ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମାଙ୍କ ଲାଡଲୀ ତଥା ଝିଅ ଭାମିକା ୬ ମାସରେ ପଦାର୍ପଣ କରିଛନ୍ତି। ଏହି ଅବସରରେ ବିରୁଷ୍କା ଧୁମ୍ଧାମ୍ରେ ଝିଅର ୬ ମାସିକ ପାଳନ କରିଛନ୍ତି। ଏହାର ଫଟୋ ଅନୁଷ୍କା ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଫଟୋ ବିରାଟ ଝିଅ ଭାମିକାଙ୍କୁ ଧରି ଗେହ୍ଲା କରୁଥିବାବେଳେ ଅନ୍ୟ ଏକ ଫଟୋରେ ଅନୁଷ୍କାଙ୍କ ପେଟ ଉପରେ ଭାମିକା ଶୋଇଥିବାର ନଜର ଆସିଛନ୍ତି। ଫଟୋ ଶେୟାର କରି ଅନୁଷ୍କା କ୍ୟାପଶନ୍ ଦେଇଛନ୍ତି, ତା’ର ଗୋଟିଏ ହସ, ଆମ ସାରା ଦୁନିଆ ବଦଳାଇ ଦିଏ। ସୂଚନାଯୋଗ୍ୟ, ବିରୁଷ୍କା ଏବେ ଭାରତୀୟ ଦଳ ସହ ଇଂଲଣ୍ଡରେ ଅଛନ୍ତି। ଇଂଲଣ୍ଡ ସହ ଟେଷ୍ଟ ସିରିଜ୍ ପୂର୍ବରୁ ଭାରତୀୟ ଦଳକୁ ୨୦ ଦିନିଆ ବ୍ରେକ ମିଳିଛି। ଏହି ସମୟରେ ଖେଳାଳିମାନେ ନିଜ ପରିବାର ସହ ସମୟ ବିତାଉଛନ୍ତି।
