିତ ହେଲେ ଉକ୍ତ କାର୍ଯ୍ୟାଳୟକୁ ତୁରନ୍ତ ବିଶୋଧନ କରାଯାଉଥିବା ବେଳେ ସହର କିମ୍ବା ଗ୍ରାମାଞ୍ଚଳ କ୍ଷେତ୍ରରେ ସେପରି ତତ୍ପରତା ପ୍ରକାଶ ପାଉ ନ ଥିବା ନେଇ ଅଭିଯୋଗ ବଢ଼ିବାରେ ଲାଗିଛି।
ସହରବାସୀଙ୍କ କହିବା ଅନୁଯାୟୀ, ନିକଟରେ ହେମସୁରପଡ଼ାର ଏକ ଦମ୍ପତିଙ୍କ ରିପୋର୍ଟ ପଜିଟିଭ୍‌ ଆସିଥିଲା। ସେମାନେ ଅଞ୍ଚଳର ବିଭିନ୍ନ ସ୍ଥାନରେ ବୁଲାବୁଲି କରି ବହୁ ଲୋକଙ୍କ ସହ ମିଳାମିଶା କରିଥିଲେ। ତେଣୁ ଦୁହେଁ ସଂକ୍ରମିତ ବୋଲି ପ୍ରଶାସନ ଜାଣିବା ପରେ ଉକ୍ତ ଅଞ୍ଚଳକୁ ଶୀଘ୍ର ବିଶୋଧନ କରିବା ଦିଗରେ ପଦକ୍ଷେପ ନେବା କଥା। କିନ୍ତୁ ସେପରି କିଛି ହୋଇ ନ ଥିବା ସାହିବାସୀ ଅଭିଯୋଗ ଆଣିଛନ୍ତି। କେବଳ ଏହି ଗୋଟିଏ ଅଞ୍ଚଳ ନୁହେଁ, ଅନୁଗୋଳ ସହରର ଅମଲାପଡ଼ା, ଗୁଜୁରାତିପଡ଼ା, କଣିହଁା ବ୍ଲକର ସାନତିବ୍ରିଡା, ଅର୍କିଳ ପଞ୍ଚାୟତ, ଛେଣ୍ଡିପଦା ବ୍ଲକର ଛେଣ୍ଡିପଦା, ମାଛକୁଟା, ବଅଁରପାଳ ବ୍ଲକର ନାଲ୍‌କୋ ପେରିଫେରି ଅଞ୍ଚଳ ଏବଂ ଆଠମଲ୍ଲିକ ବ୍ଲକର ପାଇକସାହି, ଠାକୁରଗଡ଼ ପଞ୍ଚାୟତ ଅଞ୍ଚଳରେ ସଂକ୍ରମିତଙ୍କ ଚିହ୍ନଟ ପରେ ମଧ୍ୟ ପ୍ରଶାସନ ପକ୍ଷରୁ ସାନିଟାଇଜ୍‌ ଦିଗରେ ସେପରି ତତ୍ପରତା ଦେଖାଯାଇ ନ ଥିବା ଅଭିଯୋଗ ହେଉଛି। ଫଳରେ ସ୍ଥାନୀୟ ଲୋକେ ସଂକ୍ରମଣ ଆଶଙ୍କା ମଧ୍ୟରେ ରହୁଛନ୍ତି। କିନ୍ତୁ ସରକାରୀ କର୍ମଚାରୀ କମ୍ବା ଅଧିକାରୀଙ୍କ ରିପୋର୍ଟ ପଜିଟିଭ୍‌ ଆସିବା ପରେ ଉକ୍ତ କାର୍ଯ୍ୟାଳୟ ବିଶୋଧନ ଦିଗରେ ପ୍ରଶାସନ ବେଶ୍‌ ବ୍ୟସ୍ତତା ପ୍ରକାଶ କରୁଥିବା ଚର୍ଚ୍ଚା ହେଉଛି। ଅନୁଗୋଳର ଜଣେ ଅଗ୍ନିଶମ ଅଧିକାରୀ କହିଛନ୍ତି, ପ୍ରଶାସନ ପକ୍ଷରୁ ଦିଆଯାଉଥିବା ନିର୍ଦ୍ଦେଶ ଅନୁସାରେ ସାନିଟାଇଜ୍‌ କାର୍ଯ୍ୟ କରାଯାଇଛି। ତେବେ ଅଭିଯୋଗ ସମ୍ପର୍କରେ ଜିଲାପାଳ ମନୋଜ କୁମାର ମହାନ୍ତିଙ୍କ ମତାମତ ମିଳିପାରି ନାହିଁ।
ଆତଙ୍କିତ ନ କରି
ଚାପମୁକ୍ତ କର
ଅନୁଗୋଳରେ ସଂକ୍ରମଣ ବଢ଼ୁଛି। ପଜିଟିଭ୍‌ ରିପୋର୍ଟ ଆସିବା ପରେ ପ୍ରଶାସନ ସଂକ୍ରମିତଙ୍କୁ ତୁରନ୍ତ ହସ୍ପିଟାଲକୁ ପଠାଉଥିଲେ ବି ଅଞ୍ଚଳର ବିଶୋଧନ ଉପରେ ସେତେଟା ଗୁରୁତ୍ୱ ଦେଉନାହିଁ। ଫଳରେ ସାଧାରଣରେ ଭୟ ସୃଷ୍ଟି ହେଉଛି। ତେଣୁ ଲୋକଙ୍କୁ ଆଶ୍ୱସ୍ତ ତଥା ସଂକ୍ରମଣରୁ ରକ୍ଷା କରିବା ପାଇଁ ଉକ୍ତ ଅଞ୍ଚଳକୁ ସାନିଟାଇଜ୍‌ ପାଇଁ ଶୀଘ୍ର ପଦକ୍ଷେପ ନିଆଯାଉ।
-ପ୍ରତାପ ଚନ୍ଦ୍ର ପ୍ରଧାନ, ଭାଜପା ନେତା, ଅନୁଗୋଳ
ଜିଲାପାଳଙ୍କୁ ଅବଗତ କରାଯିବ
ଯଦି ପ୍ରଶାସନ ପକ୍ଷରୁ ସଂକ୍ରମଣ ଚିହ୍ନଟ ଅଞ୍ଚଳ ସାନିଟାଇଜ୍‌ ପାଇଁ ତ୍ୱରିତ ପଦକ୍ଷେପ ନିଆଯାଉ ନ ଥିବ ତା’ହେଲେ ଏହା ଚିନ୍ତାଜନକ। ଏ ନେଇ ଜିଲାପାଳଙ୍କୁ ଅବଗତ କରାଯିବ। ସେହିପରି ସରପଞ୍ଚମାନେ ଜିଲାପାଳ କ୍ଷମତା ପାଇଥିବାରୁ ସେମାନେ ସାନିଟାଇଜ୍‌ ଦିଗରେ ଦୃଷ୍ଟି ଦେଲେ ଭଲ ହେବ।
-ମହେନ୍ଦ୍ର ବସ୍ତିଆ, ଜିଲା ବିଜେଡି ସଭାପତି, ଅନୁଗୋଳ
ଶିଳ୍ପ ସଂସ୍ଥାକୁ ନିର୍ଦ୍ଦେଶ ଦିଆଯାଉ
ଅନୁଗୋଳ ଜିଲା ପାଇଁ ଅର୍ଥର ଅଭାବ ନାହିଁ। ବିଭିନ୍ନ ଅଞ୍ଚଳ ବିଶୋଧନ କରିବାରେ ଯଦି ଅର୍ଥ ବାଧକ ସାଜୁଛି ତା’ହେଲେ ଶିଳ୍ପ ସଂସ୍ଥାଗୁଡ଼ିକକୁ ନିର୍ଦ୍ଦେଶ ଦିଆଯାଇପାରିବ। କିନ୍ତୁ ସହରଠାରୁ ଗ୍ରାମାଞ୍ଚଳ ପର୍ଯ୍ୟନ୍ତ ସଂକ୍ରମିତ ବାହାରୁଥିବା ଅଞ୍ଚଳ ସାନିଟାଇଜ୍‌ କରିବାକୁ ପ୍ରଶାସନ କାହିଁକି ଶିଳ୍ପସଂସ୍ଥାର ସହଯୋଗ ନେଉନାହିଁ ତାହା ବୁଝାପଡ଼ୁନି।
-ବିପ୍ଳବ ଜେନା, ଜିଲା କଂଗ୍ରେସ ସଭାପତି, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଗ୍ୟାସ୍‌ ଲିକ୍‌ରୁ ଅଗ୍ନିକାଣ୍ଡ

ଚିକିଟି,୧୯ା୧୧(ଡି.ଏନ୍‌.ଏ.)- ଚିକିଟି ବ୍ଲକ ଗିରିସୋଲା ପଞ୍ଚାୟତ କୃଷ୍ଣନଗର ଗ୍ରାମରେ ସୋମବାର ଗ୍ୟାସ ଲିକ୍‌ରୁ ଅଗ୍ନିକାଣ୍ଡ ଘଟି ୨ ଲକ୍ଷରୁ ଉର୍ଦ୍ଧ୍ୱ ଟଙ୍କାର ସମ୍ପତ୍ତି ପୋଡି ପାଉଁଶ...

ମଜୁରିଆଙ୍କ ସମସ୍ୟା ନେଇ ଜିଲାପାଳଙ୍କୁ ଭେଟିଲେ ଅରିନ୍ଦମ୍‌

କଟକ ଅଫିସ,୨୭ା୪: ଲକ୍‌ଡାଉନ ସମୟରେ ଆର୍ଥିକ ସମସ୍ୟାରେ ଘାଣ୍ଟି ହେଉଛନ୍ତି ମଜୁରିଆ ଶ୍ରେଣୀର ଲୋକେ। ସେମାନଙ୍କର ରୋଜଗାର ନ ଥିବାରୁ ଆର୍ଥିକ ମେରୁଦଣ୍ଡ ଦୁର୍ବଳ ହୋଇଗଲାଣି।...

ଛତ୍ରପୁର ବ୍ଲକ ଅଧ୍ୟକ୍ଷଙ୍କୁ କରୋନା :କଳ୍ପବାସୀ ନଗରକୁ କଣ୍ଟେନମେଣ୍ଟ ଜୋନ ଘୋଷଣା

ଛତ୍ରପୁର,୩୦।୬(ଡି.ଏନ୍‌.ଏ.): ଗଞ୍ଜାମ ଜିଲା ଛତ୍ରପୁର ବ୍ଲକ ଅଧ୍ୟକ୍ଷ କରୋନାରେ ଆକ୍ରାନ୍ତ ହୋଇଛନ୍ତି। ଅପରପକ୍ଷରେ ଏନ୍‌ଏସିର ୱାର୍ଡ ନମ୍ବର ୧୨ର କଳ୍ପବାସୀ ନଗରରେ ଜଣେ କରୋନା ପଜିଟିଭ...

ଅନ୍‌ୱାର ଖାନ୍‌ଙ୍କୁ ତଟରକ୍ଷକ ସାହସିକତା ପଦକ:ପ୍ରଥମ ଓଡ଼ିଆ ଭାବେ ମିଳିଲା ସମ୍ମାନ

ଭୁବନେଶ୍ୱର, ୨୫-୯(ବ୍ୟୁରୋ):କୋଷ୍ଟ ଗାର୍ଡର ଡିଆଇଜି ଅନ୍‌ୱାର ଖାନ୍‌ଙ୍କୁ ତଟରକ୍ଷକ ସାହସିକତା ପଦକ ପ୍ରଦାନ କରାଯାଇଛି। ଏହି ପଦକ ପାଇବାରେ ସେ ପ୍ରଥମ ଓଡ଼ିଆ ଅଫିସର। ମଙ୍ଗଳବାର...

ଷ୍ଟିଚ୍‌ ବେଳେ ରହିଗଲା ଛୁଞ୍ଚି

କେନ୍ଦ୍ରାପଡା ଅଫିସ, ୧୮ା୭: ଏକ ଅଭାବନୀୟ ଘଟଣା ପାଇଁ ଚର୍ଚ୍ଚାକୁ ଆସିଛି କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟ। ପ୍ରସୂତିକାଳୀନ ଷ୍ଟିଚ୍‌ ପରେ ମହିଳାଙ୍କ ଗୋପନୀୟ ଅଙ୍ଗରେ...

ହାଇକୋର୍ଟ ମୁଖ୍ୟ ବିଚାରପତି ପାଇଁ ଜଷ୍ଟିସ୍‌ ମହମ୍ମଦ ରଫିକ୍‌ଙ୍କ ନାମ ସୁପାରିଶ

କଟକ ଅଫିସ,୧୯।୪- ମେଘାଳୟ ହାଇକୋର୍ଟ ମୁଖ୍ୟ ବିଚାରପତି ଜଷ୍ଟିସ ମହମ୍ମଦ ରଫିକ ଓଡ଼ିଶା ହାଇକୋର୍ଟର ପରବର୍ତ୍ତୀ ମୁଖ୍ୟ ବିଚାରପତି ହୋଇପାରନ୍ତି। ତାଙ୍କ ନାମକୁ ସୁପ୍ରିମକୋର୍ଟ କଲେଜିୟମ...

ତୁଟୁନି ଭାଜପା-ବିଜେଡି ଆବାସ କଳି

ଭୁବନେଶ୍ୱର,୨୬।୮(ବ୍ୟୁରୋ): ପ୍ରଧାନମନ୍ତ୍ରୀ ଆବାସ ଯୋଜନାରେ ସବୁ ଜିଲାରେ ଦୁର୍ନୀତି ହୋଇଥିବା ନେଇ ଭାଜପା ଅଭିଯୋଗ କରିଛି। ଭାଜପାର ଅଭିଯୋଗ ପରେ ବିଜେଡି ମଧ୍ୟ ପଲଟା ଜବାବ...

ବାହୁଡ଼ାରେ ମହାପ୍ରଭୁଙ୍କ ରଥଟଣା ଆରମ୍ଭ

ପୁରୀ ଅଫିସ, ୧।୭: ନବଦିନାତ୍ମକ ଯାତ୍ରା ଶେଷ କରିବା ପରେ ଶ୍ରୀମନ୍ଦିର ଅଭିମୁଖେ ବାହୁଡ଼ୁଛନ୍ତି ମହାପ୍ରଭୁ। ଭକ୍ତଶୂନ୍ୟ ବାହାଡ଼ାଯାତ୍ରାରେ ମହାପ୍ରଭୁଙ୍କ ନୀତିକାନ୍ତି ସଅଳ ଅନୁଷ୍ଠିତ ହୋଇଥିଲା।...

Coronavirus Update

Archives

Model This Week

Why Dharitri