ଥୁଆମୂଳ ରାମପୁର,୩।୬(ଦୁର୍ଗା କୀର୍ତ୍ତି): ମନରେଗା ଯୋଜନାର କାର୍ଯ୍ୟ ତଦାରଖ ବା ଲୋକଙ୍କୁ ୧୦୦ଦିନ ନିଜ ଗ୍ରାମରେ କାମ ଯୋଗାଇବାରେ ସହଯୋଗ କରିବା ପାଇଁ ନିୟୋଜିତ ଗାଁସାଥିଙ୍କ ମନମୁଖି କାର୍ଯ୍ୟକଳାପକୁ ନେଇ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି। ଏନେଇ ବାରମ୍ବାର ବ୍ଲକ ପ୍ରଶାସନଙ୍କୁ ଲିଖିତ ଓ ମୌଖିକ ଭାବେ ଅଭିଯୋଗ କରି ଆସୁଥିବା ବେଳେ କେହି ଶୁଣୁନାହାନ୍ତି। ଏକାଧିକ ଥର ବୈଠକ କରାଯାଇଥିଲେ ସୁଦ୍ଧା ତଥାପି କିଛି ପରିବର୍ତ୍ତନ ହୋଇ ନାହିଁ l ଦିନକୁ ଦିନ କିଛି ଗାଁ ସାଥୀ ମନରେଗା ଯୋଜନାରେ ବ୍ୟାପକ ଅନିୟମିତତା କରିବା ସହ ସେମାନେ ନିଜେ ଠିକାଦାର ସାଜି ସରକାରୀ ଟଙ୍କା ଅବବ୍ୟବହାର କରୁଥିବା ସହ ଏମଜିଏନଆରଇଜିଏ, ଏନଆରଇଜିଏ ଏବଂ ଏମଏନଆରଇଜିଏ ଯୋଜନାର ଆଇନ ୨୦୦୫ ଓ ୨୦୦୯କୁ ସମ୍ପୂର୍ଣ୍ଣ ଉଲଘଂନ କରୁଥିବା ଅଭିଯୋଗ ହୋଇଛି। ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଲା ପରେ ମଧ୍ୟ ଗ୍ରାମବାସୀଙ୍କୁ କୌଣସି ସୁଫଳ ମିଳୁନାହିଁ ବୋଲି ଆମ ଧରିତ୍ରୀ ଆଗରେ ପ୍ରକାଶ କରିଛନ୍ତି ଗ୍ରାମବାସୀ l ଏଭଳି ଏକ ଖବର ସାମ୍ନାକୁ ଆସିଛି କଳାହାଣ୍ଡି ଜିଲା ଥୁଆମୂଲ ରାମପୁର ବ୍ଲକ ଅନ୍ତର୍ଗତ ମହୁଲପାଟଣା ପଞ୍ଚାୟତ ଅଧିନସ୍ତ ପଡାପଦର ଗ୍ରାମରୁ l
ମିଳିଥିବା ସୂଚନା ଅନୁଯାୟୀ, ପଡାପଦର ଗ୍ରାମର ଦୁଇ ଗାଁସାଥିଙ୍କ ଏଭଳି ମନମୁଖୀ ଦୁର୍ନୀତି କାର୍ଯ୍ୟକଳାପକୁ ନେଇ ଗତ ମାସରେ ଗ୍ରାମବାସୀ ସରପଞ୍ଚଙ୍କଠାରୁ ଆରମ୍ଭ କରି ବିଡ଼ିଓଙ୍କ ପର୍ଯ୍ୟନ୍ତ ଅନେକ ଥର ଲିଖିତ ମୌଖିକ ଅଭିଯୋଗ ହୋଇଛି। ଏନେଇ ଆମ ଧରିତ୍ରୀରେ ଖବର ପ୍ରକାଶ ପାଇଥିଲା। ଏହାପରେ ବ୍ଲକ ପ୍ରଶାସନ ତତ୍ପରତା ଦେଖାଇ ଗତ ଶନିବାର ଅପରାହ୍ନରେ ଗ୍ରାମବାସୀଙ୍କ ଅଭିଯୋଗ କ୍ରମେ ଏକ ବୈଠକ କରାଯାଇଥିଲା ଏବଂ ସେଥିରେ ସ୍ଥାନୀୟ ରତନୀ ମାଝୀ,
କାର୍ଯ୍ୟନିର୍ବାହୀ କନିଷ୍ଠ ଯନ୍ତ୍ରୀ ସତ୍ୟନାରାୟଣ ବେହେରା, ପଞ୍ଚାୟତ ନିର୍ବାହୀ ଅଧିକାରୀ ତ୍ରିଲୋଚନ ନାଏକ ଗ୍ରାମ ରଜଗାର ସେବକ ମୋନୋଜ ରାଉତ, ଯୋଗାଣ ସହାୟକ ବିପିନ୍ଦ୍ର ନାଏକ, ପୂର୍ବତନ ସରପଞ୍ଚ ଲକ୍ଷଣ ମାଝୀଙ୍କ ସମେତ ଦୁଇ ଗାଁ ସାଥି ପଙ୍କଜିନି ନାଏକ, ଅନନ୍ତ ମାଝୀ ପ୍ରମୁଖ ବୈଠକରେ ଉପସ୍ଥିତ ରହିଥିବାବେଳେ ଗ୍ରାମର ଭଦ୍ରବ୍ୟକ୍ତି ଏବଂ ପୁରୁଷ ମହିଳା ଉପସ୍ଥିତ ରହି ବୈଠକ କରିଥିଲେ l
ବୈଠକରେ ସମସ୍ତଙ୍କ ସମ୍ମୁଖରେ ଗ୍ରାମବାସୀ ଦୁଇ ଗାଁସାଥି ମନଇଚ୍ଛା ନିଜ ପରିବାରର ଲୋକଙ୍କ ଜବକାର୍ଡ ନେଇ ଜବ ଡିମାଣ୍ଡ ମାରି ନିଜେ ନିଜେ ମାଲାମାଲ ହେଉଥିବା ଅଭିଯୋଗ ହୋଇଥିଲା। ଏହାସହ କାମରେ ବ୍ୟାପକ ଅନିୟମିତତା କରୁଥିବା ଭଳି ସଙ୍ଗିନ ଅଭିଯୋଗ ଆଣିଥିଲେ ଗ୍ରାମବାସୀ l ପରେ ଏପରି ମନରେଗାରେ ଚାଲିଥିବା ଅନେକ କାମର ଦୁର୍ନୀତି କରିବା ନେଇ ଆଲୋଚନା କରିଥିଲେ ଏହାର ଉଚିତ୍ ତଦନ୍ତ କରାଯାଉ ବୋଲି ମତ ସାବ୍ୟସ୍ତ କରିବା ସହ ଏଥିରେ ଗାଁ ସାଥି ଦୁଇ ଜଣଙ୍କ ମନମୁଖୀ କାର୍ଯ୍ୟକୁ ନେଇ ଯେଉଁ ଦିନ ପର୍ଯ୍ୟନ୍ତ ଗାଁ ସାଥିଙ୍କ ସମସ୍ୟାର ସମାଧାନ ନ ହୋଇଛି ସେ ଦିନ ପର୍ଯ୍ୟନ୍ତ ଗ୍ରାମପଞ୍ଚାୟତର ସମସ୍ତ ଏମଜିଏନଆରଇଜିଏ, ଏନଆରଇଜିଏ ଏବଂ ଏମଏନଆରଇଜିଏ ଯୋଜନାର ସବୁ କାମ ବନ୍ଦ ରଖିବାକୁ ଉପସ୍ଥିତ ବ୍ଲକ ପ୍ରଶାସନଙ୍କ ସମ୍ମୁଖରେ ଗ୍ରାମବାସୀ ନିଷ୍ପତି ନେଇଥିଲେ ଓ ପଡ଼ାପଦର ଗ୍ରାମର ଗାଁ ସାଥିଙ୍କୁ କାଢି ନୂତନ ଭାବେ ଗାଁ ସାଥି ଦିଆଯାଉ ବୋଳି ବ୍ଲକ ପ୍ରଶାସନଙ୍କ ଆଗରେ ଦାବି ରଖି କହିଥିଲେ ଗାଁସାଥିଙ୍କ ସମସ୍ୟା ବ୍ଲକ ପ୍ରଶାସନ ସମାଧାନ ନ କରେ। ତେବେ ଆଗାମୀ ଦିନରେ ଗ୍ରାମବାସୀ ଜିଲା ପ୍ରଶାସନ ଠାରୁ ଆରମ୍ଭ କରି ରାଜ୍ୟ ସରକାରଙ୍କୁ ନିକଟରେ ମଧ୍ୟ ଅଭିଯୋଗ କରିବାକୁ ପଛେଇବୁ ନାହିଁ ବୋଲି ଚେତାବନୀ ଦେଇଛନ୍ତି l ଦେଖିବାକୁ ବାକି ରହିଲା ଖବର ପ୍ରକାଶ ପରେ ବ୍ଲକ ପ୍ରଶାସନ ସମସ୍ୟା ସମାଧାନ କରୁଛି ନା ଏମିତି ଦୁର୍ନୀତିକୁ ଚାପିବାକୁ ଚେଷ୍ଟା କରିବେ ତାହା ଆଗାମୀ ସମୟ କହିବ l
