ଭାରତ ଏବଂ ଇଂଲଣ୍ଡ ମଧ୍ୟରେ ଫେବୃଆରୀ ୫ରୁ ଏକ ୪ ଟେଷ୍ଟ ସିରିଜ୍ ଆରମ୍ଭ ହେବାକୁ ଯାଉଛି। ଉଭୟ ଦଳ ପ୍ରଥମ ଦୁଇଟି ମ୍ୟାଚ୍ ପାଇଁ ଚେନ୍ନାଇରେ ପହଞ୍ଚିସାରିଛନ୍ତି। ଏହି ସମୟରେ ସେମାନେ କ୍ୱାରାଣ୍ଟାଇନରେ ପିଡିୟଡରେ ରହିଛନ୍ତି। ଭାରତୀୟ ଦଳର ଅଧିନାୟକ ବିରାଟ କୋହଲି ନିଜର ଓ୍ବାର୍କଆଉଟ୍ ସମୟର ଏକ ଭିଡିଓ ଶେୟାର କରିଛନ୍ତି। ଏଥିରେ ତାଙ୍କୁ ସାଇକେଲ ଚଲାଉଥିବାର ଦେଖିବାକୁ ମିଳୁଛି। ଭିଡିଓ ଶେୟାର କରି କୋହଲି କ୍ୟାପଶନରେ ଲେଖିଛନ୍ତି, କ୍ୱାରାଣ୍ଟାଇନ୍ ସମୟରେ ମ୍ୟୁଜିକ୍ ଏବଂ ଜିମ୍ର ଜିନିଷ ଆବଶ୍ୟକ ପଡ଼ିଥାଏ। କାମ କରିବାର ଇଚ୍ଛା ଥିଲେ ଯେକୌଣସି ସ୍ଥାନରେ ବି କାମ କରାଯାଇ ପାରିବ। ଆପଣ ସମସ୍ତଙ୍କର ଦିନ ଭଲରେ ରହୁ ବୋଲି ସେ ଲେଖିଛନ୍ତି।
ବିରାଟଙ୍କ ଏହି ଭିଡିଓ ବ୍ୟାକ୍ଗ୍ରାଉଣ୍ଡରେ ଏକ ପଞ୍ଜାବୀ ଗୀତ ବାଜୁଥିବାର ଶୁଣିବାକୁ ମିଳୁଛି। କୋହଲି ପଞ୍ଜାବୀ ଗୀତର ବଡ଼ ସୌଖୀନ। ସେ ସବୁ ସମୟରେ ନିଜର ଫିଟ୍ନେସ୍ର ଧ୍ୟାନ ମଧ୍ୟ ନେଇଥାନ୍ତି।
