ଅଲ୍ଟାଇମ୍ ଷ୍ଟାଇଲିଶ୍ ଲୁକ୍ ଦେଇଥାଏ ଭେଲ୍ଭେଟ୍ ଆଉଟ୍ଫିଟ୍। ତେବେ ଏହାର ଯେ କେବଳ ଆଉଟ୍ଫିଟ୍ ଆସିଥାଏ ତାହା ନୁହେଁ, ଏହି ମ୍ୟାଟେରିଆଲ୍ର ଖୁବ୍ ସୁନ୍ଦର ସୁନ୍ଦର ଫୁଟ୍ଓ୍ବେର୍ ବି ଏବେ ମିଳିଲାଣି, ଯାହାକୁ ପାର୍ଟି, ଫଙ୍କଶନ୍ ହେଉ ଅବା ଆଉଟିଂ ଏପରି କି ଅଫିସକୁ ବି ପିନ୍ଧି ଯାଇହେବ। ଜାଣନ୍ତୁ ସେମିତି କେତୋଟି ଆକର୍ଷଣୀୟ ଭେଲ୍ଭେଟ୍ ଫୁଟ୍ଓ୍ବେର୍ ସମ୍ପର୍କରେ…
ଭେଲ୍ଭେଟ୍ ହିଲ୍ସ: ପାର୍ଟି ପାଇଁ ଏହି ଫୁଟ୍ଓ୍ବେର୍ ପରଫେକ୍ଟ ଲୁକ୍ ଦେଇଥାଏ। ଆପଣ ଚାହିଁଲେ ଯେକୌଣସି ଡାର୍କ କଲର୍ର ଭେଲ୍ଭେଟ୍ ହିଲ୍ସ ଏଥିପାଇଁ ଟ୍ରାଏ କରିପାରିବେ। ଖାସ୍କରି ଲଙ୍ଗ୍ ଡ୍ରେସ୍ ସହ ଏହି ହିଲ୍ସ ପିନ୍ଧିଲେ ପ୍ରିନ୍ସେସ୍ ଲୁକ୍ ମିଳିଥାଏ। ଜିନ୍ସ ସହ ମଧ୍ୟ ଏହାକୁ ପିନ୍ଧାଯାଇପାରେ।
ଭେଲ୍ଭେଟ୍ ବୁଟ୍ସ: ଷ୍ଟାଇଲିଶ୍ ଲୁକ୍ ଦେଇଥାଏ ଏହି ବୁଟ୍ସ। ଏହାର ମଧ୍ୟ ଅନେକ ଭେରାଇଟି ଆସିଥାଏ। ତନ୍ମଧ୍ୟରୁ ଆଙ୍କେଲ୍ ଲେଙ୍ଗ୍ଥ ବୁଟ୍ ଅନ୍ୟତମ। ଏହାକୁ ଆପଣ ଆଉଟିଂ ହେଉ ଅବା ପାର୍ଟି, ଫଙ୍କଶନ୍ରେ ବି ପିନ୍ଧିପାରିବେ। ନି ଲେଙ୍ଗ୍ଥ ଜିନ୍ସ ହେଉ ଅବା ଓ୍ବାନ୍ ଥାର୍ଡ କିମ୍ବା ଆଙ୍କେଲ୍ ଲେଙ୍ଗ୍ଥ ଜିନ୍ସ ସହ ଏହାକୁ ପିନ୍ଧିଲେ ଭଲ ମାନିଥାଏ। ଆଉ ଯେଉଁମାନେ ଟିକେ ମଡର୍ନ ଲୁକ୍ ଚାହାନ୍ତି, ସେମାନେ ଚାହିଁଲେ ଶଟର୍ସ ସହ ମଧ୍ୟ ଏହାକୁ ଟ୍ରାଏ କରିପାରିବେ।
ଫ୍ଲାଟ୍ ଷ୍ଟାଇଲ୍ ଭେଲ୍ଭେଟ୍ ଫୁଟ୍ଓ୍ବେର୍: କାଜୁଆଲ୍ ଲୁକ୍ ଚାହୁଁଥିଲେ ଆପଣ ବକଲ୍ବାଲା ଫ୍ଲାଟ୍ ଭେଲ୍ଭେଟ୍ ଫୁଟ୍ଓ୍ବେର୍ କ୍ୟାରି କରିପାରିବେ। ଏହାକୁ ଜିନ୍ସ, ସ୍କର୍ଟ ଅବା ଡ୍ରେସ୍୍ ସହ ମଧ୍ୟ ମ୍ୟାଚିଂ କରି ପିନ୍ଧିପାରିବେ।
ଭେଲ୍ଭେଟ୍ ଲୋଫର୍ସ: କୁଲ୍ କାଜୁଆଲ୍ ଲୁକ୍ ଦେଇଥାଏ ଲୋଫର୍ସ। ଆଉ ଯଦି କଥା ଭେଲ୍ଭେଟ୍ ଲୋଫର୍ସର ଉଠେ, ତା’ହେଲେ ତ ଖୁସିର ସୀମା ରହେନାହିଁ। ଖାସ୍ କରି ଜିନ୍ସ ସହ ଏହି ମ୍ୟାଟେରିଆଲ୍ର ଲୋଫର୍ସ ପିନ୍ଧିଲେ ସ୍ମାର୍ଟ ଲୁକ୍ ମିଳିଥାଏ।
ଭେଲ୍ଭେଟ୍ ସ୍ନିକର୍ସ: ଯୁବତୀମାନେ ଚାହିଁଲେ ଭେଲ୍ଭେଟ୍ ସ୍ନିକର୍ସ ମଧ୍ୟ ଟ୍ରାଏ କରିପାରିବେ। କାରଣ ଏହା ଟ୍ରେଣ୍ଡି ଲୁକ୍ ଦେଇଥାଏ। କୁଆଡ଼େ ବୁଲିଗଲାବେଳେ ଏହାକୁ ପିନ୍ଧିଲେ କମ୍ଫର୍ଟେବଲ୍ ଲାଗିଥାଏ।
