ଗଣପର୍ବ ପାଇଁ ସଜେଇ ହେଉଛି ଗାଁ

ବଅଁରପାଳ, ୮ା୧୦ (ଡି.ଏନ.ଏ.) ଗଣପର୍ବ ଲକ୍ଷ୍ମୀ ପୂଜା ପାଇଁ ସଜେଇ ହେଉଛି ଅନୁଗୋଳ ଜିଲା ବଅଁରପାଳ ବ୍ଲକ କୁଲାଡ଼ ଗାଁ। କରୋନା କଟକଣା ଯୋଗୁ ଗତ ୨ ବର୍ଷ ହେଲା ପୂଜା ଫିକା ପଡିଥିବା ବେଳେ ଚଳିତବର୍ଷ କିନ୍ତୁ ଏହା ଅତି ଆଡ଼ମ୍ବରରେ ପାଳନ କରାଯିବ। ଏଥିପାଇଁ ସମଗ୍ର ଗ୍ରାମ ଉତ୍ସବମୁଖର ହୋଇପଡ଼ିଥିବା ବେଳେ ପ୍ରସ୍ତୁତି ପର୍ବ ଶେଷ ପର୍ଯ୍ୟାୟରେ ପହଞ୍ଚିଛି। ଆସନ୍ତା ୯ରୁ ୨୧ ତାରିଖ ଯାଏ ପୂଜା ପାଳନ ହେବାକୁ ଥିବାରୁ ଏହି ସମୟ ମଧ୍ୟରେ ଗ୍ରାମରେ ଆମିଷ ଦ୍ରବ୍ୟ ପଶିବ ନାହିଁ ବୋଲି ସୂଚନା ମିଳିଛି।
କୁଲାଡ ଗ୍ରାମର ୯ ମଣ୍ଡପରେ ହେବ ମା’ ଲକ୍ଷ୍ମୀଙ୍କ ପୂଜା। ହାତରେ ଆଉ ଅଧିକ ଦିନ ନ ଥିବାରୁ କୁଲାଡ଼ ଛକ, ବ୍ରାହ୍ମଣୀଦେବୀ ସାହି, ବିଗ୍‌ ପଣ୍ଡ, ଫ୍ରେଣ୍ଡସ କ୍ଲବ, ସାହାରା କ୍ଲବ, ପ୍ରିନ୍ସ କ୍ଲବ, ବଣିକ ସଂଘ, ବାବାସ କ୍ଲବ, ଆଲୁମିନିୟମ ହାଇସ୍କୁଲ ମଣ୍ଡପରେ ଜୋର୍‌ଧରିଛି ସାଜସଜ୍ଜା କାର୍ଯ୍ୟ। ମଣ୍ଡପ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ନାଲ୍‌କୋ ଏଫ୍‌ସିଆଇ ଛକଠାରୁ ବ୍ରାହ୍ମଣୀ ଦେବୀ ସାହି ପର୍ଯ୍ୟନ୍ତ ଆଲୋକ ସଜ୍ଜିତ କରାଯିବ। ଫଳରେ ନବବଧୂ ପରି ସଜେଇ ହେବ କୁଲାଡ଼ ଗାଁ। ଆଲୁମିନିୟମ ହାଇସ୍କୁଲ ତରଫରୁ ଏଥର ମେଢ଼କୁ ଆକର୍ଷଣୀୟ କରାଯିବାର ଯୋଜନା ରହିଛି। ତେବେ ବିଗ୍‌ପଣ୍ଡ ପକ୍ଷରୁ ପୋଖରୀ ଭିତରେ ହେଉଥିବା ମଣ୍ଡପ ଶ୍ରଦ୍ଧାଳୁଙ୍କ ଆକର୍ଷଣର କେନ୍ଦ୍ରବିନ୍ଦୁ ହେବ ବୋଲି କୁହାଯାଉଛି। ପ୍ରାୟ ୫ ଶହ ପାଇପ୍‌ ଦ୍ୱାରା ଏହି ମଣ୍ଡପ ନିର୍ମାଣ ଚାଲିଥିବାବେଳେ ରଙ୍ଗିନ ଆଲୋକରେ ସଜାସଜ୍ଜା କରାଯିବ। ସେହିପରି କୁଲାଡ଼ ଛକ ପୂଜା କମିଟି ପକ୍ଷରୁ ଆକର୍ଷଣୀୟ ତୋରଣ ନିର୍ମାଣ କରାଯିବ। ୧୩ ଦିନ ଧରି ପୂଜା ପାଳନ ହେବାକୁ ଥିବାରୁ ପ୍ରବଳ ଜନସମାଗମ ହେବ। ଏଥିସହ ଲୋକଙ୍କ ମନୋରଞ୍ଜନ ପାଇଁ ଦଣ୍ଡନୃତ୍ୟ, ମେଲୋଡ଼ି ପରି ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି। ଶ୍ରଦ୍ଧାଳୁମାନେ ପୂଜା ବୁଲିବା ସହ ମିନା ବଜାର ଓ ଭଳି କି ଭଳି ଖାଦ୍ୟ ଷ୍ଟଲର ମଜା ନେଇପାରିବେ।

ଗୋଟିଏ ମଣ୍ଡପରୁ ୯ ମଣ୍ଡପ
୨୫ ବର୍ଷ ତଳେ କୁଲାଡ଼ ଛକରେ ପ୍ରଥମେ ମା’ ଲକ୍ଷ୍ମୀଙ୍କ ପୂଜା ଆରମ୍ଭ ହୋଇଥିଲା। ପରେ ଗ୍ରାମର ଯୁବଗୋଷ୍ଠୀଙ୍କ ପ୍ରଚେଷ୍ଟାରେ ଏହି ପୂଜା ଏବେ ୯ ମଣ୍ଡପରେ ପହଞ୍ଚିଛି। ଏହା ଗାଁର ଗଣପର୍ବ ହୋଇଥିବାରୁ ପ୍ରତିବର୍ଷ ପରି ଚଳିତବର୍ଷ ମଧ୍ୟ ଧୁମ୍‌ଧାମରେ ପୂଜା ପାଳନ କରାଯିବ।
-ଜିତେନ୍ଦ୍ର ଜେନା, ସଭାପତି, କୁଲାଡ଼ ଛକସାହି ପୂଜା କମିଟି

ଆଲୋକମାଳାରେ ଝଲସିବ ଗ୍ରାମ ପୋଖରୀ
କରୋନା ଯୋଗୁ ୨ ବର୍ଷ ହେଲା ପୂଜା ଫିକା ପଡିଥିଲା। ହେଲେ ଚଳିତବର୍ଷ ବହୁ ଆଡ଼ମ୍ବରରେ ପୂଜା ପାଇଁ ପୋଖରୀ ଭିତରେ ମଣ୍ଡପ ନିର୍ମାଣ କରାଯାଉଛି। ଲକ୍ଷାଧିକ ଟଙ୍କା ବ୍ୟୟରେ ରଙ୍ଗିନ ଆଲୋକମାଳାରେ ସାଜସଜ୍ଜା କରାଯାଉଛି।
-ରାଜୀବ ଜେନା, ସଭାପତି, ବିଗ୍‌ପଣ୍ଡ ପୂଜା କମିଟି

ଆଡ଼ମ୍ବରରେ ହେବ ଭସାଣି
ଚଳିତବର୍ଷ ବହୁ ଆଡ଼ମ୍ବରରେ ପୂଜା ସହ ଭସାଣି କାର୍ଯ୍ୟକ୍ରମ ଅନୁଷ୍ଠିତ ହେବ। ବିଭିନ୍ନ ବାଦ୍ୟରେ ଗ୍ରାମ ଦୁଲୁକି ଉଠିବ। ଏଫ୍‌ସିଆଇ ଛକଠାରୁ ଗ୍ରାମ ଭିତର ପର୍ଯ୍ୟନ୍ତ ଶୋଭାଯାତ୍ର ଯିବ। ଏଥିପାଇଁ ମେଲୋଡି, ସାଉଣ୍ଡ ଓ ବାଦ୍ୟ ଦଳକୁ ଅଗ୍ରିମ ଦିଆସରିଛି।

-ମୁକେଶ ଜେନା, ସଭାପତି, ଆଲୁମିନିୟମ ହାଇସ୍କୁଲ ପୂଜା କମିଟି

ମହକିବ ଅରୁଆ ଅନ୍ନ ବାସ୍ନା
ପୂଜା ୧୩ ଦିନ ଧରି ପାଳନ ହେବାକୁ ଥିବାବେଳେ ଏହି ସମୟ ମଧ୍ୟରେ ଗ୍ରାମରେ ଆମିଷ ଦ୍ରବ୍ୟ ପଶିବ ନାହିଁ। ଘରେ ଘରେ ଅରୁଆ ଅନ୍ନର ମହକ ଛୁଟିବ। ଚଳିତବର୍ଷ ପୂଜାକୁ ବହୁ ଆକର୍ଷଣୀୟ କରାଯାଉଛି। ବିଶେଷକରି ଆଲୋକ ତୋରଣ ଉପରେ ଧ୍ୟାନ ଦିଆଯାଉଛି।
-ମିଲନ ସ୍ବାଇଁ, ସଭାପତି, ସାହାରା କ୍ଲବ


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?