ସଲମାନ ଖାନ ଏବଂ ପାକିସ୍ତାନର ସୋମି ଅଲ୍ଲୀଙ୍କ ସମ୍ପର୍କ କାହାକୁ ଅଛପା ନାହିଁ। ସଲମାନ ଏବଂ ସୋମି ପରସ୍ପରକୁ ଆଠ ବର୍ଷ ପାଇଁ ଡେଟ କରିଥିଲେ। ତେବେ ଏକ ସାକ୍ଷାତକାରରେ ସୋମି କହିଥିଲେ ସଲମାନ୍ ତାଙ୍କୁ ଚିଟ୍ କରିବା ପରେ ସମ୍ପର୍କ ଭାଙ୍ଗି ଯାଇଥିଲା। ସୋମି ୧୬ ବର୍ଷ ବୟସରେ ମୁମ୍ବାଇ ଆସିଥିଲେ ଏବଂ ବଲିଉଡରେ କ୍ୟାରିୟର କରିଥିଲେ। ସେ ସଲମାନ ଖାନଙ୍କୁ ତାଙ୍କ ପ୍ରେମିକ ଭାବରେ ପାଇ ଖୁସିଥିଲେ। କିନ୍ତୁ ସେମାନଙ୍କର ସମ୍ପର୍କ ୧୯୯୯ ରେ ଭାଙ୍ଗି ଯାଇଥିଲା।
ନିକଟରେ ଏକ ସାକ୍ଷାତକାରରେ ସୋମି ତାଙ୍କ ବ୍ୟକ୍ତିଗତ ଜୀବନ ବିଷୟରେ କହିଛନ୍ତି। ସଲମାନଙ୍କ ସହ ତାଙ୍କର ସମ୍ପର୍କ ବର୍ତ୍ତମାନ ଅଛିକି ନାହିଁ ଏହାର ଉତ୍ତରରେ ସୋମି କହିଛନ୍ତି, ‘ମୁଁ ଗତ ପାଞ୍ଚ ବର୍ଷ ଧରି ତାଙ୍କ ସହ ସମ୍ପର୍କ ରଖି ନାହିଁ। ମୁଁ ବିଶ୍ୱାସ କରେ ଜୀବନରେ ଆଗକୁ ବଢ଼ିବା ଭଲା। ମୁଁ ମୋ ଜୀବନରେ ଅଗ୍ରଗତି କରିଛି ଏବଂ ମୁଁ ଭାବୁଛି ସଲମାନ ମଧ୍ୟ ତାଙ୍କ ଜୀବନରେ ଆଗକୁ ବଢ଼ିଛନ୍ତି। ୧୯୯୯ରେ ମୋର ବିଦାୟ ପରେ ତାଙ୍କ ଜୀବନରେ କେତେ ଗର୍ଲଫ୍ରେଣ୍ଡ ଆସିଛନ୍ତି ମୁଁ ଜାଣେ ନାହିଁ, ମୁଁ ତାଙ୍କୁ ଶୁଭକାମନା ଜଣାଉଛ। ସୋମି ଏବଂ ସଲମାନ ଖାନଙ୍କ ସମ୍ପର୍କ ଫିଲ୍ମ ‘ବୁଲନ୍ଦ’ ଶୁଟିଂସେଟରୁ ଆରମ୍ଭ ହୋଇଥିଲା।
ସୋମି ଅଲି କହିଛନ୍ତି ଯେ ସଲମାନଙ୍କ ସହ ସମ୍ପର୍କ ନହେବା ତାଙ୍କ ସ୍ବାସ୍ଥ୍ୟ ପାଇଁ ଭଲ। ସେ କହିଛନ୍ତି, ମୁଁ ଜାଣେ ସଲମାନ ନିଜ ଏନଜିଓରେ କାମ କରନ୍ତି ଏବଂ ମୁଁ ଏଥିପାଇଁ ଗର୍ବିତ। କିନ୍ତୁ ମାନସିକ ସ୍ତରରେ ତାଙ୍କ ସହ ସମ୍ପର୍କ ନହେବା ମୋ ସ୍ବାସ୍ଥ୍ୟ ପାଇଁ ଭଲ ଅଟେ ।
ସଲମାନଙ୍କୁ ପ୍ରକୃତରେ ପ୍ରେମ କରୁଥିବା ଅଭିନେତ୍ରୀ ସୋମି ୪୫ ବର୍ଷ ବୟସ। କିନ୍ତୁ ବର୍ତ୍ତମାନ ସୁଦ୍ଧା ସେ ଅବିବାହିତ ଅଛନ୍ତି। କିଛି ବର୍ଷ ପୂର୍ବେ ସୋମି ଏକ ବାର୍ତ୍ତାଳାପରେ କହିଥିଲେ, ‘ମୁଁ ଭାରତରେ ବିବାହ କରିବାକୁ ଚାହୁଁଥିଲି ଏବଂ ପାଞ୍ଚଟି ସନ୍ତାନର ମା’ ହେବାକୁ ଚାହୁଁଥିଲି। କିନ୍ତୁ ବର୍ତ୍ତମାନ ମୋର ବୟସ ୪୦ ତେଣୁ ମୁଁ ପିଲା ଜନ୍ମ ଦେବାକୁ ଚାହୁଁ ନାହିଁ । ଯଦି ମୁଁ ମୋର ଚିନ୍ତାଧାରା ଭଳି ଜଣେ ବ୍ୟକ୍ତିଙ୍କୁ ପାଏ, ମୁଁ ନିଶ୍ଚିତ ଭାବରେ ତାଙ୍କ ସହିତ ଏକ ନୂତନ ସମ୍ପର୍କ ଆରମ୍ଭ କରିବି ବୋଲି ସେ କହିଛନ୍ତି।
