ଆନନ୍ଦପୁର,୨୯।୪(ସୁଶାନ୍ତ କୁମାର ସାହୁ ): କେନ୍ଦୁଝର ଜିଲା ଆନନ୍ଦପୁର ବ୍ଲକ ସୀମାନ୍ତ ମୟୂରଭଞ୍ଜ ଜିଲା ଶାଳଚୁଆ ଫୁଟବଲ ପଡ଼ିଆ ପାଖ ଜଙ୍ଗଲରେ ମଙ୍ଗଳବାର ଏକ ଦନ୍ତା ହାତୀର ମୃତ୍ୟୁ ଘଟିଛି। ହେଲେ ହାତୀମୃତ୍ୟୁକୁ ନେଇ ଗ୍ରାମବାସୀ ସନ୍ଦେହ ପ୍ରକାଶ କରିଛନ୍ତି।
ମିଳିଥିବା ସୂଚନା ମୁତାବକ, ମଙ୍ଗଳବାର ସକାଳ ପ୍ରାୟ ୭ଟା ବେଳେ ଏକ ଦନ୍ତା ହାତୀ ଜଙ୍ଗଲ ପାଖ ଏକ ପୋଖରୀରେ ପାଣି ପିଉଥିଲା। ପରେ ହାତୀଟି ପୋଖରୀରୁ ବାହାରି ରାସ୍ତା ଉପରକୁ ଆସି ପଡିଯାଇଥିଲା l ଏହା ଦେଖି ଲୋକେ ହୋହଲ୍ଳା କରିବାରୁ ହାତୀ ସେଠାରୁ ଉଠି ଜଙ୍ଗଲ ପାଖକୁ ଯାଇଥିଲା। ହେଲେ ହାତୀ ସେଠାରେ ପୁଣି ପଡିଯାଇଥିଲା।
ଖବର ପାଇ ସତକୁସିଆ ସେକ୍ସସନ, ଶାଳଚୁଆ ବନକର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ପରେ କରଞ୍ଜିଆ ଏସିଏଫ ମଦନ ମୋହନ ମହାନ୍ତ ପହଞ୍ଚି ଘଟଣାର ଅନୁଧ୍ୟାନ କରିଥିଲେ। ହେଲେ ହାତୀର ମୃତ୍ୟୁ ଘଟିଥିବା ଜଣାପଡିଥିଲ। ଅନ୍ୟପକ୍ଷେ ହାତୀ ମୃତ୍ୟୁକୁ ନେଇ ସ୍ଥାନୀୟ ଲୋକେ ତଦନ୍ତ ଦାବି କରିଛନ୍ତି। ହାତୀର ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ସୂଚନା ମିଳିଛି।
