ମୁମ୍ବାଇ : ଆଜିକାଲି କ୍ରିକେଟର ବିରାଟ କୋହଲିଙ୍କ ଗୋଡ଼ ଆଉ ତଳେ ଲାଗୁନି। କାରଣ ତାଙ୍କ ଘରକୁ ଏକ ଛୋଟ ପରୀ ଆସିଛି। ଏହି ଖୁସିରେ ବିରାଟଙ୍କ ମନ ଆକାଶରେ ଉଡୁଛି। ସେହିପରି ମା’ ହେବାର ୧୦ ଦିନ ପରେ ଅନୁଷ୍କାଙ୍କୁ ସ୍ବାମୀ ବିରାଟଙ୍କ ସହ ସ୍ପଟ୍ କରାଯାଇଛି। କୁହାଯାଉଛି, ଅନୁଷ୍କାଙ୍କୁ କ୍ଲିନିକ୍ ନେଇ ଯାଇଥିଲେ କୋହଲି। ସୋସିଆଲ ମିଡିଆରେ ତାଙ୍କର ଏହି ସମୟର ଫଟୋ ଏବେ ଭାଇରାଲ ହେଉଛି। ଏମିତିରେ ତ ବିରୁଷ୍କାଙ୍କ ପ୍ରତ୍ୟେକ ଫଟୋ ଭାଇରାଲ ହୋଇଥାଏ। ମାତ୍ର ଏଥରକ ପ୍ରଶଂସକ ଟିକେ ଦ୍ୱନ୍ଦ୍ୱରେ ପଡ଼ିଛନ୍ତି।
ଖାସ୍କରି କୋହଲିଙ୍କ ଗେଟ୍ଅପ୍କୁ ଦେଖି। କାରଣ ଗୋଟିଏ ଚଷମା ସେ ପିନ୍ଧିଥିବା ବେଳେ ଆଉ ଗୋଟିଏ ତାଙ୍କ ଶର୍ଟରେ ଝୁଲାଇଛନ୍ତି। ଏକାସାଙ୍ଗରେ ଦୁଇଟି ଚଷମା ଦେଖି ଅନେକଙ୍କ ମନରେ ବିଭିନ୍ନ ପ୍ରଶ୍ନ ଉଠିଛି। କିଛି ପ୍ରଶଂସକ ଦୁଇଟି ଚଷମାର ରାଜ୍ ପଚାରିଥିବା ବେଳେ ଆଉ କିଛି ଏହାର ରହସ୍ୟ ବୁଝିପାରୁନାହାନ୍ତି ବୋଲି କହିଛନ୍ତି। ଏହି ଦ୍ୱନ୍ଦ୍ୱକୁ ଦୂର କରିନାହାନ୍ତି କୋହଲି। ମାତ୍ର କୁହାଯାଉଛି, ଗୋଟିଏ ଚଷମା ଦେଖିବା ପାଇଁ ଆଉ ଗୋଟିଏ ଖରାରୁ ବଞ୍ଚିବା ପାଇଁ। ଏହା ପୂର୍ବରୁ ବି କୋହଲିଙ୍କୁ ଏମିତି ରୂପେ ଦେଖିବାକୁ ମିଳିଥିଲା। ଗତ ୧୧ ତାରିଖରେ ବିରାଟ ପିତା ହେବାର ସୌଭାଗ୍ୟ ଅର୍ଜନ କରିଛନ୍ତି। ସୋସିଆଲ ମିଡିଆରେ ଏହି ଖୁସି ଖବର ଜଣାଇବା ପରେ ତୀବ୍ର ବେଗରେ ଏହା ଭାଇରାଲ ହୋଇଥିଲା।
