ମୁମ୍ବାଇ,୨୨।୪ : ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଅଧିନାୟକ ବିରାଟ କୋହଲି ଗୁରୁବାର ପ୍ରଥମ ବ୍ୟାଟ୍ସମ୍ୟାନ ଭାବେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ)ରେ ପୂରଣ କରିଛନ୍ତି ୬ ହଜାର ରନ୍। କ୍ୟାରିୟରର ୧୯୬ ତମ ଆଇପିଏଲ ମ୍ୟାଚ୍ ସେ ଏହି ମାଇଲଷ୍ଟୋନ ପ୍ରତିଷ୍ଠା କରିଛନ୍ତି। ଓ୍ବାଙ୍ଖଡେ ଷ୍ଟାଡିୟମରେ ରାଜସ୍ଥାନ ରୟାଲ୍ସ ବିପକ୍ଷରେ ଖେଳାଯାଇଥିବା ମ୍ୟାଚ୍ର ୧୩ତମ ଓଭରରେ ଏକ ସିଙ୍ଗଲ ନେଇ ପୂରଣ କରିଥିଲେ ୬ ହଜାର ରନ୍।
କୋହଲିଙ୍କୁ ଛାଡ଼ି ଦେଲେ କୌଣସି ବ୍ୟାଟ୍ସମ୍ୟାନ ଆଇପିଏଲରେ ସାଢ଼େ ୫ ହଜାର ରନ୍ କରିନାହାନ୍ତି। ତାଙ୍କ ପଛକୁ ୫,୪୪୮ ରନ୍ ସହ ଦ୍ୱିତୀୟ ସ୍ଥାନରେ ଅଛନ୍ତି ସୁରେଶ ରାଇନା। ଏହି ତାଲିକାରେ ଶିଖର ଧାଓ୍ବନ (୫,୪୨୮ ରନ୍), ଡେଭିଡ୍ ଓ୍ବାର୍ନର (୫,୩୮୪) ଓ ରୋହିତ ଶର୍ମା (୫,୩୬୮) ରହିଛନ୍ତି।
