କଲମ୍ବୋ,୨୦।୭: ତୃତୀୟ ଟି -୨୦ ମ୍ୟାଚରେ ଶ୍ରୀଲଙ୍କା ଟିମ ଇଣ୍ଡିଆକୁ ୭ ଉଇକେଟରେ ପରାସ୍ତ କରି ସିରିଜକୁ ୨-୧ରେ ଜିତିଥିଲା। ଟସ୍ ଜିତି ପ୍ରଥମେ ବ୍ୟାଟିଂ କରି ଭାରତୀୟ ଦଳ ମାତ୍ର ୮୧ ରନ ସ୍କୋର କରିପାରିଥିଲା। ଏହାର ଜବାବରେ ଶ୍ରୀଲଙ୍କା ୩ ଉଇକେଟ ହରାଇବା ଲକ୍ଷ୍ୟ ହାସଲ କରିଥିଲା। ଶ୍ରୀଲଙ୍କା ପାଇଁ ଲେଗ ସ୍ପିନର ୱାନିନ୍ଦୁ ହାସରାଙ୍ଗା ୪ ଓଭରରେ ୯ ରନ ଦେଇ ୪ ଉଇକେଟ ନେଇଥିଲେ।
ୱାନିନ୍ଦୁ ହାସରାଙ୍ଗା ନିଜର ୨୪ତମ ଜନ୍ମଦିନରେ ଟିମ ଇଣ୍ଡିଆ ବିପକ୍ଷରେ ୯ ରନ ଦେଇ ୪ ଉଇକେଟ ନେଇଥିଲେ। ଟିମ ଇଣ୍ଡିଆ ବିପକ୍ଷରେ ଯେକୌଣସି ବୋଲରଙ୍କ ଏହା ହେଉଛି ସର୍ବୋତ୍ତମ ପ୍ରଦର୍ଶନ। ଏହାପୂର୍ବରୁ ୧୩ଟି ଦଳର ୪୫୫ ବୋଲର ଟିମ ଇଣ୍ଡିଆ ବିପକ୍ଷରେ ଅବତରଣ କରିଥିଲେ, କିନ୍ତୁ ଏହିପରି ପ୍ରଦର୍ଶନ କରିପାରି ନ ଥିଲେ। ୨୦୧୬ରେ ଟି -୨୦ ବିଶ୍ୱକପ ସମୟରେ ନ୍ୟୁଜିଲାଣ୍ଡର ବାମହାତୀ ସ୍ପିନ ବୋଲର ମିଚେଲ ସାଣ୍ଟନର୍ ନାଗପୁରରେ ଭାରତ ବିପକ୍ଷରେ ୧୧ ରନ ଦେଇ ୪ଟି ଉଇକେଟ୍ ନେଇଥିଲେ। ପ୍ରଥମ ଥର ପାଇଁ ଶ୍ରୀଲଙ୍କା ବୋଲର ଭାରତ ବିପକ୍ଷ ଇନିଂସରେ ୪ ଉଇକେଟ ନେଇଛନ୍ତି। ଟି -୨୦ରେ ୱାନିନ୍ଦୁ ଙ୍କ ଏହା ହେଉଛି ସର୍ବୋତ୍ତମ ପ୍ରଦର୍ଶନ। ଏହା ପୂର୍ବରୁ ଚଳିତ ବର୍ଷ ମାର୍ଚ୍ଚରେ ସେ ୱିଣ୍ଡିଜ ବିପକ୍ଷରେ ୧୨ ରନ ଦେଇ ୩ ଉଇକେଟ ନେଇଥିଲେ। ହାସାରଙ୍ଗାଙ୍କ ଟି -୨୦ କ୍ୟାରିୟର ବିଷୟରେ କହିବାକୁ ଗଲେ ସେ ୧୪ଟି ମ୍ୟାଚରେ ୨୦ଟି ଇନିଂସରେ ୩୩ ଉଇକେଟ ନେଇଛନ୍ତି। ଏହା ବ୍ୟତୀତ ହାସରାଙ୍ଗା ୨୬ଟି ଦିନିକିଆ ରେ ୨୫ ଉଇକେଟ ଏବଂ ୪ଟି ଟେଷ୍ଟରେ ୪ ଉଇକେଟ ନେଇଛନ୍ତି। ସେ ଦିନିକିଆରେ ମଧ୍ୟ ଅର୍ଦ୍ଧଶତକ ହାସଲ କରିଛନ୍ତି।
